Perni Nani: దమ్ముంటే జగన్ సమాచారం బయటపెట్టు..పవన్ కు పేర్నినాని సవాల్

Ex Minister Perni Nani: టీడీపీ అధినేత చంద్రబాబు, జనసేన అధినేత పవన్ కళ్యాణ్ లకు కాపులు ఓట్లు కావాలని కాని..కాపుల ఆత్మ గౌరవాన్ని పెంచే ఒక్క మాట అయినా మాట్లాడారా? అని ప్రశ్నించారు మాజీ మంత్రి పేర్ని నాని. జగన్ గురించి నాకు తెలుసు అని పవన్ చెప్పడం ఎందుకు.. జగన్ గురించి సమాచారం వుంటే బయటపెట్టు అని సవాల్ చేశారు. నీ దగ్గర సమాచారం ఏమి చేసుకుంటావో చేసుకో అని తేల్చిచెప్పారు.

Also Read: జీ న్యూస్‌-మ్యాట్రిజ్‌ సంచలన సర్వే .. ఏపీలో గెలిచేది ఎవరంటే?

2019లో జగన్, పవన్ కళ్యాణ్ ను మడిచి తోంగో బెట్టారని విమర్శించారు. 2019లో అమరావతి ఒక కులానికి రాజదాని అని పవన్ చెప్పారని.. అయితే, ఆ రోజుకి ఈ రోజుకి చంద్రబాబు, పవన్ కు మధ్య ఏమి జరిగిందోనని ప్రశ్నించారు. పవన్ కళ్యాణ్ ఎన్ని సీట్లు తీసుకుంటే మాకేంటి? 24 కాకపోతే నాలుగు తీసుకోని అని అన్నారు. సీట్ల విషయంలో జనసేన నేతలకు, కార్యకర్తలకు, హరిరామ జోగయ్య, ముద్రగడ లాంటి కాపులకు బాధ వుండొచ్చని అన్నారు.

Also Read: ఫ్లవర్ రోజా..ప్రజల చెవిలో పువ్వులు పెట్టొద్దు: రవినాయుడు

తాడేపల్లిగూడెం సభలో జనసేనాని పవన్ కల్యాణ్ వ్యాఖ్యలపై మాజీ మంత్రి పేర్ని నాని మండిపడ్డారు. కురుక్షేత్ర యుద్ధంలో కర్ణుడి రథ సారథిగా వ్యవహరించిన శల్యుడితో పవన్ ను పోల్చారు. పపన్ కల్యాణ్ తనను తాను వామనుడితో పోల్చుకుంటున్నాడని, కానీ పురాణాల్లో శల్యుడి పాత్ర ఒక్కటే పవన్ కళ్యాణ్ కు సరిపోతుందని వ్యంగ్యంగా మాట్లాడారు. శల్యుడి తరహాలోనే పవన్ పార్టీని, పార్టీ నేతలను నిర్వీర్యం చేసేందుకు పూనుకున్నాడని పేర్ని నాని వ్యాఖ్యానించారు.