'ఆగడు' ప్లాప్ కు కారణం నేను కాదు.. చేసిందంతా వాళ్లే : శ్రీనువైట్ల

టాలీవుడ్ లో వెంకీ, దుబాయ్ శీను, ఢీ, కింగ్, రెడీ, దూకుడు, బబాద్ షా లాంటి అవుట్ అండ్ అవుట్ ఎంటర్టైనింగ్ సినిమాలతో స్టార్ డైరెక్టర్ గా తనకంటూ సెపరేట్ క్రేజ్ తెచ్చుకున్న శ్రీను వైట్ల.. గత కొన్నేళ్లుగా పెద్దగా సినిమాలు చేయడం లేదు. ఆ మధ్య అమర్ అక్బర్ ఆంటోని అనే సినిమా చేసినా.. అది అట్టర్ ప్లాప్ అయింది. చాలా కాలం తర్వాత విష్ణు మంచు తో కలిసి సినిమా చేస్తున్న అని శ్రీనువైట్ల అనౌన్స్ చేశాడు. 

కానీ ఈ సినిమా ఇప్పటివరకు పట్టాలెక్కలేదు. ఇప్పుడు యాక్షన్ హీరో గోపీచంద్ తో 'విశ్వం' సినిమా చేస్తున్నాడు. ఈ సినిమాతో ఎలాగైనా హిట్ కొట్టాలని కసితో ఉన్నాడు ఈ డైరెక్టర్. పీపుల్ మీడియా ఫ్యాక్టరీ నిర్మించిన ఈ చిత్రం దసరా కానుకగా అక్టోబర్ 11 న ప్రేక్షకుల ముందుకు రానుంది. ఇక సినిమా ప్రమోషన్స్ లో భాగంగా ఇటీవల ఓ ఇంటర్వ్యూలో శ్రీను వైట్ల.. 'ఆగడు' సినిమా గురించి షాకింగ్ కామెంట్స్ చేశాడు. 

Agadu ki original ga anukonna script veru , huge budget valla producers burden avutharani original ga anukonna daanini pakkana petti veredi chesam - Srinu vaitla

🥲🥲🥲#SSMB29 #MaheshBabu pic.twitter.com/VP1Q2P2MUp

— Murugesh_DHFM (@KMurugesh99) October 1, 2024

అందుకే ప్లాప్ అయింది..

ఆ సినిమా ఆడియన్స్ అంచనాలను అందుకోకపోవడం తన తప్పే అని అన్నారు. ఈ మేరకు ఆయన మాట్లాడుతూ.." నిజానికి ఆగడు సినిమాకు అనుకున్న కథ వేరే. ఆ కథ పెద్ద స్పాన్ ఉన్న కథ. బిగ్ స్కేల్ లో ఉంటుంది. ఆ కథ విని మహేష్ చాల ఎక్సయిట్ అయ్యారు. దూకుడు తర్వాత ఇలాంటి కథే చేయాలని అన్నారు. కానీ ఆ కథకు నిర్మాతల నుంచి అనుకున్నంత బడ్జెట్ కుదరకపోవడంతో.. కథ మార్చాల్సి వచ్చింది.

పైగా 'దూకుడు' సినిమా తర్వాత వచ్చిన చిత్రం కావడంతో అంచనాలు భారీగా పెరిగిపోయాయి. ఆ సినిమా కోసం కష్టపడినా కూడా ఆడియన్స్ ఎక్స్ పెక్టేషన్స్ ను అందుకోలేకపోయాను. ఇది నాకు నేనుగా తీసుకున్న గొయ్యి.." అంటూ చెప్పుకొచ్చాడు. దీంతో శ్రీను వైట్ల కామెంట్స్ నెట్టింట వైరల్ అవుతున్నాయి.