Viral News: బీర్ బాటిల్‌లో చేప పిల్ల..! "ఇప్పుడు ఎట్లా తాగాలి తమ్మి..?"

Viral News: హైదరాబాద్‌లో ఒక విచిత్రమైన ఘటన వెలుగులోకి వచ్చింది. మద్యం షాపులో కొనుగోలు చేసిన బీర్ బాటిల్‌లో చేప పిల్ల కనిపించడంతో ఒక వ్యక్తి ఆశ్చర్యానికి గురయ్యాడు. ఈ ఘటన నగరంలోని మల్లాపూర్ ప్రాంతంలో జరిగింది.

వివరాల ప్రకారం, నాచారం పోలీస్ స్టేషన్ పరిధిలోని మల్లాపూర్‌లో ఒక వ్యక్తి స్థానిక వైన్ షాపులో బీర్ బాటిల్ కొనుగోలు చేశాడు. ఎండ ఎక్కువగా ఉండటంతో చల్లని బీర్ తాగాలని అనుకుని ఇంటికి వెళ్లి బాటిల్ తెరిచాడు. అయితే బాటిల్ ఓపెన్ చేసిన వెంటనే అతను చూసిన దృశ్యం అతన్ని షాక్‌కు గురిచేసింది.

Fish Inside Beer Bottle

హైదరాబాద్‌ నాచారం పరిధిలోని మల్లాపూర్ సమీపంలో గల ఒక వైన్స్ షాపులో విస్తుపోయే ఘటన వెలుగుచూసింది. ఒక వ్యక్తి కొనుగోలు చేసిన కింగ్‌ఫిషర్ బీర్ బాటిల్‌లో చేప పిల్ల ప్రత్యక్షమవ్వడంతో సంచలనం రేగింది. సీలు వేసి ఉన్న బాటిల్‌లో చేప పిల్లను చూసి సదరు వినియోగదారుడు షాక్‌కు గురయ్యాడు. మద్యం… pic.twitter.com/L15OyzThSi

— ChotaNews App (@ChotaNewsApp) March 7, 2026

బీర్ బాటిల్ లోపల చిన్న చేప పిల్ల తిరుగుతూ కనిపించింది. అది కదులుతూ ఉండటాన్ని చూసి ఆ వ్యక్తి ఆశ్చర్యపోయాడు. వెంటనే బాటిల్ తీసుకుని తిరిగి మద్యం షాపుకు వెళ్లి అక్కడి నిర్వాహకులను ప్రశ్నించాడు.

దీనిపై షాప్ సిబ్బంది స్పందిస్తూ, తాము బీర్ తయారు చేయమని, కంపెనీ నుంచి వచ్చిన బాటిళ్లను కేవలం అమ్ముతున్నామని చెప్పారు. బీర్ తయారీకి తమకు సంబంధం లేదని వారు సమాధానం ఇచ్చినట్లు సమాచారం.

ఈ ఘటన ప్రస్తుతం స్థానికంగా చర్చనీయాంశంగా మారింది. బీర్ బాటిల్‌లో చేప ఎలా వచ్చింది అన్నదానిపై ప్రజలు ఆశ్చర్యం వ్యక్తం చేస్తున్నారు. కొందరు తయారీ సమయంలో లేదా నిల్వ సమయంలో ఇలా జరిగి ఉండొచ్చని అనుమానం వ్యక్తం చేస్తున్నారు.

ఈ సంఘటనపై అధికారులు దృష్టి పెట్టి పూర్తి వివరాలు తెలుసుకోవాల్సిన అవసరం ఉందని స్థానికులు అభిప్రాయం వ్యక్తం చేస్తున్నారు.