Jawan trailer: భిన్న అవతారాల్లో రెచ్చిపోయిన బాలీవుడ్‌ బాద్‌షా.. జవాన్‌ ట్రైలర్‌తో ఫ్యాన్స్‌కి షారుఖ్‌ ట్రీట్‌!

బాలీవుడ్ బాద్ షా షారుఖ్‌ ఖాన్.. లేడీ సూపర్ స్టార్ నయనతార జంటగా నటించిన సినిమా 'జవాన్' ట్రైలర్‌కు అదిరిపోయే రెస్పాన్స్‌ వస్తోంది. 2:45 నిమిషాల నిడివి గల వీడియోను చూసి షారుఖ్‌ ఫ్యాన్స్‌ ఎగిరి గంతేస్తున్నారు. విజయ్ సేతుపతి ప్రతినాయకుడిగా, దీపికా పడుకొనె, ప్రియమణిలు కీలక పాత్రల్లో నటిస్తున్నారు. సెప్టెంబర్ 7న ఈ చిత్రం హిందీ, తెలుగు, తమిళ భాషల్లో రిలీజ్ కానుంది.

By Trinath 31 Aug 2023 in సినిమా

New Update

మరో అరుదైన రికార్డ్ సొంతం చేసుకున్న జవాన్.. పదిరోజుల్లోనే ఘనత

Jawan Trailer: జవాన్ ట్రైలర్ విడుదలతో బాలీవుడ్‌ బాద్‌షా ఫ్యాన్స్‌ ఆనందానికి హద్దే లేకుండా పోయింది. ఫ్యాన్స్‌ ఎంతో ఆసక్తిగా ఎదురుచూస్తున్న మూవీ ట్రైలర్ ఇలా విడుదల అయ్యిందో లేదో అలా ట్రెండ్‌ ఐపోయింది. షారుఖ్ ఖాన్(shahrukh khan) ఈ చిత్రంలో మాజీ సైనికునిగా నటించాడు. ఈ సినిమాలో షారుఖ్‌ సరసన నయనతార(nayanatara) నటించారు. ఈ ట్రైలర్‌లో షారుఖ్ గతంలో నయనతారను వివాహం చేసుకున్నట్లు కనిపిస్తోంది. కొన్ని రొమెంటిక్‌ సీన్స్‌లో వాళ్లు కనిపించారు. మరో అగ్రతార దీపికా(deepika) పదుకొణె ప్రెజెన్స్‌ కూడా ఉంది. రెజ్లింగ్ మ్యాచ్‌లో షారూఖ్‌ను ఓడించినట్టు ట్రైలర్‌లో ఉంది. అది కూడా సరదా సీన్‌లాగా ఉంది. విజయ్ సేతుపతి విభిన్న అవతార్‌లలో కనిపిస్తాడు కానీ 'ప్రపంచంలో నాల్గవ అతిపెద్ద ఆయుధ వ్యాపారిగా' కనిపిస్తాడు.

ఇక్కడ చూడండి:

షారుఖ్, నయనతారతో పాటు, జవాన్‌లో విజయ్ సేతుపతి , సన్యా మల్హోత్రా, ప్రియమణి, గిరిజా ఓక్, సంజీతా భట్టాచార్య, రిధి డోగ్రా, సునీల్ గ్రోవర్ తదితరులు నటించారు. అట్లీ దర్శకత్వం వహించాడు. షారుఖ్, గౌరీ ఖాన్‌ల రెడ్ చిల్లీస్ ఎంటర్‌టైన్‌మెంట్ నిర్మించిన జవాన్‌లో దీపికా పదుకొణె అతిధి పాత్రలో కనిపించనున్నారు. జవాన్ హిందీ, తమిళం, తెలుగు భాషల్లో సెప్టెంబర్ 7న విడుదల కానుంది. ప్రపంచంలోని వివిధ ప్రాంతాల్లో ఈ సినిమాకు సంబంధించిన అడ్వాన్స్ బుకింగ్‌లు ప్రారంభమయ్యాయి. షారూఖ్ ఖాన్ ఈ సినిమాతో మరోసారి భారీ ఓపెనింగ్స్‌ని తెచ్చుకోవడం ఖాయంగా కనిపిస్తోంది.

Of Justice & A Jawan.
Of Women & their Vengeance.
Of a Mother & A Son.
And of course, a lot of Fun!!!
Ready Ahhh!!!#JawanTrailer out now! #Jawan releasing worldwide on 7th September, 2023 in Hindi, Tamil & Telugu. pic.twitter.com/WwU95DJcK2

— Shah Rukh Khan (@iamsrk) August 31, 2023

షారుఖ్ జవాన్ లుక్స్
ఇటీవల.. షారుఖ్ తన మోషన్ పోస్టర్‌ను పంచుకున్నాడు. అందులో అతను తన విభిన్న జవాన్ లుక్‌లలో కనిపించాడు. ఒక లుక్‌లో కళ్లద్దాలు, మరో లుక్‌లో బట్టతల. మరో ఒక లుక్‌లో పాక్షికంగా ముసుగు ధరించాడు సినిమా ప్రీవ్యూ, జిందా బందా, చలేయా వంటి పాటలు విడుదలైనప్పటి నుంచి అభిమానులు సోషల్ మీడియాలో జవాన్‌ని ట్రెండ్ చేస్తున్నారు. ఇటీవల.. ట్విట్టర్‌లో #AskSRK సెషన్‌ పెట్టారు. మరోవైపు ఇంతకాలం సోషల్ మీడియాకు దూరంగా ఉన్న జవాన్ నటి నయనతార, జవాన్ ట్రైలర్ విడుదలకు ముందు తన ఇన్‌స్టాగ్రామ్ హ్యాండిల్‌ను ప్రారంభించింది. అయితే.. ఆమె చెన్నైలో జవాన్ ప్రీ-రిలీజ్ ఈవెంట్‌కు హాజరు కాలేదు. ఇది మాత్రమే కాదు.. తన ఇన్‌స్టాగ్రామ్‌ అకౌంట్‌ని ఓపెన్ చేయడంతో నయనతార తన కవల పిల్లల ముఖాలను చూపించింది. వారికి కనిపించిన వీడియోను విడుదల చేసింది.