'సలార్'కి ఎలివేషన్స్ ఇచ్చిన తాత ఎవరో తెలిస్తే షాక్‌ అవ్వాల్సిందే...?

ప్రశాంత్ నీల్ పేరు చెప్పగానే అందరికీ గుర్తొచ్చేది 'కేజీఎఫ్' మూవీ. ఆ సినిమాలో రాకీభాయ్ గా యష్ ఎంత హైలెట్ అయ్యాడో మీకు ప్రత్యేకంగా చెప్పాల్సిన పనిలేదు. అలానే రాకీ పాత్రకు ప్రతి సీన్ లో, నెక్స్ లెవల్ ఎలివేషన్స్ ఇచ్చిన తాత కూడా, మనకు తెగ నచ్చేశాడు. ఆయన ఎవరో కాదు, కన్నడ నటుడు అనంత్ నాగ్. ఇప్పుడు ఆ తాతని బీట్ చేసేందుకు ప్రశాంత్ నీల్.. కొత్త తాతని బరిలో దింపాడు. ఆయనే 'సలార్' టీజర్ లో ప్రభాస్ కి ఎలివేషన్స్ ఇచ్చాడు. 'సింహం, చిరుత, పులి, ఏనుగు చాలా డేంజర్.. కానీ జురాసిక్ పార్క్‌లో కాదు..

ఎందుకంటే అక్కడ ఉండేది డైనోసార్' అనే డైలాగ్ తో 'సలార్' టీజర్ లో తాతగా కనిపించిన నటుడు, టీనూ ఆనంద్. ప్రభాస్‌తో అతడికి ఇది రెండో సినిమా అనే చెప్పాలి. 'సాహో'లోనూ ఇతడు నటించాడు. అయితే తెలుగులో టీనూ ఆనంద్ మొదటగా బాలకృష్ణ 'ఆదిత్య 369' మూవీలో నటించాడు. ఆ తర్వాత చిరంజీవి 'అంజి'లోనూ, భాటియా అనే పాత్రలో విలనిజం చూపించి తన నటనతో ఆడియెన్స్‌ని అబ్బురపరిచాడు. ఇక గతేడాదిలో వచ్చిన 'సీతారామమ్' మూవీలో ఆనంద్ మెహతా అనే పాత్రలో కనిపించి సందడి చేసింది టీనూనే. ఆయన ఫ్యామిలీలో టీనూతో పాటు దాదాపు అందరూ ఇండస్ట్రీలోనే ఉన్నారు.

టీనూ ఆనంద్ తన ఫ్యామిలీ మొత్తం మూవీ ఇండస్ట్రీలోనే ఉంది. ఈయన మేనల్లుడు సిద్దార్థ్ ఆనంద్, ప్రస్తుతం బాలీవుడ్ ఇండస్ట్రీలో స్టార్ డైరెక్టర్ గా కొనసాగుతున్నాడు. 'పఠాన్', 'వార్', 'బ్యాంగ్ బ్యాంగ్' వంటి బ్లాక్‌ బస్టర్‌ సినిమాలతో బాలీవుడ్ షేక్‌ చేసిన బ్లాక్ బస్టర్స్ మూవీస్‌ని ఇచ్చింది ఇతడే. సరే ఇదంతా పక్కన పెడితే టీనూ ఆనంద్‌లో నటుడితో పాటు రైటర్, డైరెక్టర్, ప్రొడ్యూసర్ కూడా ఉన్నాడండోయ్ సకలవళ్లబుడని చెప్పాలి. గతంలో హిందీ సినిమాల్లోనూ ఎక్కువగా కనిపించి సందడి చేశాడు. పాన్ ఇండియా ట్రెండ్ వల్ల ఇప్పటి ఆడియెన్స్ ని ఎంటర్ టైన్ చేస్తున్నాడు. తాత ఎందులోనూ తగ్గకుండా కుర్రకారుకు ఇన్సిఫిరేషన్‌గా నిలుస్తున్నాడు.