Mechanic Rocky : 'మెకానిక్ రాకీ' గా మాస్ కా దాస్.. అంచనాలు పెంచేసిన ఫస్ట్ లుక్, రిలీజ్ ఎప్పుడంటే?

Vishwak Sen's Mechanic Rocky First Look : మాస్ కా దాస్ విశ్వక్ సేన్ కెరీర్ పరంగా ఇప్పుడు ఫుల్ ఫామ్ లో ఉన్నాడు. బ్యాక్ టూ బ్యాక్ సినిమాలు చేస్తున్నాడు. అందులో ఒక్కో సినిమా ఒక్కో జోనర్ కావడం విశేషం. ఈ ఏడాది ఇప్పటికే గామి, గ్యాంగ్స్ ఆఫ్ గోదావరి వంటి సినిమాలతో ప్రేక్షకుల్ని అలరించిన ఈ హీరో ఇప్పుడు మరో హ్యాట్రిక్ మూవీతో రాబోతున్నాడు. ఈసారి కంప్లీట్ కమర్షియల్ మూవీతో ఎంటర్టైన్ చేయబోతున్నాడు.

విశ్వక్ సేన్ (Vishwak Sen) నటిస్తున్న లేటెస్ట్ మూవీ 'మెకానిక్‌ రాకీ'. ఈ చిత్రం ద్వారా రవితేజ ముళ్లపూడి దర్శకుడిగా పరిచయమవుతున్నాడు. SRT ఎంటర్టైన్మెంట్స్ బ్యానర్ పై రామ్ తాళ్లూరి ఈ సినిమాను నిర్మిస్తున్నారు. తాజాగా ఈ సినిమా నుంచి ఫస్ట్ లుక్ రిలీజ్ చేశారు మేకర్స్. పోస్టర్‌లో విశ్వక్‌సేన్‌ ఓ చేతిలో గన్‌, మరో చేతిలో మెకానిక్‌ రెంచ్‌ పట్టుకొని మాస్‌ అవతారంలో కనిపిస్తున్నారు.

Hop on the ride with Rocky aka Rakesh from October 31st, 2024 🛠️
This DIWALI, #MechanicRocky will light up the screens in the THEATRES worldwide! 🍿🔥#MechanicRockyOnOCT31 💥 @itsRamTalluri @Meenakshiioffl @RaviTejaDirects @JxBe @SRTmovies @manojhreddydop @anwaraliedit… pic.twitter.com/KYOOaBtx36

— VishwakSen (@VishwakSenActor) July 18, 2024

విశ్వక్ సేన్ ను సరికొత్త పంథాలో ఆవిష్కరించే మాస్‌ యాక్షన్‌ చిత్రమిదని దర్శకుడు తెలిపారు. మీనాక్షి చౌదరి, నరేష్‌, వైవా హర్ష తదితరులు నటిస్తున్న ఈ చిత్రానికి జేక్స్‌ బిజోయ్‌ సంగీతం అందిస్తున్నారు. ఈ చిత్రాన్ని దీపావళి సందర్భంగా అక్టోబర్‌ 31న విడుదల చేయబోతున్నట్లు మేకర్స్‌ తెలిపారు.