Euro Cup 2024: యూరోకప్ ఫుట్బాల్ టోర్నీ.. సోషల్ మీడియా షేక్ చేస్తున్న ధోనీ! యూరోకప్ ఫుట్బాల్ టోర్నీ మొదలైంది. ఈ టోర్నీ మొదటి మ్యాచ్ ముందు ఫిఫా క్రిస్టియానో రొనాల్డో ఫోటోను సోషల్ మీడియాలో షేర్ చేసింది. రోనాల్డో జెర్సీ నెంబర్ 7. ధోనీ జెర్సీ నెంబర్ 7. దీంతో ‘తాలా ఫర్ ఏ రీజన్’ అంటూ ధోనీ ఫ్యాన్స్ పోస్ట్ ను వైరల్ చేస్తున్నారు. By KVD Varma 19 Jun 2024 in ఇంటర్నేషనల్ Latest News In Telugu New Update షేర్ చేయండి Euro Cup 2024: ఒకవైపు టీ20 ప్రపంచకప్ జరుగుతుంటే .. మరో వైపు యూరోకప్ ఫుట్బాల్ టోర్నీ మొదలయింది. ఈ టోర్నీలో గ్రూప్ ఎఫ్లో తొలి మ్యాచ్కు ముందు ఫిఫా షేర్ చేసిన పోస్ట్ వైరల్గా మారింది. దీనికి కారణం 'తాలా ఫర్ ఎ రీజన్'. సాధారణంగా 7వ నంబర్ కనిపిస్తే ధోనీ అభిమానులు ‘తాలా ఫర్ ఎ రీజన్’ అంటూ స్పందిస్తారు. ముఖ్యంగా ఏడు లెక్కను ప్రతిదానికీ ధోనీనే కారణమని చెప్పే ఫ్యాన్స్ ఉన్నారు. అయితే ఈసారి వరల్డ్ ఫుట్బాల్ ఫెడరేషన్ సోషల్ మీడియా ఖాతాలో 'తాలా ఫర్ ఎ రీజన్' అనే వాక్యం రావడం విశేషం. పోర్చుగల్ - చెక్ రిపబ్లిక్ మధ్య మ్యాచ్కు ముందు క్రిస్టియానో రొనాల్డో ఫోటోను ఫిఫా సోషల్ మీడియాలో షేర్ చేసింది. Euro Cup 2024: ఇదిగో క్రిస్టియానో రొనాల్డో జెర్సీ నంబర్ 7. అందుకే ఫిఫా అడ్మిన్ 'తాలా ఫర్ ఎ రీజన్' అనే క్యాప్షన్ ఇచ్చారు. పోర్చుగల్ జట్టుకు కెప్టెన్గా ఉన్న రొనాల్డో ఫోటోపై 'తాలా ఫర్ ఏ రీజన్' అనే క్యాప్షన్ కనిపించడంతో, ధోనీ అభిమానులు ప్రశంసలతో ముంచెత్తుతున్నారు. ప్రస్తుతం, ఏడో నంబర్ క్రిస్టియానో రొనాల్డో -నంబర్ 7 మహేంద్ర సింగ్ ధోనీ 'తాలా ఫర్ ఎ రీజన్' ఫోటోలు సోషల్ మీడియాలో వైరల్ అవుతున్నాయి. అభిమానులు విపరీతంగా షేర్లు, లైక్స్ చేస్తూ తమ సంతోషాన్ని వ్యక్తం చేస్తున్నారు. పోర్చుగల్కు అద్భుతమైన విజయం: Euro Cup 2024: యూరో కప్లో భాగంగా మంగళవారం జరిగిన గ్రూప్ స్టేజ్ మ్యాచ్లో చెక్ రిపబ్లిక్పై పోర్చుగల్ జట్టు ఉత్కంఠ విజయం సాధించింది. హోరాహోరీగా సాగిన ఈ మ్యాచ్ తొలి అర్ధభాగంలో గోల్స్ నమోదు కాలేదు. కానీ రెండో అర్ధభాగం 62వ నిమిషంలో లుకాస్ ప్రొవోడ్ తొలి గోల్ చేసి చెక్ రిపబ్లిక్ జట్టుకు ఆధిక్యాన్ని అందించాడు. కానీ 69వ నిమిషంలో పోర్చుగల్ స్టార్ రాబిన్ హ్రానాక్ గోల్ చేసి అంతరాన్ని సమం చేశాడు. డ్రాగా సాగుతున్న ఈ మ్యాచ్ అదనపు నిమిషంలో పోర్చుగల్ గోల్ చేయగలిగింది. 92వ నిమిషంలో వచ్చిన అవకాశాన్ని ఫ్రాన్సిస్కో గోల్గా మలిచి పోర్చుగల్కు 2-1తో విజయాన్ని అందించాడు. View this post on Instagram A post shared by FIFA World Cup (@fifaworldcup) #euro-cup-2024 #foot-ball సంబంధిత కథనాలు Advertisment Advertisment తాజా కథనాలు తదుపరి కథనాన్ని చదవండి