Weather News : వాతావరణ శాఖ చల్లని కబురు.. ఈ ఏడాది వర్షాలే.. వర్షాలు!

వేసవి వేడితో అదిరిపోతున్న ప్రజలకు వాతావరణ శాఖ చల్లని కబురు తీసుకువచ్చింది. ఈ ఏడాది ఎండలు ఎంత ఎక్కువ ఉన్నాయో.. అలానే వర్షాలు కూడా అంతే ఎక్కువగా ఉండొచ్చని IMD తన అంచనాలలో పేర్కొంది. రుతుపవనాల సీజన్‌లో వర్షాలు ఎక్కువగా పడే ఛాన్స్ ఉందని IMD ప్రకటించింది. 

author-image
By KVD Varma in Latest News In Telugu నేషనల్
New Update
Weather News : వాతావరణ శాఖ చల్లని కబురు.. ఈ ఏడాది వర్షాలే.. వర్షాలు!

Weather Update : భారత వాతావరణ శాఖ(IMD) చల్లని కబురు చెప్పింది. ఈ ఏడాది రుతుపవనాల సీజన్‌లో వర్షపాతానికి సంబంధించి తన మొదటి అంచనాను IMD విడుదల చేసింది. జూన్ నుంచి సెప్టెంబర్ వరకు దేశవ్యాప్తంగా సాధారణ వర్షపాతం నమోదయ్యే అవకాశం ఉందని వాతావరణ శాఖ తెలిపింది. అయితే వాతావరణ శాఖ(Weather News) గణాంకాలను పరిశీలిస్తే సాధారణం కంటే ఎక్కువ వర్షాలు కురిసే అవకాశం కనిపిస్తోంది.

వాతావరణ శాఖ(Weather News) అంచనాల ప్రకారం ఈ ఏడాది సాధారణం కంటే 30 శాతం, ఇది కాకుండా సాధారణం కంటే 31 శాతం ఎక్కువ వర్షపాతం నమోదయ్యే అవకాశం ఉంది. అంటే 61 శాతం ఎక్కువ వర్షాలు కురిసే అవకాశం ఉంది. సాధారణ వర్షపాతం 29 శాతంగా అంచనా వేశారు. అయితే సాధారణం కంటే 8 శాతం తక్కువ వర్షపాతం నమోదయ్యే అవకాశం, 2 శాతం కరువు వచ్చే అవకాశం ఉంది.

ఇది కూడా చదవండి: బీజేపీని ఓడించకపోతే జరిగేది అదే.. దీదీ సంచలన వ్యాఖ్యలు

ప్రతి సంవత్సరం వర్షాకాలంలో(Weather News) అంటే జూన్ నుండి సెప్టెంబర్ వరకు దేశవ్యాప్తంగా సగటు వర్షపాతం 87 మి.మీ ఉంటుంది, అప్పుడు దానిని సాధారణ వర్షపాతంగా పరిగణిస్తారు. ఈ సాధారణం కంటే 90 శాతం లేదా అంతకంటే తక్కువ వర్షపాతం నమోదైతే, కరువుగా ప్రకటిస్తారు. 91-95 శాతం వర్షపాతం ఉంటే, సాధారణ వర్షపాతం కంటే తక్కువ వర్షపాతంగా పరిగణిస్తారు.  అదే సమయంలో, వర్షపాతం సంఖ్య 96 శాతం నుండి 104 శాతం కంటే ఎక్కువగా ఉంటే, దానిని సాధారణ వర్షపాతం అంటారు.  అదే విధంగా 105 శాతం నుండి 110 శాతం వరకు వర్షపాతం ఉంటే, అది సాధారణం కంటే ఎక్కువగా చెబుతారు.  110 శాతం కంటే ఎక్కువ వర్షపాతం ఉంటే. , ఇది అధిక వర్షపాతం గా లెక్కచేస్తారు. 

దేశంలో రుతుపవనాల సీజన్(Weather News) అధికారికంగా జూన్ 1 నుండి ప్రారంభమవుతుంది.  అయితే రుతుపవనాలు కేరళ(Kerala) తీరాన్ని తాకినప్పుడు మాత్రమే ప్రారంభం అయినట్లుగా పరిగణిస్తారు. ఇది ఒకటి లేదా అంతకన్నా ఎక్కువ రోజలు అటూ ఇటూగా ఉండొచ్చు. లేదా కేరళలోని 14 వాతావరణ ఉప డివిజన్లలో 60 శాతం మేర ఎక్కడైనా మే 10 తర్వాత వరుసగా 2 రోజుల పాటు 2.5 సెం.మీ వర్షపాతం నమోదైనప్పుడే రుతుపవనాలు కేరళ తీరాన్ని తాకినట్లు సూచిస్తారు. ఇది కాకుండా, రుతుపవనాలను(Monsoons) ప్రకటించడానికి గాలి వేగం కూడా ప్రాతిపదికగా తీసుకుంటారు. 

