S Jaishankar: 'నేను యాపిల్స్‌, ఆరెంజ్‌లను కలపను...' విదేశాంగ మంత్రి జైశంకర్ ఇంట్రెస్టింగ్ కామెంట్స్..!!

కెనడా(canada), అమెరికా (america)లతో సంబంధాల్లో నెలకొన్న ఉద్రిక్తతలపై భారత విదేశాంగ మంత్రి ఎస్ జైశంకర్ (S Jaishankar) ఇంట్రెస్టింగ్ కామెంట్స్ చేశారు. ఈ రెండు దేశాల మధ్య ఉన్న పెద్ద వ్యత్యాసాన్ని వివరిస్తూ, కెనడా భావ ప్రకటనా స్వేచ్ఛ పేరుతో తీవ్రవాద, కార్యకలాపాలను సమర్థిస్తుందని, అయితే అమెరికా అలా చేయదని అన్నారు. టైమ్స్ ఆఫ్ ఇండియా(Times of India) అనే ఆంగ్ల పత్రికకు ఇచ్చిన ఇంటర్వ్యూలో ఆయన ఈ వ్యాఖ్యలు చేశారు.

వాస్తవానికి గత ఏడాది నవంబర్‌లో అమెరికాలో ఖలిస్తానీ వేర్పాటువాది గురుపత్వంత్ సింగ్ పన్నూ(Gurupatwant Singh Pannu) హత్యకు భారతీయ పౌరుడు కుట్ర పన్నాడని కెనడా ఆరోపించింది. జూన్‌లో మరో ఖలిస్తానీ తీవ్రవాది హర్‌దీప్ సింగ్ నిజ్జర్‌(Hardeep Singh Nijjar)ను హతమార్చడంలో భారత నిఘా సంస్థల ప్రమేయం ఉందని కెనడా ఆరోపించిన రెండు నెలల తర్వాత ఈ పరిణామం చోటు చేసుకుంది.

నేను యాపిల్స్ మరియు ఆరెంజ్‌లను కలపను':
పన్నూ ఎపిసోడ్‌ను హ్యాండిల్ చేసిన విధానంలో అమెరికా భారతదేశ పరిస్థితిని మరింతగా పరిగణించి ఉండేదా అని అడిగినప్పుడు? జైశంకర్ మాట్లాడుతూ, 'మొదట, అమెరికన్లు తమపై కేసు ఉందని భావించినప్పుడు, ఇప్పుడు వారి నమ్మకం చెల్లుబాటు అవుతుందో కాదో కోర్టు మాత్రమే నిర్ణయించగలదు. వారు మా వద్దకు వచ్చి, మాకు ఈ ఆందోళనలు ఉన్నాయి. మేము వాటిని మీతో పంచుకుంటున్నాము.. ఏమి జరుగుతుందో మీరు తెలుసుకోవాలని కోరుకుంటున్నాము అని చెప్పారు. అయితే కెనడియన్లు అలా చేయలేదు.

తీవ్రవాద కార్యకలాపాలను అమెరికా సమర్థించదు:

అమెరికా, కెనడా మధ్య వ్యత్యాసాన్ని వివరిస్తూ, విదేశాంగ మంత్రి జైశంకర్, కెనడా కంటే 'స్వాతంత్ర్య దుర్వినియోగం'లో అమెరికా బలమైన వైఖరిని తీసుకుంటుందని అన్నారు. 'రెండవది, భావ ప్రకటనా స్వేచ్ఛ పేరుతో ఈ వేర్పాటువాద, తీవ్రవాద కార్యకలాపాలను అమెరికా సమర్థించదు. స్వేచ్ఛను దుర్వినియోగం చేయడంపై కెనడా కంటే యునైటెడ్ స్టేట్స్(United States) చాలా కఠినమైన వైఖరిని తీసుకోవడం మనం చూశాం. కెనడా కూడా చాలాసార్లు మన రాజకీయాల్లో బహిరంగంగా జోక్యం చేసుకుంది. పంజాబ్ ఘటనలు మనందరికీ గుర్తున్నాయి. ప్రపంచంలో దీనిపై బహిరంగంగా వ్యాఖ్యానించిన ఏకైక ప్రధానమంత్రి కెనడా ప్రధాని అని నేను అనుకుంటున్నాను. ఇక్కడ ఆపిల్స్, ఆరేంజ్ పండ్లు ఉన్నాయని నేను చెబుతాను. ఆ రెండింటిని నేను కలపను అని జైశంకర్ వ్యాఖ్యానించారు.

ఇది కూడా చదవండి: సంక్రాంతి స్పెషల్ ఆఫర్..ఈ స్కూటర్ పై భారీ డిస్కౌంట్.. సింగిల్ ఛార్జ్ తో 120 కి.మీ జర్నీ!

కొన్ని నెలల క్రితం కెనడా ప్రధాని జస్టిన్ ట్రూడో సర్రేలో జరిగిన నిజ్జర్ హత్యలో భారత్ పాత్ర ఉందని ఆరోపించిన తరుణంలో జైశంకర్‌పై ఈ విమర్శలు రావడంతో ఇరు దేశాల మధ్య ఉద్రిక్తత పెరిగింది. కెనడా రాజకీయాలు ఖలిస్తానీ బలగాలకు చోటు కల్పించి, ద్వైపాక్షిక సంబంధాలను దెబ్బతీసే చర్యలకు పాల్పడేందుకు అనుమతించాయని భారత్ వాదిస్తోంది.