Hanuman Collections: 25 రోజుల్లో 300 కోట్ల వసూళ్లు .. హనుమాన్ రికార్డు.. వైరలవుతున్న ప్రశాంత్ వర్మ పోస్ట్

Hanuman Collections:  డైరెక్టర్ ప్రశాంత్ వర్మ (Prashanth Varma) తెరకెక్కించిన లేటెస్ట్ చిత్రం హనుమాన్. ఎలాంటి అంచనాలు లేకుండా విడుదలైన ఈ చిత్రం భారీ విజయాన్ని అందుకుంది. బాక్స్ ఆఫీస్ వద్ద రికార్డు వసూళ్లతో దూసుకెళ్తోంది. తాజాగా ఈ చిత్రం మరో రికార్డును సాధించింది.

25 రోజుల్లోనే 300 కోట్ల వసూళ్లు

హనుమాన్ విడుదలైన 25 రోజుల్లోనే 300 కోట్ల వసూళ్లను రాబట్టింది. దీంతో ఈ ఏడాది 300 కోట్లు కలెక్ట్ చేసిన మొదటి సినిమాగా రికార్డు క్రియేట్ చేసింది. ఈ విషయాన్నీ డైరెక్టర్ ప్రశాంత్ వర్మ సోషల్ మీడియా వేదికగా షేర్ చేశారు. దీని పై ప్రశాంత్ వర్మ స్పందిస్తూ.. "హనుమాన్ చిత్రాన్ని ఆదరిస్తున్న ప్రేక్షకులకు ఎలా ధన్యవాదాలు చెప్పాలో అర్థం కావడం లేదు. ఎంతో మంది ఈ చిత్రానికి వారి హృదయాల్లో స్థానం కల్పించారు. ఒక్కసారి కంటే ఎక్కువగా చూస్తున్నారు. హనుమాన్ చిత్రాన్ని (Hanuman Movie) ఆదరించిన ప్రేక్షకులందరికీ కృతజ్ఞతలు" అని రాసుకొచ్చారు. నెటిజన్లు కూడా హనుమాన్ విజయానికి శుభాకాంక్షలు తెలియజేస్తున్నారు.

Also Read: Sitara Dance Video: నాన్న పాటకు స్టెప్పులేసిన మహేశ్ ముద్దుల కూతురు.. ధమ్ మసాలా వీడియో వైరల్!

View this post on Instagram

A post shared by Prasanth Varma (@prasanthvarmaofficial)

హనుమాన్ సీక్వెల్ గా జై హనుమాన్

ఇది ఇలా ఉంటే.. హనుమాన్ సీక్వెల్ గా జై హనుమాన్ మూవీని (Jai Hanuman Movie) అనౌన్స్ చేసిన సంగతి తెలిసిందే . ఇప్పటికే జై హనుమాన్ ప్రీ ప్రొడక్షన్ వర్క్ కూడా మొదలైనట్లు డైరెక్టర్ ప్రశాంత్ వర్మ తెలిపారు. దీనికి సంబంధించిన స్క్రిప్ట్ కూడా సిద్ధంగా ఉన్నట్లు సమాచారం. ప్రస్తుతం ప్రశాంత్ వర్మ జై హనుమాన్ లోని ప్రధాన పాత్రలను ఎంపిక చేసే పనిలో బిజీగా ఉన్నారు. అయితే ఈ సినిమాలో రాముడి పాత్ర ఎవరు చేయబోతున్నారనే అంశం పెద్ద చర్చగా మారింది. ఇటీవలే ఓ ఇంటర్వ్యూ లో పాల్గొన్న ప్రశాంత్ వర్మ .. అన్నీ సెట్ అయితే మెగాస్టార్ చిరంజీవి (Chiranjeevi) కూడా రాముడిగా ఉండే అవకాశం ఉందని తన అభిప్రాయాన్ని వ్యక్తం చేశారు. దీంతో ఈ సీక్వెల్ పై ప్రేక్షకులలో మరిన్ని అంచనాలు ఏర్పడ్డాయి.

Also Read: Mega Heroes: ఆ మూడు నెలలు మెగా ఫ్యాన్స్ కు పండగే.. వరుసగా మెగా సినిమాల సందడి