YS Sharmila: ఏపీ రాజకీయాల్లో సంచలనం.. షర్మిల ఆడియో వైరల్!

YS Sharmila Audio Viral: ఏపీసీసీలో టిక్కెట్ల కేటాయింపు దుమారం రేపుతోంది. తాజాగా, వైఎస్‌ షర్మిల ఆడియో ఒకటి వైరల్‌గా మారింది. పాడేరులో కాంగ్రెస్‌ రెబల్‌గా పోటీ చేసిన వంతల సుబ్బారావుకు షర్మిల ఫోన్‌ చేసినట్లు తెలుస్తోంది. పార్టీ కోసం వెనక్కి తగ్గాలని విజ్ఞప్తి చేశారు. అయితే, ముందు నుంచి టిక్కెట్‌ కోసం ప్రయత్నించారు సుబ్బారావు. కానీ, రఘువీరారెడ్డి ఒత్తిడి వల్లే సతక బుల్లిబాబుకు టికెట్ కేటాయించినట్లుగా తెలుస్తోంది.

Also Read: వారిపై చట్టపరమైన చర్యలు.. ఏపీ మంత్రి కారుమూరి సంచలన వ్యాఖ్యలు

బుల్లిబాబుకు చెప్పిన కమిట్‌మెంట్‌ సుబ్బారావుకు ఇచ్చే ప్రయత్నం చేస్తా అంటూ ఫోన్‌లో సుబ్బారావుకు షర్మిల హామీ ఇచ్చారు. వైసీపీ ఓటు బ్యాంకే టార్గెట్‌గా పని చేస్తున్నామని.. పోటీ నుంచి వెనక్కి తగ్గాలని షర్మిల పదే పదే విజ్ఞప్తి చేశారు. అయినా, వంతల సుబ్బారావు వెనక్కి తగ్గనట్లు తెలుస్తోంది. ఇక చేసేదేమీ లేక కాంగ్రెస్‌లో స్థానం ఉండదంటూ వంతల సుబ్బారావుకు షర్మిల తేల్చి చెప్పారని వార్తలు వినిపిస్తున్నాయి.