Big Breaking : మళ్లీ ఒకటైన విజయ్ - సంగీత ? మరి త్రిష పరిస్థితి ఏంటి?

Big Breaking : తమిళనాడు ముఖ్యమంత్రిగా బాధ్యతలు చేపట్టిన నాటి నుంచి ప్రజాసేవలో బిజీగా గడుపుతున్న తమిళ స్టార్ హీరో విజయ్ జోసెఫ్ వ్యక్తిగత జీవితం గురించి ప్రస్తుతం ఒక షాకింగ్ వార్త సోషల్ మీడియాను ఊపేస్తోంది. గత కొంతకాలంగా విజయ్, ఆయన భార్య సంగీత విడివిడిగా ఉంటున్నారనే ప్రచారం జోరుగా సాగుతున్న సంగతి తెలిసిందే. ముఖ్యంగా ఎన్నికల సమయంలో సంగీత కోర్టును ఆశ్రయించారనే వార్తలు, ప్రమాణస్వీకారోత్సవానికి ఆమె హాజరు కాకపోవడం వంటి పరిణామాలు వీరి మధ్య దూరాన్ని స్పష్టం చేశాయి. అయితే తాజాగా అందుతున్న సమాచారం ప్రకారం, వీరిద్దరి మధ్య ఉన్న మనస్పర్థలు తొలగిపోయి, మళ్లీ కలిసి ఒకే ఇంట్లో ఉండటానికి సిద్ధమైనట్లు తెలుస్తోంది.

ఈ జంటను తిరిగి ఒకటి చేయడానికి విజయ్ కుటుంబ సభ్యులు తెరవెనుక గట్టి ప్రయత్నాలే చేసినట్లు సమాచారం. ముఖ్యంగా విజయ్ తల్లి శోభా చంద్రశేఖర్ ఈ విషయంలో అత్యంత కీలక పాత్ర పోషించారని ఇండస్ట్రీ వర్గాలు అంటున్నాయి. కొడుకు రాజకీయ భవిష్యత్తును దృష్టిలో ఉంచుకుని, అలాగే కుటుంబ బంధాలను కాపాడుకోవాలనే ఉద్దేశంతో శోభ స్వయంగా కోడలు సంగీతతో మాట్లాడి, ఇరుపక్షాల మధ్య ఉన్న విభేదాలను సక్సెస్ ఫుల్‌గా సెటిల్ చేసినట్లు టాక్ నడుస్తోంది. తల్లి పడిన తపన, చేసిన గట్టి ప్రయత్నాల వల్లనే విజయ్ - సంగీత దంపతులు పాత విషయాలను పక్కన పెట్టి మళ్లీ కలిసి జీవించడానికి గ్రీన్ సిగ్నల్ ఇచ్చారని చెన్నై టాక్.

విజయ్ త్వరలోనే పూర్తిస్థాయి రాజకీయాల్లోకి అడుగుపెట్టి, పార్టీని మరింత బలోపేతం చేయాలనుకుంటున్న తరుణంలో భార్య సంగీత మళ్లీ ఆయన పక్కన చేరడం పొలిటికల్‌గా కూడా చాలా ప్లస్ అవుతుందని విశ్లేషకులు భావిస్తున్నారు. ఒక ముఖ్యమంత్రిగా కుటుంబ బంధాలకు ఇచ్చే విలువ ప్రజల్లో సానుకూల ముద్ర వేస్తుందని భావిస్తున్నారు. దీనితో పాటు వీరి కొడుకు జేసన్ సంజయ్ కూడా ప్రస్తుతం ఇండస్ట్రీలో దర్శకుడిగా అడుగులు వేస్తున్న తరుణంలో, అతనికి తండ్రి సపోర్ట్ చాలా అవసరం. ఈ భవిష్యత్ ప్రణాళికలన్నింటినీ పరిగణనలోకి తీసుకుని సంగీత కూడా భర్తతో కలిసి ఉండడానికి ఒప్పుకొన్నారని సమాచారం.

అయితే, అంతా బానే ఉన్నా.. ఇప్పుడు స్టార్ హీరోయిన్ త్రిష పరిస్థితి ఏంటి అనేది కోలీవుడ్‌లో పెద్ద మిస్టరీగా మారింది. గతంలో విజయ్, త్రిషల మధ్య ఉన్న ప్రత్యేక అనుబంధంపై, వారిద్దరి రిలేషన్ షిప్‌పై నెట్టింట ఎన్నో పుకార్లు హల్చల్ చేశాయి. విజయ్ కోసం త్రిష ఎంతో కష్టపడిందని, ఆయన వెనుక నిలబడిందని సినీ వర్గాల్లో చర్చ నడిచింది. కానీ, విజయ్ ఏర్పాటు చేసిన క్యాబినెట్‌లో కానీ, పార్టీ పదవుల్లో కానీ ఆమెకు ఎలాంటి ప్రాధాన్యత లభించలేదు. ఇటు రాజకీయంగా, అటు వ్యక్తిగతంగా త్రిషకు ఇప్పటివరకు ఎలాంటి స్పష్టత రాలేదనే చర్చ సాగుతోంది.

ఇలాంటి పరిస్థితుల్లో విజయ్ - సంగీత మళ్లీ కలిసిపోవడంతో త్రిష తదుపరి అడుగు ఎలా ఉండబోతుందనేది ఆసక్తికరంగా మారింది. ఒకవైపు భర్తతో త్రిష రిలేషన్‌లో ఉందని గతంలో ఆరోపించిన సంగీత, ఇప్పుడు సడెన్ గా కలిసిపోయారు అంటే వారి మధ్య దూరం పూర్తిగా చెరిగిపోయిందా? లేక అత్త శోభా చంద్రశేఖర్ జోక్యంతో త్రిషను పూర్తిగా దూరం పెట్టేందుకే విజయ్ అంగీకరించారా? అనే ప్రశ్నలు తలెత్తుతున్నాయి. విజయ్, సంగీత మళ్లీ ఒకటైన వేళ, త్రిష సైలెంట్‌గా తప్పుకుంటుందా లేదా అనేది చూడాలి.

ఏది ఏమైనప్పటికీ, ఈ హై-ప్రొఫైల్ ఫ్యామిలీ డ్రామా అటు తమిళ రాజకీయాల్లో, ఇటు సినీ పరిశ్రమలో హాట్ టాపిక్‌గా మారింది. విజయ్ వ్యక్తిగత జీవితంలో వచ్చిన ఈ మార్పులు ఆయన రాజకీయ ప్రస్థానాన్ని ఏ మలుపు తిప్పుతాయో వేచి చూడాలి. ఈ వ్యవహారానికి సంబంధించిన పూర్తి వివరాలు, అధికారిక ప్రకటనలు రావాల్సి ఉంది.