Nagarjuna : తాను సారీ చెప్పిన ఫ్యాన్ ను కలిసిన నాగార్జున.. మరో మెట్టు ఎక్కేసాడంటూ నెటిజన్స్ ప్రశంసలు!

Nagarjuna Meets His Fans At Mumbai Airport : టాలీవుడ్ సీనియర్ హీరో కింగ్ నాగార్జున రీసెంట్ గా ఓ అభిమానికి క్షమాపణ చెప్పిన విషయం తెలిసిందే. ముంబై ఎయిర్‌పోర్ట్‌ నుంచి బయటకు వస్తున్న నాగార్జునను చూసిన ఓ అభిమాని.. ఆయన్ని కలిసేందుకు ముందుకు దూసుకువచ్చాడు. దాంతో సెక్యూరిటీ సిబ్బంది ఒకతను ఆ అభిమానిని పక్కకు లాగేశాడు.

ఈ ఘటనకు సంబంధించి ఓ వ్యక్తి ఎక్స్‌(ట్విటర్‌)లో పోస్టు చేశాడు. ఈ వీడియో చూసిన నాగార్జున తన ట్విట్టర్ వేదికగా స్పందింస్తూ ఆ అభిమానికి క్షమాపణలు చెప్పాడు. ఇక తాజాగా నాగార్జున అదే అభిమానిని గుర్తుపట్టి మరీ అదే ఎయిర్ పోర్ట్ లో అతన్ని కలిసి ఫోటో దిగాడు.

Also Read : ప్రభాస్ ఫ్యాన్స్ కు బిగ్ షాక్.. ‘కల్కి’ ఐమ్యాక్స్ స్క్రీనింగ్స్ రద్దు!

నాగార్జున ప్రస్తుతం 'కుబేర' షూటింగ్ తో బిజీగా ఉన్న సంగతి తెలిసిందే. ఈ మూవీ షూటింగ్ ముంబైలో జరుగుతుంది. ఈ క్రమంలోనే తాజాగా అయన ముంబయి ఎయిర్‌పోర్ట్ నుంచి హైద‌రాబాద్ వ‌స్తుండ‌గా అభిమానిని క‌లుసుకున్నాడు. ఇక నాగార్జున‌ను క‌లిసిన ఆనందంలో ఆ అభిమాని బోకే గిప్ట్‌గా ఇచ్చాడు.

ఆ బొకే అందిస్తూ నాగ్ కి సారీ అని చెబితే..' సారీ ఎందుకు, అందులో నీ తప్పేం లేదు.. అంటూ అభిమానిని దగ్గర తీసుకున్నాడు. దాంతో ఆ అభిమాని చాలా హ్యాపీ ఫీలయ్యాడు. ప్ర‌స్తుతం ఇందుకు సంబంధించిన వీడియో వైర‌ల్ అవుతుంది. ఇది చూసిన నెటిజన్స్ నాగ్ మరో మెట్టు ఎక్కేసాడని ఆయనపై ప్రశంసలు కురిపిస్తున్నారు.

King Nagarjuna ❤️

pic.twitter.com/xht99h8raV

— Vamsi Kaka (@vamsikaka) June 26, 2024