Kenya: కెన్యాలో జరిగిన ఓ అత్యంత దారుణమైన ఘటన ఆలస్యంగా వెలుగులోకి వచ్చింది. నైరూబీలోని 33 ఏళ్ల యువకుడు రెండేళ్ల నుంచి వరుసగా 44 మంది మహిళలను చంపిన ఘటన ప్రపంచవ్యాప్తంగా కలకలం రేపుతోంది. ఈ మేరకు కొల్లిన్స్‌ జమైసీ కాలుషా అనే వ్యక్తి ఈ దారుణానికి పాల్పడగా ఇందుకు సంబంధించిన వివరాలు ఇలా ఉన్నాయి.

భార్యను చంపి డంపింగ్ యార్డ్ లో..
ఈ మేరకు ప్రత్యక్ష సాక్షులు, పోలీసులు తెలిపిన వివరాల ప్రకారం.. కొల్లిన్స్‌ జమైసీ కాలుషా 2022 నుంచి 11 జులై 2024లోపు 42 మంది మహిళలను వలవేసి లొంగదీసుకొని ఆపై హత్య చేశాడు. వారి మృతదేహాలను ఛిద్రం చేసి సమీపంలో భారీ డంపింగ్‌ యార్డ్‌లో పడేసాడు. తాను చంపిన వారిలో తన భార్య కూడా ఉంది. దర్యాప్తులో ఈ హత్యలు చేసినట్లు అంగీకరించాడు. అతడికి మనిషి ప్రాణం అంటే ఏమాత్రం విలువ లేదని చెబుతున్నాడు. మొదట తొమ్మిది మంది మహిళల మృతదేహాలను నైరూబీలోని ముకురూ మురికివాడ చెత్తకుప్పలో ఇటీవల గుర్తించాం. అక్కడినుంచి 100 మీటర్ల దూరంలోనే పాత ఇంట్లో నిందితుడు అద్దెకు ఉంటున్నాడు. ఇంటిని తనిఖీ చేయగా టేపు, నైలాన్‌ సంచులు, రబ్బర్‌ గ్లౌజులు భారీ ఎత్తున్న లభ్యమయ్యాయి.

ఈ ఘోరం ఎలా బయటపడిందంటే..
26 ఏళ్ల జోసఫ్‌ వైనో అనే మహిళ ముకురు ప్రాంతంలో మిస్ అయింది. ఆమె బయటకు వెళ్లడానికి ముందు ఓ ఫోన్‌కాల్‌ వచ్చినట్లు గుర్తించి ఆమె సోదరి పోలీసులకు ఫిర్యాదు చేసింది. గాలింపులో భాగంగా చెత్తలో వెతికింది. దీంతో ఛిద్రమైన మహిళల అవయవాలు బయటపడ్డాయి. వాటికి ఫోరెన్సిక్‌ పరీక్షలు నిర్వహించగా షాకింగ్‌ విషయాలు బయటకొచ్చాయి. ఆ సంచుల్లో మొత్తం నరికిన శరీర భాగాలు ఉన్నాయి. వాటిపై తూటాల ఆనవాళ్లు లేవు. వారిలో ఒకరిని గొంతు కోసి చంపినట్లు తేలింది. ఇప్పటి వరకు డీఎన్‌ఏ పరీక్షల్లో రెండు మృతదేహాలనే గుర్తించారు. మిగిలినవి తీవ్రంగా కుళ్లిపోవడంతో వాటిని గుర్తించాల్సి ఉందని పోలీసులు తెలిపారు. ఈ ఘనటతో మరిన్ని కంప్లైట్స్ వస్తున్నట్లు వెల్లడించారు.