ఘోర అగ్ని ప్రమాదం.. ఆరుగురి మృతి

Maharashtra: మహారాష్ట్రలో ఘోరం జరిగింది. హఠాత్తుగా జరిగిన ప్రమాదం కార్మికుల కుటుంబాల్లో తీరని విషాదం నింపింది. అగ్ని ప్రమాదంలో ఆరుగురు కార్మికులు ఆహుతయ్యారు. పుణె సమీపంలోని ఓ కొవ్వొత్తుల తయారీ పరిశ్రమలో జరిగిన ఈ ప్రమాదం స్థానికంగా విషాదం నింపింది.

ఇది కూడా చదవండి: రష్యాలో మార్చిలో ఎన్నికలు.. పుతిన్ పోటీ చేస్తారా?! 

పుణె సమీపంలోని పింప్రి- చించ్వాడ్ ప్రాంతంలో ఓ కొవ్వొత్తుల తయారీ పరిశ్రమలో శుక్రవారం మధ్యాహ్నం ఈ ఘోర ప్రమాదం జరిగింది. ఈ దుర్ఘటనలో ఆరుగురు కార్మికులు ప్రాణాలు కోల్పోయారు. వారే కాకుండా మరో ఎనిమిది మంది తీవ్రంగా గాయపడ్డారని అధికారులు తెలిపారు. ప్రమాద సమాచారం అందుకున్న వెంటనే స్థానిక అధికారులు సహాయక చర్యలు చేపట్టారు.

ఇది కూడా చదవండి: ఫన్ గేమ్ కాస్త సీరియస్ అయ్యింది.. గొడవ పడిన శోభ, అమర్..!

అగ్ని ప్రమాదంపై సమాచారం అందుకున్న అగ్నిమాపక సిబ్బంది వెంటనే ఘటన స్థలానికి చేరుకుని ప్రమాద నివారణ చర్యలు చేపట్టారు. ప్రమాదానికి కారణాలు తెలియాల్సి ఉందని పింప్రి చించ్వాడ మున్సిపల్ కమిషనర్‌ చెప్పారు. క్షతగాత్రులను సమీపంలోని హాస్పిటల్ కు తరలించి చికిత్స అందిస్తున్నారు. ఈ ఫ్యాక్టరీలో పుట్టినరోజు వేడుకల్లో ఎక్కువగా ఉపయోగించే స్ప్రాక్లింగ్ క్యాండిళ్లను తయారు చేస్తారు.