పార్టీపై సానుకూలత పెరిగిందన్న విశ్లేషణల నేపథ్యంలో తెలంగాణలో సర్వశక్తులొడ్డి ప్రజల్లోకి వెళ్లాలని కమలదళం భావిస్తోంది. ఎన్నికలు సమీపిస్తున్న వేళ పార్టీ హేమాహేమీలంతా తెలంగాణకు వరుస కడుతున్నారు. చివరివారంలో బీజేపీ నేతలు రాష్ట్రంలో సుడిగాలి పర్యటనలు తలపెట్టారు.
స్టేషన్ఘన్పూర్ ఇండిపెండెంట్ ఎమ్మెల్యే అభ్యర్థి నవ్య.. కొల్లాపూర్ ఇండిపెండెంట్ అభ్యర్థి శిరీష అలియాస్ బర్రెలక్కకు మద్ధతు ప్రకటించారు. నిరుద్యోగుల తరఫున ఎన్నికల బరిలోకి దిగిన శిరీషను అభినందించారు. శిరీష తరఫున ప్రచారం చేసేందుకు కొల్లాపూర్కు వెళ్లారు.
చెన్నూరూ కాంగ్రెస్ ఎమ్మెల్యే అభ్యర్థి వివేక్కి ఈడీ షాక్ ఇచ్చింది. ఆయనపై ఫెమా నిబంధనల ఉల్లంఘన కింద కేసు నమోదు చేసింది. ఆయన నడుపుతున్న బోగస్ కంపెనీల వివరాలు, లావాదేవీలు జరిగే తీరుతెన్నులు వెల్లడించింది. తాజాగా రూ. 200 కోట్లకు పైగా లావాదేవీలు జరిగినట్లు గుర్తించింది.
తెలంగాణలో కాంగ్రెస్ 80 స్థానాలు గెలవడం తథ్యమని కాంగ్రెస్ నేత భట్టి విక్రమార్క జోస్యం చెప్పారు. తమ ప్రభుత్వం వచ్చిన వెంటనే కేసీఆర్ ప్రభుత్వ అవినీతిపై విచారణ చేస్తామన్నారు. ముఖ్యమంత్రి పదవిని ఎవరైనా ఆశించవచ్చని; అయితే అధిష్ఠానానిదే తుది నిర్ణయమని అన్నారు.
బీజేపీ విజయాలకు తామెలా కారణమవుతామంటూ కాంగ్రెస్ ఆరోపణలను తిప్పికొట్టారు ఎంఐఎం అధ్యక్షుడు అసదుద్దీన్ ఒవైసీ. టీపీసీసీ అధ్యక్షుడు రేవంత్ రెడ్డి పుట్టుకే ఆరెస్సెస్ లో ఉందని, గాంధీ భవన్ రిమోట్ మోహన్ భగవత్ చేతిలో ఉందని విమర్శించారు.
ఆంధ్ర తనకు జన్మనిస్తే, తెలంగాణ పునర్జన్మనిచ్చిందని జనసేన అధినేత పవన్ కల్యాణ్ అన్నారు. వచ్చే ఏడాది నుంచి తెలంగాణ అంతటా పర్యటిస్తానన్నారు. బీసీని ముఖ్యమంత్రి చేస్తామని హామీ ఇచ్చిన బీజేపీకి తెలంగాణ ప్రజలు పట్టం కట్టాలని కోరారు.
ఆరు గ్యారంటీల పేరుతో తెలంగాణలో కాంగ్రెస్ పార్టీ చేస్తున్న ప్రచారాన్ని ప్రజలు నమ్మొద్దని కర్ణాటక మాజీ ముఖ్యమంత్రి, బీజేపీ నేత యడ్యూరప్ప అన్నారు. కర్ణాటకలో ఆ పార్టీ పాలనలో విఫలమైందని, తెలంగాణలో బీజేపీకి అవకాశమివ్వాలని కోరారు.
బీఆర్ఎస్ కంచుకోటల నడుమ ఉన్న దుబ్బాకలో ఎలాగైనా మళ్లీ గెలవాలని రఘునందనరావు సర్వశక్తులూ ఒడ్డుతుండగా, వ్యూహాత్మకంగా తమకు కీలకమైన స్థానాన్ని చేజిక్కించుకోవాలని గులాబీ పార్టీ భావిస్తోంది. తాజాగా రఘునందన్ కు మద్దతుగా మందకృష్ణ ప్రచారం చేయడం ప్రాధాన్యాన్ని సంతరించుకుంది.
/rtv/media/post_attachments/wp-content/uploads/2023/11/FotoJet-81-4-jpg.webp)
/rtv/media/post_attachments/wp-content/uploads/2023/11/FotoJet-79-1-jpg.webp)
/rtv/media/post_attachments/wp-content/uploads/2023/11/Barrelakka-Navya-jpg.webp)
/rtv/media/post_attachments/wp-content/uploads/2023/11/Gaddam-Vivek-jpg.webp)
/rtv/media/post_attachments/wp-content/uploads/2023/11/FotoJet-78-2-jpg.webp)
/rtv/media/post_attachments/wp-content/uploads/2023/11/FotoJet-77-2-jpg.webp)
/rtv/media/post_attachments/wp-content/uploads/2023/11/FotoJet-76-2-jpg.webp)
/rtv/media/post_attachments/wp-content/uploads/2023/11/FotoJet-74-3-jpg.webp)
/rtv/media/post_attachments/wp-content/uploads/2023/11/FotoJet-73-2-jpg.webp)
/rtv/media/post_attachments/wp-content/uploads/2023/11/FotoJet-72-1-jpg.webp)
