Union Budget 2025: నిర్మలమ్మ బడ్జెట్‌లో హైలెట్స్ ఇవే!

కేంద్ర ఆర్థిక మంత్రి నిర్మలా సీతారామన్‌ కేంద్ర బడ్జెట్‌ 2025 - 2026ను ప్రవేశపెట్టారు.  గంటన్నర  తన బడ్జెట్ ప్రసంగంలో రూ.12లక్షల వరకు ఆదాయపు పన్ను మినహాయింపుతో పాటుగా పలు భారీ ప్రకటనలు చేశారు. అవేంటో ఇందులో చూద్దాం.  

మధ్యతరగతి ఉద్యోగలకు బిగ్ రిలీఫ్..  12 లక్షల వరకు సంపాదనపై ఆదాయపు పన్ను ఉండదు. 
రూ. 12 నుంచి 16 లక్షల ఆదాయంపై 15 శాతం ఆదాయపు పన్ను 
రూ. 20 నుంచి 24 లక్షల ఆదాయంపై 20 శాతం 24 లక్షల కంటే ఎక్కువ ఆదాయంపై- 30 శాతం పన్ను
బడ్జెట్ సామాన్యులకు గొప్ప ఉపశమనం కలిగించింది. ఇప్పుడు మొబైల్ , టీవీ ,ఎలక్ట్రిక్ కార్ వంటి వస్తువులు చౌకగా లభించనున్నాయి. 82  వస్తువులపై సెస్‌ను తొలిగించారు.  
వచ్చే వారం కొత్త ఆదాయపు పన్ను బిల్లును తీసుకొస్తామని ఆర్థిక మంత్రి నిర్మలా సీతారామన్  తెలిపారు. 
36  క్యాన్సర్ మందులు చౌకగా లభించనున్నాయి.  
గిగ్‌ వర్కర్లకు ఆరోగ్య బీమా
కొత్త ఉడాన్ పథకాన్ని ప్రారంభించనున్నట్లు ఆర్థిక మంత్రి నిర్మలా సీతారామన్ తెలిపారు. 4 కోట్ల అదనపు ప్రయాణికులకు సేవలు అందిస్తామన్నారు.
సీనియర్ సిటిజన్లకు టీడీఎస్ పరిమితిని రూ.50 వేల నుంచి రూ.లక్షకు పెంచారు.
ఆదాయపు పన్ను దాఖలు పరిమితిని 2 సంవత్సరాల నుంచి 4 సంవత్సరాలకు పెంచారు.
వచ్చే ఆరేళ్లపాటు కందులు, తురుము వంటి పప్పుధాన్యాల ఉత్పత్తిని పెంచడంపై దృష్టి సారిస్తాం.
కిసాన్ క్రెడిట్ కార్డుపై రుణ పరిమితిని రూ.3 లక్షల నుంచి రూ.5 లక్షలకు పెంచనున్నారు. 
బీహార్‌లో మఖానా బోర్డు ఏర్పాటు చేస్తామని, దీని వల్ల చిన్న రైతులు, వ్యాపారులు లబ్ధి పొందుతారన్నారు.
చిన్న పరిశ్రమలకు ప్రత్యేక క్రెడిట్ కార్డులు, తొలి ఏడాది 10 లక్షల కార్డులు జారీ చేస్తారు.
MSMEలకు రుణ గ్యారెంటీ కవర్‌ను 5 కోట్ల రూపాయల నుండి 10 కోట్ల రూపాయలకు పెంచుతారు, 1.5 లక్షల కోట్ల రూపాయల వరకు రుణాలు అందుబాటులో ఉంటాయి.
స్టార్టప్‌ల రుణాన్ని రూ.10 కోట్ల నుంచి రూ.20 కోట్లకు పెంచనున్నారు. గ్యారెంటీ ఫీజులో కూడా తగ్గింపు ఉంటుంది.