Suhas Mandadi: సుహాస్ ‘మండాడి’ షూటింగ్ ఫినిష్.. రిలీజ్ ఎప్పుడంటే?

Suhas Mandadi:టాలీవుడ్‌లో తన ప్రత్యేక నటనతో గుర్తింపు తెచ్చుకున్న నటుడు సుహాస్ ఇప్పుడు తమిళ సినిమాల్లోకి అడుగుపెట్టడానికి సిద్ధమవుతున్నారు. ఆయన, నటుడు సూరి కలిసి నటిస్తున్న ‘మండాడి’ సినిమా షూటింగ్ పూర్తైంది. ఈ సినిమా తీర ప్రాంతాల్లో జీవించే మత్స్యకారుల జీవితాలపై ఆధారంగా రూపొందుతోంది.

ఈ చిత్రంలో పడవ పందాలు (సెయిల్‌బోట్ రేస్) ప్రధాన ఆకర్షణగా ఉండబోతున్నాయి. నిజ జీవితానికి దగ్గరగా కనిపించాలనే ఉద్దేశంతో దర్శకులు అసలు ప్రదేశాల్లోనే షూటింగ్ చేశారు. అందుకోసం చాలా కష్టపడి, ఖర్చు పెట్టి ఈ సన్నివేశాలను తెరకెక్కించారు.

#Suhas#Mandaadi కోసం 100 రోజుల కాల్‌షీట్స్ ఇచ్చి, పూర్తి డెడికేషన్‌తో తన బెస్ట్ ఇచ్చాడు.

ప్రతి ఫ్రేమ్‌లో ఆయన కష్టపడిన తీరు క్లియర్‌గా కనిపిస్తుంది. ఇప్పుడైతే తన వర్సటైల్ యాక్టింగ్‌తో తమిళ ఇండస్ట్రీలో కూడా హాట్ టాపిక్‌గా మారిపోయాడు.#Soori – #Suhas మధ్య వచ్చే సీన్స్ #Mandaadi… pic.twitter.com/mrq9V9ChtH

— SR PROMOTIONS (@SRPROMOTIONS29) April 25, 2026

ఈ సినిమాతో సుహాస్ తమిళ ప్రేక్షకులకు పరిచయం అవుతున్నారు. ఈ ప్రాజెక్ట్ కోసం ఆయన దాదాపు 100 రోజుల సమయం కేటాయించడం విశేషం. కథపై ఉన్న నమ్మకంతోనే ఆయన ఇలా చేసినట్లు తెలుస్తోంది. పాత్రకు తగ్గట్టు సూరి, సుహాస్ ఇద్దరూ తమ లుక్, శరీర ఆకృతిని మార్చుకుని సహజంగా కనిపించేందుకు ప్రయత్నించారు.

ఇప్పటికే షూటింగ్ పూర్తవడంతో సినిమా టీమ్ ప్రస్తుతం ఎడిటింగ్, విజువల్ ఎఫెక్ట్స్, సౌండ్ పనుల్లో బిజీగా ఉంది. ప్రముఖ దర్శకుడు వెట్రిమారన్ ఈ సినిమాకు క్రియేటివ్ ప్రొడ్యూసర్‌గా పని చేస్తున్నారు. ఆర్ఎస్ ఇన్ఫోటైన్‌మెంట్ బ్యానర్‌పై ఎల్రెడ్ కుమార్ ఈ సినిమాను నిర్మిస్తున్నారు.

ఈ సినిమాలో యాక్షన్ సీన్లు, ఎమోషనల్ సన్నివేశాలు ప్రేక్షకులకు కొత్త అనుభూతి ఇస్తాయని చిత్ర యూనిట్ నమ్మకం వ్యక్తం చేస్తోంది. త్వరలోనే ఈ సినిమా విడుదల తేదీపై అధికారిక ప్రకటన వచ్చే అవకాశం ఉంది.