హీరో మహేష్‌ను మించిన తార.. సితార..

బ‌హుశా.. మ‌హేష్ బాబు తొలి సినిమాకి కూడా ఇంత పారితోషికాన్ని తీసుకొని ఉండ‌డు. నిజానికి సితార‌కు ఇప్పుడే కాదు.. ఇది వ‌ర‌కే చాలా ఆఫ‌ర్లు కుప్పలు తెప్పలుగా వచ్చి పడ్డాయి. కోరినంత పారితోషికం ఇస్తామ‌ని, క‌మ‌ర్షియ‌ల్స్‌లో చేయ‌మ‌ని చాలామంది యాడ్‌ మేకర్స్‌ అడిగారు. కానీ.. మ‌హేష్ ఒప్పుకోలేదు. ఈసారి మాత్రం ఎందుకో ఒకే అన్నాడు. దానికి త‌గ్గ‌ట్టే.. ప్ర‌తిష్టాత్మ‌క టైమ్ స్వ్కేర్‌పై సితార మెరిసింది. ఈ మూమెంట్స్‌ని సితార‌తో పాటు మ‌హేష్ కూడా బాగా ఎంజాయ్ చేస్తున్నాడు. అందుకే నిన్ను చూస్తుంటే చాలా గ‌ర్వంగా ఉంది. టైమ్స్ స్వ్కేర్‌నే వెలిగిస్తున్నావు. ఇలానే కొన‌సాగించంటూ మహేష్ ట్వీట్ చేశాడు.

తొలి యాడ్‌తోనే ఇంటర్నేష‌న‌ల్ బ్రాండింగ్ సంపాదించేంత స్థాయికి ఎదిగిపోయింది సితార‌. దీనికోసం సితార తీసుకున్న పారితోషికం కోటి రూపాయ‌లు ఓ సెల‌బ్రెటీ వార‌సురాలుగా సితార అందుకొన్న తొలి పారితోషికం కూడా ఇదే. దీంతో మహేష్‌బాబు ఇంట్లో త్వరలోనే ఓ సెలబ్రెటీ రాబోతోందంటూ వార్తలు వినిపిస్తున్నాయి. అంతేకాదు తన ముద్దుల కూతురు సంపాదించిన ఫస్ట్ రెమ్యునరేషన్‌పై మహేష్‌బాబు ఇప్పటికే ఆనందంతో మునిగి తేలుతున్నాడు. త్వరలోనే తానతో పాటు తన కూతురు సైతం తెరమీద కనిపించాలని మహేష్‌బాబు ఫ్యాన్స్ కోరుకుంటున్నారు. అంతేకాదు తన కూతురుని అందరూ ఇలాగే ఆదరించాలని మహేష్ అభిప్రాయపడ్డారు.