జగదీష్ రెడ్డిని జైలుకు వెళ్లకుండా ఎవ్వరు ఆపలేరు - మంత్రి కోమటి రెడ్డి వ్యాఖ్యలు

Telangana: రేవంత్ సర్కార్ కొలువు దీరిన నాటినుంచి అధికార ,ప్రతిపక్షాల మాటల యుద్దం మాములుగా లేదు.ఎన్నికల ముందు ఇచ్చిన గ్యారంటీలను తక్షణమే నెరవేర్చాలని డిమాండ్ చేస్తున్న ప్రతిపక్షాలకు చుక్కెదురే అవుతోంది. గత ప్రభుత్వ అవినీతిని తవ్వి బయటకు లాగే పనుల్లో రేవంత్ సర్కార్ ఉంది. ఈ క్రమంలో కాంగ్రెస్ సర్కార్ పై  మాజీ మంత్రి, సూర్యాపేట ఎమ్మెల్యే జగదీశ్ రెడ్డి సీరియస్ కామెంట్స్ చేశారు.మొన్నటివరకు అసెంబ్లీ వేదికగా నడిచిన వార్ ఇప్పుడు మీడియా వేదికగా జరుగుతోంది.

సోమవారం జగదీశ్ రెడ్డి  మీడియాతో మాట్లాడుతూ.. ముఖ్యమంత్రి, మంత్రులు అధికారంలో ఉన్నామన్న స్పృహతప్పి  మాట్లాడుతున్నారని ,ఇంకా వాళ్లు ప్రతిపక్షంలో ఉన్నామనే అనుకుంటున్నారని మండిపడ్డారు. ఎన్నికల ముందు ప్రజలకు  ఇచ్చిన హామీలు అమలు చేయాలని అడిగితే .. అసహనానికి గురవుతున్నారని,  నిమిషానికో మాట మార్చే రకం కోమటిరెడ్డి అని ఎద్దేవా చేశారు. కాంగ్రెస్ పార్టీలో  కోవర్టు కోమటి రెడ్డి అని ఆ పార్టీ నేతలే అంటారని గుర్తుచేశారు. ఇలాంటి వారిని చాలా మందిని బీఆర్ఎస్ చూసిందని, మా పార్టీని చీల్చడం ఆయన తాత తరం కూడా కాదని ఎద్దేవా చేశారు.

జగదీష్ రెడ్డిని జైలుకు వెళ్లకుండా ఎవ్వరు ఆపలేరు 
యాదాద్రి విద్యుత్ ప్లాంట్ కుంభకోణం, భద్రాద్రి ప్లాంట్ లో అక్రమాలు, ఛత్తిస్ ఘడ్ కరెంట్ కొనుగోళ్ల దోపిడీలు బయట పెడుతున్నాననే నాపై ఆరోపణలు చేస్తున్నాడని , ఎన్ని జిమ్మిక్కులు చేసినా విజిలెన్స్ విచారణ, సిట్టింగ్ జడ్జితో ఎంక్వయిరీ తర్వాత జగదీశ్ రెడ్డిని జైలుకు వెళ్లకుండా ఎవ్వరు ఆపలేరని కాస్త ఘాటుగానే స్పందించారు. ప్యారాగన్ స్లిప్పర్లు వేసుకున్న వ్యక్తి ఇవ్వాల వేల కోట్ల ఆస్తులు ఫామ్ హౌస్ లు ఎట్లొచ్చినయి.. తెలంగాణ ప్రజలకి చెప్పాలే అంటూ ఎద్దేవా  చేశారు. ఈ రాష్ట్రంలో కేసియర్ కుటుంబం తర్వాత జైలు కు పోయే రెండో వ్యక్తి జగదీశ్ రెడ్డే అంటూ మండిపడ్డారు. కేసియర్ కుటుంబంలో బావ బామ్మర్థులు తన్నుకుంటుంటే విషయం బయటికి పొక్కకుండా కెసిఆర్ ఆడించే జోకర్ జగదీశ్ రెడ్డి అని , ఇలాంటి చిల్లర వ్యక్తి నిత్యం ప్రజల్లో, ప్రజల కోసం బతికే నాపై ఆరోపణలు చేస్తాడా.. నల్గొండ ప్రజలు జగదీష్ రెడ్డిని చూసి నవ్వుకుంటున్నరు అంటూ ఎద్దేవా చేసాడు.