Health Tips: ఆహారాన్ని నెమ్మదిగా ఎందుకు తినాలి?

Eating Habits:  ఆహారం నిదానంగా తినాలని, నమలాలని పెద్దలు సలహా ఇస్తున్నారు. ఆహారం కనీసం 32 సార్లు నమలాలని ఇంట్లో చెబుతారు. దీనివల్ల ఆరోగ్యానికి చాలా ప్రయోజనాలు ఉన్నాయి. ఈ నియమం చాలా కాలం నుంచి అమలులో ఉంది. ఆహారాన్ని 32 సార్లు నమలడం సరైన జీర్ణక్రియకు సహాయపడుతుందని చాలా మంది నిపుణులు కూడా నమ్ముతారు. అయితే దీనికి సంబంధించి ఎలాంటి శాస్త్రీయ పరిశోధనలు ఇంకా వెలుగులోకి రాలేదు. కానీ ఆహారాన్ని నమలడం ద్వారా వివిధ రుచులను విడుదల చేస్తుంది, కార్బోహైడ్రేట్లను జీర్ణం చేస్తుంది. ఆహారాన్ని 32 సార్లు నమలడం వల్ల కలిగే ప్రయోజనాలేంటో ఇప్పుడు కొన్ని విషయాలు తెలుసుకుందాం.

ఆహారాన్ని నమలడం వల్ల కలిగే ప్రయోజనాలు:

జీర్ణక్రియకు మంచిది:

• ఆహారాన్ని నమలడం వల్ల అది చిన్న చిన్న ముక్కలుగా మారుతుంది. ఇది కడుపులో జీర్ణక్రియ ప్రక్రియలో చాలా సహాయపడుతుంది. ఆహారాన్ని సరిగ్గా నమలడం వల్ల జీర్ణం సులభం అవుతుంది. దీనివల్ల పొట్ట ఆరోగ్యం కూడా ఆరోగ్యంగా ఉంటుంది. మలబద్ధకం, అసిడిటీ వంటి సమస్యలు ఉండవు.

పోషకాలు అధికం:

• ఆహారాన్ని సరిగ్గా నమలడం వల్ల అందులో ఉండే పోషకాలు సరిగ్గా, బాగా గ్రహించబడతాయి. దీనివల్ల శరీరానికి కావాల్సిన విటమిన్లు, మినరల్స్ మెరుగైన రీతిలో లభ్యమై బలాన్ని పొందుతాయి. ఇది రోగనిరోధకశక్తిని బలపరుస్తుంది. అనేక వ్యాధులను నివారించవచ్చు.

బరువు నియంత్రణ:

• ఆహారం నిదానంగా తిని ఎక్కువ సేపు నమిలి తింటే కడుపు త్వరగా నిండుతుంది. ఇది అతిగా తినడాన్ని నివారిస్తుంది. బరువు, ఊబకాయాన్ని అదుపులో ఉంచుతుంది. శరీరాన్ని ఫిట్‌గా ఉంచడంలో ఈ అలవాటు ఎంతగానో ఉపయోగపడుతుంది. ఇది ఆరోగ్యాన్ని కాపాడుతుంది. ఆహారాన్ని నమలడం వల్ల అనేక ఆరోగ్య ప్రయోజనాలు లభిస్తాయి. అందుకే పెద్దలు, నిపుణులు ఆహారాన్ని 32 సార్లు నమలాలని సిఫార్సు చేస్తున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: IVFతో కవలలు పుట్టే అవకాశాలను ఇలా పెంచుకోండి.. నిపుణులు ఏం చెబుతున్నారంటే?