Gabbar Singh Team: పవన్ కోసం రంగంలోకి దిగిన సర్దార్ గబ్బర్ సింగ్ మూవీ టీం..!

Gabbar Singh Team Election Campaign: పశ్చిమగోదావరి జిల్లా భీమవరం నియోజకవర్గం బేతపూడి గ్రామంలో జనసేన, బీజేపీ, టీడీపీ పార్టీ నాయకుల ఆధ్వర్యంలో గబ్బర్ సింగ్, సర్దార్ గబ్బర్ సింగ్ మూవీ టీం జోరుగా ఎన్నికల ప్రచారం నిర్వహించారు. నియోజకవర్గంలో జనసేన పార్టీ ఎన్డీఏ కూటమి అభ్యర్థి పులపర్తి రామాంజనేయులును భారీ మెజార్టీతో గెలిపించాలని ఇంటింటా ప్రచారం చేస్తూ సూపర్ సిక్స్ పథకాలను వివరించారు.

Also Read: పుంగనూరులో మంత్రి పెద్దిరెడ్డి VS రామచంద్రయాదవ్.. చంపాలనే ప్లాన్‌ తోనే..

ఈ సందర్భంగా వారు మాట్లాడుతూ.. ఇంటింటికి వెళ్లి ప్రచారం చేస్తుంటే ప్రతి ఒక్కరూ ఎన్డీఏ కూటమికి ఓటు వేస్తామంటున్నారన్నారు. రామాంజనేయులు 30 నుండి 40 వేల మెజార్టీతో నియోజకవర్గంలో గెలుస్తారని ధీమా వ్యక్తం చేశారు. రాష్ట్రంలో జనసేన పోటీ చేసే ఇరవై ఒక్క స్థానాలు గెలుస్తున్నామన్నారు. పవన్ కళ్యాణ్ అంటే తమకు ప్రాణమని..తాము చివరి వరకు పవన్ కళ్యాణ్ తోనే కలిసి ఉంటాం అన్నారు. కూటమి గెలిస్తేనే రాష్ట్రాభివృద్ధి సాధ్యమన్నారు. పిఠాపురంలో ప్రచారం చేశామని పవన్ కళ్యాణ్ లక్ష ఓట్ల మెజార్టీతో గెలుస్తారన్నారు.