Sunita Kejriwal ఢిల్లీ ముఖ్యమంత్రి అరవింద్ కేజ్రీవాల్ భార్య సునీత తన సోషల్ మీడియా ప్లాట్‌ఫామ్‌లో బిభవ్ కుమార్ ఫోటోను షేర్ చేయడం వివాదానికి దారితీసింది. ఆమె పోస్ట్‌పై రాజ్యసభ ఎంపీ స్వాతి మలివాల్ తీవ్ర విమర్శలు గుప్పించారు. అప్పట్లో బిభవ్ కుమార్ తనపై దాడి చేశారని ఆరోపణలు చేశారు  స్వాతి మలివాల్.  ఆమె ఆరోపణలపైనే బిభవ్ కుమార్ ను అరెస్ట్ చేశారు. మలివాల్‌పై దాడి కేసుకు సంబంధించి సుప్రీంకోర్టు బెయిల్ మంజూరు చేసిన ఒక రోజు తర్వాత, సెప్టెంబరు 3న, CM అరవింద్ కేజ్రీవాల్ సన్నిహితుడు బిభవ్ కుమార్ తీహార్ జైలు నుండి విడుదలయ్యారు. ఈ కేసులో జ్యుడీషియల్ కస్టడీలో ఉన్న కుమార్ 100 రోజులకు పైగా కస్టడీలో ఉన్నారనే కారణంతో సుప్రీం కోర్టు బెయిల్ మంజూరు చేసింది. దీంతో ఆయన విడులయ్యారు. 

ఆయన విడుదలైన తర్వాత, సునీతా కేజ్రీవాల్ X లో ఒక పోస్ట్ చేశారు. అందులో ఆమ్ ఆద్మీ పార్టీ (AAP) మాజీ కమ్యూనికేషన్ ఇంచార్జి విజయ్ నాయర్ - కుమార్ ఒక గదిలో కలిసి కూర్చున్న చిత్రాన్ని పోస్ట్ చేసి, హిందీలో "ఒక ప్రశాంతమైన రోజు" అని రాశారు. ఢిల్లీ ఎక్సైజ్ పాలసీ కేసులో ప్రమేయం ఉన్నందున 22 నెలల పాటు తీహార్ జైలులో ఉన్న నాయర్ కూడా సుప్రీంకోర్టు ఆదేశాల మేరకు సెప్టెంబర్ 3న విడుదలయ్యారు. నిజానికి మే 13న కేజ్రీవాల్ అధికారిక నివాసంలో కుమార్ తనపై దాడికి పాల్పడ్డారని మలివాల్‌ ఆరోపణలు చేశారు. దీంతో మే 18న ఢిల్లీ పోలీసులు అతడిని అరెస్ట్ చేశారు.

मुख्यमंत्री जी की पत्नी, जो मेरी पिटाई के दौरान घर पे ही थीं, उनको बड़ा “सुकून🤗” महसूस हो रहा है।

सुकून इसलिए कि वो आदमी जिसने मुझे उनके घर में पीटा और अभद्रता की, वो शर्तिया बेल पर आया है।

सबको ये साफ़ संदेश है, महिलाओं को मारो पीटो, उसके बाद हम पहले गंदी ट्रोलिंग करवा… pic.twitter.com/fQ9vNBpwz6

— Swati Maliwal (@SwatiJaiHind) September 4, 2024

సునీతా కేజ్రీవాల్ షేర్ చేసిన చిత్రంపై స్పందిస్తూ, "నన్ను కుమార్ కొట్టినపుడు  ఇంట్లో ఉన్న ముఖ్యమంత్రి భార్య చాలా 'రిలీఫ్'గా ఉంది" అని మలివాల్ ఎక్స్‌లో రాశారు. "ఇది అందరికీ స్పష్టమైన సందేశం, మహిళలను కొట్టండి, ఆ తర్వాత మేము మొదట డర్టీ ట్రోలింగ్ చేస్తాము, బాధితుడిని పూర్తిగా నాశనం చేస్తాము. నేరం చేసిన ఆ వ్యక్తిని కోర్టులో రక్షించడానికి దేశంలోని అత్యంత ఖరీదైన న్యాయవాదుల సైన్యాన్ని నియమిస్తాము" అని ఆమె ఎక్స్ లో తీవ్రంగా విరుచుకుపడ్డారు. .

మే 16న కుమార్‌పై ఫస్ట్ ఇన్ఫర్మేషన్ రిపోర్ట్ (FIR) దాఖలు అయింది. అభియోగాలలో భారతీయ శిక్షాస్మృతిలోని అనేక సెక్షన్లు ఉన్నాయి. కుమార్‌పై నేరపూరితమైన బెదిరింపు, దాడి లేదా నేరారోపణలు చేయాలనే ఉద్దేశ్యంతో ఒక మహిళపై నేరారోపణలు, నేరపూరిత హత్యకు ప్రయత్నించినట్లు ఆరోపణలు వచ్చాయి.