Adilabad: రహదారులు కావు.. మృత్యుదారులు

ఉమ్మడి ఆదిలాబాద్‌ జిల్లాలో రహదారులు దారుణంగా మారాయి. మూల మలుపులుగా ఉండే ఈ రహదారుల వల్ల అనేక మంది మృతి చెందారు. అంతే కాకుండా వాహనాలు అదుపు తప్పి పక్కనే ఉండే ఇళ్లలోకి దూసుకెళ్తున్నాయి.

author-image
By Karthik in ఆదిలాబాద్
New Update
Adilabad: రహదారులు కావు.. మృత్యుదారులు

Adilabad Roads: ఉమ్మడి ఆదిలాబాద్‌ జిల్లాలోని రహదారులు మృత్యు దారులుగా మారాయి. ఉమ్మడి జిల్లాలోని బోథ్‌, ఊట్నూరుకు వెళ్లే రోడ్డు గుంతల మయంగా మారింది. దీంతో ఆ రోడ్డుపై వెళ్లాలంటేనే ద్విచక్ర వాహనదారులు తీవ్ర ఇబ్బందులకు గురవుతున్నారు. మరోవైపు ఘన్‌పూర్‌, బోథ్‌ మధ్య ఉన్న రహాదారిలో అనేక మలుపులు ఉన్నాయి. దీంతో ఎటువైపు నుంచి ఏ వాహనం వస్తుందో తెలియని పరిస్థితి నెలకొంది. అంతే కాదు వేగంగా వచ్చిన వాహన దారులు మూల మలుపుల వద్ద రోడ్డు పక్కన ఉన్న గుంతలో పడుతున్నారు.

ఇలా గుంతలో పడి ఇప్పటి వరకు అనేక మంది మరణించారు. దీంతో ఈ రహదారి గుండా వేళ్లాలంటేనే వాహనాదారులు భయాందోళన వ్యక్తం చేస్తున్నారు. మరోవైపు అక్కడి రహదారులు ఇరుగ్గా ఉండటం వల్ల ఓ బస్సుకు కార్‌ ఎదురుగా వస్తే అందులో ఏదో ఒక వాహనం వెనక్కి వెళ్లాల్సిన పరిస్థితి ఏర్పడింది. మరోవైపు రోడ్డుకు ఇరువైపులా ప్రమాద హెచ్చరికలు కూడా లేకపోవడం ప్రమాదాలకు మరో కారణంగా మారింది. రాత్రి సమయంలో గత రెండు రోజుల క్రితం బైక్‌పై వెళ్తున్న యువకుడు మూల మలుపు గమనించకపోవడంతో గుంతలో పడి మృతిచెందాడు. అంతేకాదు స్థానికులు ఉదయం 10 గంటల వరకు అక్కడ మృతదేహం ఉందనే విషయాన్ని గమనించలేక పోయారు.

మరోవైపు హస్నాపూర్‌ వద్ద ఉన్న మరో మూలమలుపు ప్రమాదకరంగా మారింది. గ్రామం మధ్య గుండా వాగు వెళ్లిందని గ్రామస్తులు తెలిపారు. దీంతో రహదారి విస్తీర్ణం చిన్నగా ఉండటంతో వాహనాలు అదుపుతప్పి ఇళ్లలోకి దూసుకొస్తున్నట్లు గ్రామస్తులు తెలిపారు. ఇక్కడ ప్రమాదకరంగా మూల మలుపు ఉందని తెలిసిన వాహనదారులు వారు నెమ్మదిగా వస్తుండగా.. తెలియని వారు వేగంగా వస్తూ రోడ్డు ప్రమాదాలకు గురవుతున్నట్లు తెలిపారు. తమ గ్రామంలో రోడ్డు విస్తీర్ణం పెంచాలని వారు కోరుతున్నారు.

Also Read: కాంగ్రెస్ దళితులను మోసం చేసే ప్రయత్నం చేస్తోంది: ఎమ్మెల్సీ కవిత

#adilabad-road-accidents #adilabad #travel #adilabad-roads #difficulties #roads #ghanpur #both
Advertisment
సంబంధిత కథనాలు
Advertisment
Advertisment
తదుపరి కథనాన్ని చదవండి

Telangana: మరో 48 గంటలు భారీ వర్షాలు.. వాతావరణ శాఖ అలర్ట్..  !

అకాల వర్షాల వల్ల హైదరాబాద్ నగరంలో ఉత్పన్నమైన పరిస్థితులను ఎదుర్కొనడానికి అప్రమత్తంగా ఉండాలని ముఖ్యమంత్రి ఎ.రేవంత్ రెడ్డి అధికారులను ఆదేశించారు. పోలీసులు క్షేత్రస్థాయిలో ఉండి ట్రాఫిక్ సమస్యను ఎక్కడికక్కడ పరిష్కరించాలని చెప్పారు.

author-image
By Bhavana in తెలంగాణ ఆదిలాబాద్
New Update
Heavy rains in Hyderabad

Heavy rains in Hyderabad

అకాల వర్షాల వల్ల హైదరాబాద్ నగరంలో ఉత్పన్నమైన పరిస్థితులను ఎదుర్కొనడానికి అప్రమత్తంగా ఉండాలని ముఖ్యమంత్రి ఎ.రేవంత్ రెడ్డి అధికారులను ఆదేశించారు. భారీ వర్షంతో నగరంలోని పలు లోతట్టు ప్రాంతాలు జలమయం కావడం, ఈదురుగాలుల కారణంగా తలెత్తిన పరిస్థితుల్లో ప్రజలు ఇబ్బందులు పడకుండా తక్షణ సహాయక చర్యల కోసం అన్ని శాఖల అధికారులు అప్రమత్తంగా ఉండాలని చెప్పారు. నగరంలో పరిస్థితిని ఎప్పటికప్పుడు సమీక్షించాలని రాష్ట్ర ప్రభుత్వ ప్రధాన కార్యదర్శి శాంతి కుమారిని ఆదేశించారు. లోతట్టు ప్రాంతాల్లో ప్రజలు ఇబ్బంది పడకుండా తగిన జాగ్రత్తలు తీసుకోవాలని సూచించారు.

