Renu Desai Comments On Pawan Kalyan: ప్రముఖ నటి రేణూ దేశాయ్ (Renu Desai) నటించిన టైగర్ నాగేశ్వరరావు చిత్రం ప్రస్తుతం థియేటర్లలో ఆడుతోంది. రవితేజ ప్రధాన పాత్ర పోషించిన ఈ బయోపిక్ మూవీ ఇటీవలే రిలీజైంది. ఈ చిత్రంలో ప్రముఖ సంఘసంస్కర్త హేమలతా లవణం పాత్రను రేణూ దేశాయ్ పోషించారు. తాజాగా ఓ ఇంటర్వ్యూలో రేణూ దేశాయ్ ఆసక్తికర వ్యాఖ్యలు చేశారు. పవన్ కల్యాణ్(Pawan Kalyan) సీఎం అవ్వాలని కోరుకుంటున్నారా? అన్న ప్రశ్నకు రేణూ స్పందించారు.

Also Read: యంగ్ స్టార్ తో అర్జున్ కుమార్తె లవ్..పెళ్లికి గ్రీన్ సిగ్నల్..!

రేణు దేశాయ్ స్పందిస్తూ తనకు ఈ క్వశ్చన్ ఏ వద్దు అన్నారు. ఆయన సీఎం అవుతారా లేదా అన్నది తనకు సంబంధం లేని విషయమని, తాను ఏమీ కోరుకోవడం లేదని ఆమె వ్యాఖ్యానించారు. ఎందుకంటే పవన్ కళ్యాణ్ సీఎం కావాలా వద్దా అనేది దేవుడు నిర్ణయిస్తారని దాని గురించి చెప్పడానికి తాను ఎవరు అంటూ ఆమె పేర్కొన్నారు. ఎవరికి ఏం రాసి ఉందో అదే జరుగుతుందని రేణు దేశాయ్ చెప్పుకొచ్చారు. ఇక పవన్ కళ్యాణ్ గురించి మీరు ఎటువంటి స్టాండ్ తీసుకోరా అని యాంకర్ అడిగిన ప్రశ్నకు.. నేను ఎవరి గురించి ఎలాంటి స్టాండు తీసుకోను అంటూ రేణు దేశాయ్ కామెంట్స్ చేశారు. పవన్ కళ్యాణ్ సీఎం అవుతారా లేదా అన్న అంశంపై ఆయన మాజీ భార్య రేణు దేశాయ్ చేసిన వ్యాఖ్యలు సోషల్ మీడియాలో వైరల్ అవుతున్నాయి. పవన్ సీఎం అవ్వడం తనకు ఇష్టం లేదు అనే అర్థం వచ్చే విధంగా రేణు మాట్లాడినట్టుగా నెటిజన్లు అభిప్రాయపడుతున్నారు.

మోడలింగ్ రంగంలో నుంచి సినీ ఇండస్ట్రీకి ఎంట్రీ ఇచ్చింది రేణు దేశాయ్. ఆ తర్వాత పవన్ కళ్యాణ్‌ తో చేసిన మొదటి సినిమాతోనే ఆమె భారీ విజయాన్ని తన ఖాతాలో వేసుకున్నారు. డాషింగ్ డైరెక్టర్ పూరి జగన్నాధ్ దర్శకత్వంలో వచ్చిన ‘బద్రీ’ (Badri) సినిమాలో పవన్ కళ్యాణ్‌తో కలిసిన నటించిన రేణూ దేశాయ్.. పవన్‌తో తొలి పరిచయంతోనే ప్రేమలో పడ్డారు. అయితే చాలా కాలం పాటు బాగానే సాగిన వీళ్ల కాపురంలో మనస్పర్థలు వచ్చి విడాకులు తీసుకున్నారు. ఆ తర్వాత పవన్‌ రాజకీయాల్లో బిజీగా ఉండగా, రేణుదేశాయ్‌ సినిమా వైపు అడుగులు వేశారు. కొన్ని సినిమాలకు దర్శకురాలిగా, నిర్మాతగా తనదైన ముద్రవేశారు రేణూ దేశాయ్.