జూ. ఎన్టీఆర్ దేవర మూవీలో అల్లు అర్హ..

గతంలో వచ్చిన ఆర్ఆర్ఆర్ వంటి ప్రెస్టీజియస్ మూవీ తర్వాత జూనియర్ ఎన్టీఆర్ నటిస్తున్న చిత్రం దేవర. కమర్షియల్ మూవీలోనే క్వాలిటీ మెసేజ్‌ ఇవ్వగల టాలెంటెడ్ డైరెక్టర్ కొరటాల శివ ఈ చిత్రాన్ని రూపొందిస్తున్నారు. దేవర స్టోరీ లైన్ ఏంటనేది ఓపెనింగ్ రోజే రివీల్ చేస్తూ ఈ ప్రాజెక్ట్‌కు పనిచేస్తున్న టాప్ టెక్నీషియన్స్‌ను కొరటాల పరిచయం చేశారు. ఇక దేవరలో హై వోల్టేజ్ యాక్షన్ సీక్వెన్స్‌లు డిజైన్ చేయగా.. ఇటీవలే కిల్లర్ సీక్వెన్స్‌ను కంప్లీట్ చేసినట్లు వీఎఫ్‌ఎక్స్ సూపర్‌వైజర్ యుగంధర్ వెల్లడించారు. అంతేకాదు ఇందులో కొన్ని యాక్షన్ సీక్వెన్స్‌లు హాలీవుడ్ రేంజ్‌లో ఉంటాయని చెప్పడంతో ఫ్యాన్స్‌ ఆనందానికి అవధులు లేకుండా పోయింది. ఇదిలా ఉంటే.. ఐకాన్ స్టార్ కూతురు దేవరలో నటిస్తోందన్న న్యూస్ ఇంటర్నెట్‌ను షేక్ చేస్తోంది.

దేవర మూవీలో అల్లు అర్హ 

ఇటీవలే దేవర మూవీకి సంబంధించి ఇంపార్టెంట్ షెడ్యూల్ పూర్తయింది. కాగా.. అల్లు అర్జున్ కూతురు అల్లు అర్హ ఈ సినిమాలో చిన్న గెస్ట్ రోల్‌లో నటించనుందని రూమర్స్ వినిపిస్తున్నాయి. హీరోయిన్ జాన్వీ కపూర్ చైల్డ్‌హుడ్ రోల్‌లో అల్లు అర్హ కనిపించనుందని సమాచారం. అయితే ఈ విషయాన్ని దేవర టీమ్ అధికారికంగా ధృవీకరించలేదు. కానీ అల్లు ఫ్యాన్స్ మాత్రం ఈ వార్త నిజం కావాలని ఆశిస్తున్నారు. ఇక అర్హ ఇటీవలే సమంత లీడ్ రోల్‌లో నటించిన శాకుంతలం చిత్రంలో బాల భరతుడిగా నటించిన విషయం తెలిసిందే. ఈ మూవీ ఫ్లాప్ అయినప్పటికీ అర్హ పెర్ఫామెన్స్‌కు మంచి పేరొచ్చింది.

దేవర మూవీ కోసం ఎన్టీఆర్ ఫ్యాన్స్ వెయిటింగ్

భారీ బడ్జెట్‌, స్టార్ కాస్టింగ్‌తో పాన్ ఇండియా రేంజ్‌లో తెరకెక్కుతున్న దేవర మూవీ కోసం ఎన్టీఆర్ ఫ్యాన్స్ ఈగర్‌గా వెయిట్ చేస్తున్నారు. అంతేకాదు RRR తర్వాత ఎన్టీఆర్ గ్లోబల్ స్టార్ ఇమేజ్ సొంతం చేసుకోవడంతో ఇప్పుడు ఆయనకు వరల్డ్‌వైడ్‌గా అభిమానులు ఏర్పడ్డారు. ఇక దేవర చిత్రంలో బాలీవుడ్ స్టార్ సైఫ్ అలీ ఖాన్ విలన్‌గా.. షైన్ టామ్ చాకో మరో కీలక పాత్రలో నటిస్తున్నారు. ఎన్టీఆర్‌ ఆర్ట్స్‌, యువసుధ ఆర్ట్స్‌ సంయుక్తంగా నిర్మిస్తున్న ఈ చిత్రాన్ని వచ్చే ఏడాది ఏప్రిల్ 5 ప్రపంచ వ్యాప్తంగా గ్రాండ్‌గా విడుదల చేయనున్నారు మేకర్స్. ఇక చిత్రానికి అనిరుధ్ రవిచందర్ మ్యూజిక్ డైరెక్టర్‌గా పనిచేస్తున్నారు.