Strait of Hormuz : భారతీయ నౌకలపై కాల్పులు... ఇరాన్ రాయబారికి భారత విదేశాంగ శాఖ సమన్లు

Strait of Hormuz :హోర్ముజ్ జలసంధిలో రెండు భారతీయ నౌకలపై కాల్పులు జరిగాయి. ఈ ఘటనపై భారత ప్రభుత్వం తీవ్ర స్థాయిలో స్పందించింది. ఢిల్లీలోని ఇరాన్ రాయబారి మహమ్మద్ ఫతాలీకి భారత్ సమన్లు పంపింది. విదేశాంగ శాఖ కార్యదర్శి విక్రమ్ మిస్రీ రాయబారితో భేటీ అయ్యారు. ఓడలపై కాల్పులు జరపడం పట్ల భారత్ తీవ్ర ఆందోళన వ్యక్తం చేసింది. సముద్ర ప్రయాణంలో భారతీయ నౌకల భద్రత మాకు అత్యంత ముఖ్యం. వాణిజ్య నౌకల ప్రయాణానికి ఎలాంటి ఆటంకం కలగకూడదని భారత్ తెలిపింది. ఇరాన్ అధికారులు ఈ అంశంపై తక్షణమే స్పందించాలని భారత్ కోరింది. భారతీయ నౌకల రాకపోకలకు ఆటంకాలు కలగకుండా చూడాలని కోరింది.

రాయబారి తన ప్రభుత్వం తరపున చర్చించడానికి సానుకూలంగా స్పందించారు. భారత ప్రభుత్వం వ్యక్తం చేసిన ఆందోళనలను ఇరాన్ అధికారులకు తెలియజేస్తామన్నారు. గతంలో ఇరాన్ భారత నౌకలకు సహకారం అందించిన విషయం విదితమే. కానీ ప్రస్తుత కాల్పుల ఘటన ద్వైపాక్షిక సంబంధాలపై ప్రభావం చూపుతుంది. భారత నౌకల్లోని సిబ్బందికి ఎలాంటి ప్రాణాపాయం జరగలేదని సమాచారం. ఓడలకు స్వల్ప నష్టం వాటిల్లినట్లు ప్రాథమిక వార్తలు అందుతున్నాయి. అంతర్జాతీయ జలాల్లో నౌకల భద్రత కోసం భారత్ కృషి చేస్తోంది. ఈ ఉద్రిక్తతలను తగ్గించడానికి ఇరు దేశాలు చర్చలు జరుపుతున్నాయి. భారత విదేశాంగ శాఖ పరిస్థితిని నిరంతరం సమీక్షిస్తూ తగిన చర్యలు తీసుకుంటోంది.

 ప్రస్తుత కాల్పుల వల్ల భారతీయ నౌకలు తమ మార్గాన్ని మార్చుకున్నాయి. 'జగ్ అర్నవ్','సన్మార్ హెరాల్డ్' నౌకలు ఈ దాడికి గురయ్యాయి. ఈ నౌకల్లోని సిబ్బందికి ఎలాంటి ప్రాణాపాయం జరగలేదని అధికారులు తెలిపారు. ఇరాన్ విప్లవాత్మక గార్డ్స్ ఈ కాల్పులు జరిపినట్లు సమాచారం అందింది. అమెరికాతో నెలకొన్న ఉద్రిక్తతల కారణంగా ఇరాన్ జలసంధిని మూసివేసింది. భారత్ తన ఆందోళనలను ఇరాన్ ఉన్నతాధికారులకు త్వరగా తెలియజేయాలని కోరింది. నిరంతరాయంగా వాణిజ్య నౌకల ప్రయాణానికి అనుమతించాలని భారత్ విజ్ఞప్తి చేసింది. పరిస్థితిని చక్కదిద్దేందుకు ఇరు దేశాలు దౌత్యపరమైన చర్చలు జరుపుతున్నాయి. భారత విదేశాంగ శాఖ ఈ వ్యవహారాన్ని నిశితంగా గమనిస్తోంది.