Also Read: Moon: చంద్రుడిపై నిర్మాణాలు.. బ్యాక్టీరియాతో ఇటుకల తయారీ!

రోడ్లపై నీరు నిలిచిన ప్రదేశాల్లో వెంటనే తగిన చర్యలు తీసుకోవాలని, ట్రాఫిక్ సమస్య తలెత్తకుండా, విద్యుత్ అంతరాయాలు లేకుండా జీహెచ్ఎంసీ, పోలీసు, హైడ్రా విభాగాలు సమన్వయంతో పనిచేయాలని ఆదేశించారు. విద్యుత్ సరఫరా నిలిచిపోయిన ప్రాంతాల్లో వెంటనే సమస్యను పరిష్కరించి సరఫరాను పునరుద్ధరించాలని చెప్పారు. జలమయమైన కాలనీల్లో ప్రజలకు అవసరమైన సహాయక చర్యలు చేపట్టాలని అన్నారు. 

Also Read: Tamilnadu: చెన్నైలో త్వరలో కార్ల్‌మార్క్స్‌ విగ్రహం.. సీఎం స్టాలిన్ కీలక ప్రకటన

పోలీసులు క్షేత్రస్థాయిలో ఉండి ట్రాఫిక్ సమస్యను ఎక్కడికక్కడ పరిష్కరించాలని చెప్పారు. పలు జిల్లాల్లో కూడా వర్షాలు, ఈదురుగాలులు, వడగండ్లు పడుతున్నందున జిల్లా కలెక్టర్లు, పోలీసు యంత్రాంగం, ఇతర అన్ని శాఖల అధికారులు అప్రమత్తంగా ఉండాలని ఆదేశించారు.అత్యధిక వర్షపాతం నమోదైన టాప్ 100 ప్రాంతాల్లో 90 వరకు హైదరాబాద్‌లోనే ఉన్నాయి. అత్యధికంగా యాదాద్రి భువనగిరి జిల్లా నారాయణపూర్‌‌‌‌లో 9.8 సెం.మీ. వర్షపాతం నమోదు అయినట్లు అధికారులు తెలిపారు. ఆ తర్వాత హైదరాబాద్‌‌లోని హిమాయత్‌‌నగర్‌‌‌‌లో 9.6, డబీర్‌‌‌‌పురాలో 9.45, సరూర్‌‌‌‌నగర్‌‌‌‌లో 9.35, నాంపల్లిలో 9.43, ముషీరాబాద్‌‌లో 9.43 సెం.మీ వర్షపాతం నమోదయింది.

ఇదిలా ఉండగా.. నేడు హైదరాబాద్‌‌లో మోస్తరు నుంచి భారీ వర్షాలు పడే అవకాశం ఉందని, రాష్ట్రవ్యాప్తంగా 40 నుంచి 50  కి.మీ. వేగంతో ఈదురుగాలులు వీస్తాయని పేర్కొంది. రాష్ట్ర వ్యాప్తంగా మరో రెండ్రోజుల పాటు భారీ వర్షాలు కురుస్తాయని వాతావరణ శాఖ తెలిపింది. యాదాద్రి, రంగారెడ్డి, జనగామ, మహబూబ్‌‌నగర్, నాగర్‌‌‌‌కర్నూల్, వనపర్తి, నారాయణపేట, జోగులాంబ గద్వాల, భూపాలపల్లి, భద్రాద్రి, ములుగు, ఖమ్మం, సంగారెడ్డి, మెదక్, కామారెడ్డి, హైదరాబాద్, మేడ్చల్, వికారాబాద్,  దిలాబాద్, కుమ్రంభీమ్ ఆసిఫాబాద్, నిర్మల్, నిజామా బాద్, నల్గొండ, సూర్యాపేట, వరంగల్, హనుమకొండ, సిద్దిపేట జిల్లాలో భారీ వర్షం ఉంటుందని హైదరాబాద్ వాతావరణ శాఖ వెల్లడించింది. ఆయా జిల్లాలకు ఎల్లో అలర్ట్ కూడా జారీ చేసింది.

Also Read: Emergency landing: టర్కీలో విమానం ఎమర్జెన్సీ ల్యాండింగ్.. 200మంది భారతీయులు 16 గంటలుగా

Also Read: viral News: పోషించలేనప్పుడు పెళ్లెందుకు చేసుకుంటున్నారు..!

nalgonda | adilabad | yadadri | rains | weather | TG weather1 | TG Weather Updates | rain-alert | heavy rain alert in telugu states | latest-news | telugu-news | latest-telugu-news | latest telugu news updates

#latest telugu news updates #latest-telugu-news #telugu-news #latest-news #heavy rain alert in telugu states #rain-alert #TG Weather Updates #TG weather1 #telangana #weather #rains #yadadri #adilabad #nalgonda #hyderabad
Advertisment
Advertisment
Advertisment