EPF Interest Rates: పీఎఫ్ ఎకౌంట్ హోల్డర్స్ కు గుడ్ న్యూస్.. వడ్డీరేట్లు పెరిగాయి!

EPF Interest Rates: ఎంప్లాయీ ప్రావిడెంట్ ఫండ్ కోసం 2023-24 సంవత్సరానికి 8.25 శాతం వడ్డీ రేటుతో డబ్బు డిపాజిట్ చేస్తారు.  CBT చేసిన వడ్డీ రేటు సిఫార్సును ఆర్థిక మంత్రిత్వ శాఖ ఆమోదించింది. EPFO తన X ప్లాట్‌ఫారమ్‌లో ఈమేరకు ఒక పోస్ట్ చేసింది. EPFO 2023-24 కొత్త వడ్డీ రేటును గత సంవత్సరం 8.15% వడ్డీ రేటు నుండి 8.25%కి పెంచింది. సోషల్ మీడియా ప్లాట్‌ఫారమ్ Xలో ఇచ్చిన సమాచారం ప్రకారం, 2023-24 ఆర్థిక సంవత్సరానికి, EPF సభ్యులు 8.25% వడ్డీ ప్రయోజనాన్ని పొందుతారని EPFO ​​తెలిపింది. కొత్త రేట్లు మే 2024లో నోటిఫై చేశారు. 

Attention EPF Members

The rate of interest for the Financial Year 2023-24 @ 8.25% for EPF members has been notified by the government in May of 2024. @LabourMinistry @mygovindia @MIB_India @PIB_India #EPFO #IntrestRate #EPFO #HumHainNaa #EPFOwithYou #ईपीएफओ

— EPFO (@socialepfo) July 11, 2024

EPF Interest Rates: సాధారణంగా, వార్షిక వడ్డీ రేటు ఆర్థిక సంవత్సరం ముగిసిన తర్వాత వచ్చే ఆర్థిక సంవత్సరం మొదటి త్రైమాసికంలో ప్రకటిస్తారు.  అందువల్ల EPF సభ్యులకు 2023-24 ఆర్థిక సంవత్సరానికి 8.25% వడ్డీ రేటు ఇప్పటికే భారత ప్రభుత్వంఆమోదించింది. ఈ సవరించిన రేట్ల వడ్డీ ఇప్పటికే అవుట్‌గోయింగ్ సభ్యులకు వారి చివరి PF సెటిల్‌మెంట్‌లో ఇస్తారు.  

EPFO has already started settling claims @ 8.25% per annum.
Rate of interest is calculated on the basis of income from debt and equity investment of EPFO.

— EPFO (@socialepfo) July 11, 2024

వడ్డీ జమ అయిందీ లేనిదీ మీరు ఇలా చెక్ చేసుకోవచ్చు.. 

1. అధికారిక Umang యాప్‌కి వెళ్లి, లాగిన్ చేసి, మీ మొబైల్ లో మీ EPF పాస్‌బుక్‌ని యాక్సెస్ చేయండి.
2. EPF వెబ్‌సైట్: EPF ఇండియా వెబ్‌సైట్‌కి వెళ్లి “ఉద్యోగుల కోసం” ఆప్షన్ సెలెక్ట్ చేయండి. సర్వీసెస్ ట్యాబ్‌లో ఉన్న “మెంబర్స్ పాస్‌బుక్”పై క్లిక్ చేయండి. లాగిన్ చేయడానికి మీ UAN, పాస్‌వర్డ్, క్యాప్చా ఉపయోగించండి. నమోదు చేసుకున్న 6 గంటల్లో మీ పాస్‌బుక్ కనిపిస్తుంది.
3. SMS సేవ: SMS ద్వారా తెలుసుకోవడానికి  7738299899కి “EPFOHO UAN” మెసేజ్ పంపించాలి. 
4. మిస్డ్ కాల్ సర్వీస్: మీరు మీ రిజిస్టర్డ్ మొబైల్ నంబర్ నుండి 9966044425కు మిస్డ్ కాల్ ఇవ్వడం ద్వారా పాస్‌బుక్ వివరాలను పొందవచ్చు.

వడ్డీ రేటు ఎలా నిర్ణయిస్తారు?
EPF Interest Rates: EPFO EPF ఖాతాలలోకి చెల్లించిన డబ్బును డెట్ - ఈక్విటీ మార్కెట్లలో పెట్టుబడి పెడుతుంది. EPF డబ్బుపై వడ్డీ రేటు దాని నుండి పొందిన రాబడి ఆధారంగా నిర్ణయిస్తారు. 

PF ఉపసంహరణలకు వడ్డీ ఎంత?
ఇప్పుడు పాత వడ్డీ రేటుకు బదులుగా కొత్త వడ్డీ రేటు PF డబ్బు సెటిల్‌మెంట్ క్లెయిమ్ చేస్తున్న వారికి లేదా రిటైర్ అవుతున్న వారికి వర్తిస్తుంది. అతని పీఎఫ్ ఖాతాకు 8.25 శాతం వడ్డీ డబ్బులు డిపాజిట్ చేసిన తర్వాత సెటిల్ చేస్తున్నారు.

EPFO అందించిన సమాచారం ప్రకారం, 23,04,516 క్లెయిమ్‌లు పరిష్కరించారు.  9260 కోట్లు రూ. 8.25 వడ్డీతో సభ్యులకు జమచేశారు.