హాలీవుడ్ ఫిల్మ్ ఇండస్ట్రీలో విషాదం నెలకొంది. అమెరికన్-కెనడియన్ నటుడు, హాస్యనటుడు మాథ్యూ పెర్రీ ఇక లేరు. సిట్‌కామ్ 'ఫ్రెండ్స్' సిరీస్‌తో ఫేమస్ అయిన మాథ్యూ పెర్రీ 54 ఏళ్ల వయసులో మరణించారు. ఈ వార్త తర్వాత చిత్ర పరిశ్రమలో విషాద ఛాయలు అలముకున్నాయి. అమెరికాకు చెందిన ప్రముఖ సిట్‌కామ్ ఫ్రెండ్స్ నటుడు మాథ్యూ పెర్రీ మృతదేహం హాట్ టబ్‌లో లభ్యమైంది. 'ఫ్రెండ్స్' ఫేమ్ మాథ్యూ పెర్రీ మృతి సినీ పరిశ్రమనే కాకుండా ఆయన అభిమానులను కూడా తీవ్ర దిగ్భ్రాంతికి గురి చేసింది.

మాథ్యూ పెర్రీ మరణానికి కారణం?
మాథ్యూ 90ల షో 'ఫ్రెండ్స్'లో చాండ్లర్ బింగ్ పాత్రను పోషించడం ద్వారా ప్రపంచవ్యాప్తంగా రాత్రిరాత్రే పాపులర్ అయ్యాడు. లాస్ ఏంజిల్స్ టైమ్స్ ప్రకారం, మాథ్యూ మృతదేహం అతని లాస్ ఏంజిల్స్ లోని ఇంట్లో హాట్ టబ్‌లో గుర్తించారు. నీట మునిగి మాథ్యూ మృతి చెందినట్లు చెబుతున్నారు. మాథ్యూ పెర్రీ మరణానికి సంబంధించి దాని వెనుక ఎటువంటి కుట్ర లేదని పోలీసులు చెప్పారు. కొన్ని సంవత్సరాల క్రితం, మాథ్యూ పెర్రీకి మోలీ హర్విట్జ్‌తో నిశ్చితార్థం జరిగింది. కానీ 6 నెలల తర్వాత వారిద్దరూ నిశ్చితార్థాన్ని విచ్ఛిన్నం చేసుకున్నారు.

మాథ్యూ పెర్రీ యొక్క పాపులర్ షో :
మాథ్యూ చిన్న టీవీ పాత్రలను పోషించడం ద్వారా తన కెరీర్ ను ప్రారంభించాడు. 'బాయ్స్ విల్ బి బాయ్స్' షోలో అతని చేజ్ రస్సెల్ పాత్ర చాలా ప్రజాదరణ పొందింది. ఈ షో 1987 నుండి 1988 వరకు కొనసాగింది. దీని తరువాత, అతను గ్రోయింగ్ పెయిన్స్, సిడ్నీ వంటి షోలలో చిన్న పాత్రలు చేసి ప్రజల హృదయాలలో ప్రత్యేక స్థానాన్ని సంపాదించాడు. అయితే 1994 లో ప్రారంభమైన 'ఫ్రెండ్స్' షో మాథ్యూ యొక్క అదృష్టాన్ని తేటతెల్లం చేసింది. ఇది అతని కెరీర్‌కు టర్నింగ్ పాయింట్ ఇదే.

మాథ్యూ పెర్రీ వర్క్ ఫ్రంట్ :
మాథ్యూ పెర్రీ 'బెవర్లీ హిల్స్ 90210', 'ఎ నైట్ ఇన్ ది లైఫ్ ఆఫ్ జిమ్మీ రియర్డన్'లో కూడా కనిపించాడు, అయితే అతను టీవీ సిట్‌కామ్ 'ఫ్రెండ్స్' సిరీస్ నుండి విపరీతమైన పాపులారిటిని సొంతం చేసుకున్నాడు. మాథ్యూకు ప్రపంచవ్యాప్తంగా భారీ ఫ్యాన్ ఫాలోయింగ్ ఉంది. 'ఫ్రెండ్స్' పది సీజన్లలో 236 ఎపిసోడ్లు ఉన్నాయి. నటుడు మాథ్యూ కూడా సూపర్ హిట్ చిత్రాలలో పనిచేశాడు, వీటిలో 'ఫూల్స్ రష్ ఇన్', 'ఆల్మోస్ట్ హీరోస్', 'ది హోల్ నైన్ యార్డ్స్', '17 ఎగైన్' 'ది రాన్ క్లార్క్ స్టోరీ' ఉన్నాయి.

ఇది కూడా చదవండి: ఒంట్లో వేడిని పుట్టించే ఫుడ్స్…చలికాలంలో వీటిని తప్పకుండా తినాల్సిందే..!!