Ustaad Bhagat Singh OTT: షేర్ ఆగయా..! ఓటీటీలోకి ‘ఉస్తాద్‌ భగత్‌ సింగ్‌’.. స్ట్రీమింగ్ ఎక్కడంటే..?

Ustaad Bhagat Singh OTT: పవర్ స్టార్ పవన్ కళ్యాణ్ నటించిన “ఉస్తాద్ భగత్ సింగ్” సినిమా థియేటర్లలో ఆశించిన స్థాయిలో విజయాన్ని సాధించలేకపోయింది. ఈ చిత్రం విడుదలై నెగటివ్ రివ్యూలు రావడంతో పాటు, బాక్సాఫీస్ వద్ద కూడా రూ.100 కోట్ల మార్క్‌ను దాటలేకపోయింది. ఈ సినిమా ద్వారా పవన్ కళ్యాణ్, దర్శకుడు హరీష్ శంకర్ రెండోసారి కలిసి పని చేశారు.

Peru Bhagat, kaani udhyamam ey thana gurthimpu 🔥🚨

Watch Ustaad Bhagat Singh on Netflix, out 16 April, in Telugu, Hindi, Tamil, Kannada and Malayalam #UstaadBhagatSinghOnNetflix#PawanKalyan#Sreeleela#RaashiKhannapic.twitter.com/FaYOrJCxoE

— স্পর্শ গিরি (@CineBuff2003) April 11, 2026

ఇక ఈ సినిమా ఓటీటీ విడుదలకు సంబంధించిన అప్డేట్ వచ్చింది. ప్రముఖ ఓటీటీ ప్లాట్‌ఫామ్ నెట్‌ఫ్లిక్స్ ఈ చిత్రాన్ని ఏప్రిల్ 16 నుండి స్ట్రీమింగ్ చేయనున్నట్లు ప్రకటించింది. తెలుగు తో పాటు తమిళం, హిందీ, కన్నడ, మలయాళం భాషల్లో ఒకేసారి విడుదల చేయనున్నారు.

మైత్రి మూవీ మేకర్స్ నిర్మించిన ఈ సినిమాలో శ్రీలీల, రాశీ ఖన్నా హీరోయిన్లుగా నటించారు. విలన్ పాత్రలో పార్థిబన్ నటించాడు. అలాగే కేఎస్ రవికుమార్, గౌతమి, రావు రమేష్, శ్రీనాథ్ మగంటి కీలక పాత్రలు పోషించారు. ఈ చిత్రానికి దేవి శ్రీ ప్రసాద్ సంగీతం అందించగా, తమన్ బ్యాక్‌గ్రౌండ్ స్కోర్ ఇచ్చాడు.