#weather-news #heavy-rains #monsoons
Advertisment
సంబంధిత కథనాలు
Advertisment
Advertisment
తదుపరి కథనాన్ని చదవండి

USA: వీసాల రద్దు ఆపండి..విద్యార్థులకు అమెరికా న్యాయస్థానం ఊరట

అమెరికాలో వీసాలు రద్దయిన విద్యార్థులకు అక్కడి న్యాయస్థానం ఊరట కల్పించింది. మొత్తం 133 మంది స్టూడెంట్‌ ఎక్స్‌ఛేంజ్‌ విజిటర్‌ ఇన్ఫర్మేషన్‌ సిస్టమ్‌ ను న్యాయస్థానం పునరుద్ధరించింది. ఇందులో ఎక్కువ మంది భారతీయులే ఉన్నారు. 

author-image
By Manogna alamuru in ఇంటర్నేషనల్ టాప్ స్టోరీస్
New Update
F1 Visa

F1 Visa

ఇటీవల అమెరికాలో వీసాల రద్దు లేదా స్టూడెంట్‌ అండ్‌ ఎక్స్‌చేంజ్‌ విజిటర్‌ ఇన్ఫర్మేషన్‌ సిస్టమ్‌(సెవీస్‌) రికార్డుల నుంచి తొలగింపునకు గురైన అంతర్జాతీయ విద్యార్థులలో దాదాపు 50 శాతం మంది భారతీయులేనని అమెరికన్‌ ఇమిగ్రేషన్‌ లాయర్స్‌ అసోసియేషన్‌ వెల్లడించింది. ఇందుకు సంబంధించి విద్యార్థులు, న్యాయవాదులు, యూనివర్సిటీ ఉద్యోగుల నుంచి 327 కేసు నివేదికలను ఈ సంఘం సేకరించింది. ఈ అంతర్జాతీయ విద్యార్థులలో సగం మంది భారతదేశానికి చెందిన వారు కాగా 14 శాతం మంది చైనా విద్యార్థులని ఏఐఎల్‌ఏ ప్రకటించింది. మిగిలిన విద్యార్థులు ప్రధానంగా దక్షిణ కొరియా, నేపాల్‌, బంగ్లాదేశ్‌కు చెందిన వారని తెలిపారు. 

ఇప్పుడు వీరందరికీ అక్కడి న్యాయస్థానం ఊరట కల్పించింది. మొత్తం 133 మంది స్టూడెంట్‌ ఎక్స్‌ఛేంజ్‌ విజిటర్‌ ఇన్ఫర్మేషన్‌ సిస్టమ్‌ ను న్యాయస్థానం పునరుద్ధరించింది. ఇందులో ఎక్కువ మంది భారతీయులే ఉన్నారు.  విద్యార్థుల వీసాల రద్దులో ప్రభుత్వం నిర్ణయం సరికాదని ఇమ్మిగ్రేషన్ లాయర్లు చెప్పారు. అయితే అమెరికా ప్రభుత్వ ఏజెన్సీల వాదన మాత్రం వేరేగా ఉంది. విద్యార్థులు పలు సందర్భాల్లో లా ఎన్‌ఫోర్స్‌మెంట్‌ ఏజెన్సీల దృష్టిలోపడ్డారని చెబుతున్నాయి. ఈనేపథ్యంలో తాము తాత్కాలికంగా అడ్డుకొనేందుకు ఈ నిర్ణయం తీసుకొన్నట్లు చెబుతున్నాయి. కానీ, ఈ విద్యార్థులకు ఎటువంటి నేర చరిత్ర లేదు.

అంతర్జాతీయ విద్యార్థుల వీసాల రద్దు ఏకపక్షంగా జరుగుతున్నట్లు ఏఐఎల్‌ఏ ఆందోళన వ్యక్తం చేసింది. తాము సేకరించిన కేసుల నివేదికలలో 86 శాతం కేసులు ఏదో ఒక స్థాయిలో పోలీసులతో సంప్రదింపులకు నోచుకున్నాయని, 33 శాతం వీసాలు రద్దయిన కేసులలో అభియోగాలు నమోదు చేయకపోవడం, వారిపై కేసులు పెట్టడం లేదని ప్రకటన తెలిపింది.

గంటకు 65 కిలోమీటర్ల వేగంతో వెళ్లాల్సిన జోన్‌లో 70 కిలోమీటర్ల వేగంతోడ్రైవ్‌ చేయడం, చట్టవిరుద్ధంగా వాహనం పార్కింగ్‌ చేయడం, సీటు బెల్టు ధరించకపోవడం, నెంబర్‌ ప్లేట్లు గడువు తీరిపోవడం వంటి చిన్న చిన్న అభియోగాలతో పోలీసుల నుంచి ఓపీటీ విద్యార్థులకు నోటీసులు అందాయి. వీసా రద్దుకు గురైన విద్యార్థులలో ఇద్దరు విద్యార్థులకు మాత్రమే రాజకీయ నిరసనలలో పాల్గొన్న చరిత్ర లేదని ఏఐఎల్‌ఏ తెలిపింది. వీసా రద్దుకు సంబంధించిన ఈమెయిర్‌ నోటీసులు అందుకున్న మెజారిటీ విద్యార్థులకు ఈ నోటీసు వీసాను మంజూరు చేసిన కాన్సులేట్‌ నుంచి వచ్చినట్లు ఏఐఎల్‌ఏ పేర్కొంది. 

 today-latest-news-in-telugu | usa | student-visa

Also Read: Danish Kaneria: ఉగ్రదాడిలో ప్రమేయం లేకపోతే..పాక్ ఎందుకు ఉలికిపడుతోంది..డానిష్ కనేరియా

#student-visa #usa #today-latest-news-in-telugu
Advertisment
Advertisment
Advertisment