lokesh: పాదయాత్రలో చంద్రబాబు రికార్డును బ్రేక్ చేసిన లోకేష్

lokesh: టీడీపీ యువనేత నారా లోకేష్ యువగళం పాదయాత్రతో ప్రజల్లో తిరుగుతున్నారు. పాదయాత్రలకు ప్రజల నుంచి మంచి స్పందన వస్తుంది. ప్రభుత్వంపై విమర్శలు చేయడంతో పాటు స్థానిక ఎమ్మెల్యే పనితీరును ఎండగడుతున్నారు. ఈ ఏడాది జవనరిలో మొదలుపెట్టిన పాదయాత్ర ఇప్పటికే 200రోజులు పూర్తిచేసుకోవడంతో పాటు 2800 కిలోమీటర్లు కంప్లీట్ చేసుకుంది. ఈ క్రమంలోనే లోకేష్ సరికొత్త రికార్డును తన పేరిట లిఖించుకున్నారు. తన తండ్రి టీడీపీ అధినేత చంద్రబాబు రికార్డును ఆయన అధిగమించారు. 2012లో మీకోసం పేరుతో చంద్రబాబు 208 రోజుల్లో 2,817 కిలోమీటర్ల దూరం పాదయాత్రను పూర్తి చేశారు. ఇప్పుడు ఆయన తనయుడు లోకేష్ 206 రోజుల్లోనే 2,817 కిలోమీటర్ల పాదయాత్రను పూర్తిచేశారు. దీంతో తండ్రి రికార్డును కొడుకు తిరగరాయడంతో టీడీపీ శ్రేణులు సంతోషం వ్యక్తం చేస్తున్నారు.

ప్రజాసమస్యల పరిష్కారం కోసం వేలాది మందితో కలిసి నారా లోకేష్ ప్రారంభించిన పాదయత్ర దిగ్విజయంగా 2800 కిలోమీటర్ల పూర్తి.. #2800KmsOfYuvagalam #Naralokesh #Yuvagalam #Naralokeshforpeople pic.twitter.com/J5Z6TtbfJT

— YuvaGalam (@yuvagalam) September 6, 2023

3,648 కి.మీల పాదయాత్రలో జగన్ రికార్డు..

ఇక 2018లో అప్పటి ప్రతిపక్షనేతగా ఉన్న జగన్ చేసిన పాదయాత్ర తెలుగు రాష్ట్రాల్లో రికార్డుగా ఉంది. 13 జిల్లాల్లో 341 రోజుల పాటు 3,648 కిలోమీటర్ల పాదయాత్ర చేశారు. వైసీపీ భారీ మెజార్టీలో అధికారంలోకి రావడానికి జగన్ చేసిన పాదయాత్రే కారణంగా చెబుతారు విశ్లేషకులు. ఇప్పుడు ఈ రికార్డును కూడా అధిగమించేందుకు లోకేష్ రెడీ అయ్యారు. 400 రోజులు 4వేల కిలోమీటర్లుగా పాదయాత్ర ప్రారంభించారు. ఇప్పటికే 3వేల కిలోమీటర్లకు దగ్గర్లో ఉన్న లోకేష్.. త్వరతో మరో 700 కిలోమీటర్లు నడిచి తెలుగు రాష్ట్రాల్లో సరికొత్త చరిత్ర సృష్టించేందుకు సిద్ధంగా ఉన్నారు. అయితే లోకేష్ పాదయాత్రకు ప్రభుత్వం అడుగుడుగునా ఆటంకాలు కలిగిస్తుందని టీడీపీ నేతలు ఆరోపిస్తున్నాయి. మరి ఈ నేపథ్యంలో లోకేష్.. సీఎం జగన్ పాదయాత్ర రికార్డును అధిగమిస్తారో లేదో వేచి చూడాలి.

భీమవరం నియోజకవర్గంలో శాంతియుతంగా పాదయాత్ర కొనసాగిస్తున్న సమయంలో వైఎస్ఆర్ సిపి మనుషులు చేసిన అమానుష దాడి మరియు కవ్వింపు చర్యలు గురించి పోలీసులకు వివరిస్తూ, తామూ కూడా న్యాయాన్ని వదిలి ఇలాంటి అన్యాయమైన చర్యలు చేపడితే అధికార పార్టీ సహిస్తుందా అని ప్రశ్నించారు...#Yuvagalam… pic.twitter.com/bUeA5QcLGQ

— YuvaGalam (@yuvagalam) September 6, 2023

నోటీసులు ఇవ్వడంపై లోకేష్ ఆగ్రహం..

ప్రస్తుతం పశ్చిమగోదావరి జిల్లాలో పాదయాత్ర చేస్తున్న లోకేష్‌.. టీడీపీ అధికారంలోకి వచ్చాక ఇసుక, మట్టి మాఫియాపై ఉక్కుపాదం మోపుతామని హెచ్చరించారు. భీమవరంలో క్యాంప్‌సైట్‌ వద్ద ఉన్న లోకేష్‌కు ప్రభుత్వం పెద్దలపై తీవ్ర వ్యాఖ్యలు చేశారంటూ పోలీసులు నోటీసులు ఇచ్చిన సంగతి తెలిసిందే. దీంతో పోలీసులు తీరుపై లోకేష్‌ తీవ్ర ఆగ్రహం వ్యక్తంచేశారు. కాగా నారా లోకేష్ యువగళం పాదయాత్ర 200 రోజులకు చేరుకుంది. ఉమ్మడి పశ్చిమ గోదావరి జిల్లా జంగారెడ్డి గూడెం శివారు దండమూడి కళ్యాణ మండపం నుంచి 200వ రోజు యువగళం పాదయాత్రను యువనేత లోకేష్ ప్రారంభించారు. యువగళం పాదయాత్ర 200 రోజులు పూర్తి చేసుకున్న సందర్భంగా సంఘీభావంగా నారా భువనేశ్వరి, నందమూరి, నారా కుటుంబ సభ్యులు పాదయాత్రలో పాల్గొన్నారు. ,