Peddi: ఒక్క డైలాగ్ కోసం 78 టేక్స్.. సీనియర్ యాక్టర్ షాకింగ్ కామెంట్స్

Peddi: రామ్ చరణ్ హీరోగా, బుచ్చిబాబు సానా దర్శకత్వంలో తెరకెక్కుతున్న భారీ పాన్ ఇండియా చిత్రం ‘పెద్ది’పై ప్రేక్షకుల్లో భారీ ఆసక్తి నెలకొంది. ఈ సినిమాలో జాన్వీ కపూర్ హీరోయిన్‌గా నటిస్తుండగా, ఇది రామ్ చరణ్ - జాన్వీ కపూర్ - బుచ్చిబాబు సానా కాంబినేషన్‌లో వస్తున్న తొలి సినిమా కావడం విశేషం. ఈ చిత్రం జూన్ 4, 2026న పలు భాషల్లో ప్రపంచవ్యాప్తంగా విడుదల కానుంది.

సినిమా విడుదల దగ్గరపడుతున్న నేపథ్యంలో చిత్రబృందం ప్రస్తుతం ప్రమోషన్స్‌లో బిజీగా ఉంది. ఈ సందర్భంగా రామ్ చరణ్, బాలీవుడ్ నటులు బొమన్ ఇరానీ , దివ్యేందు శర్మ కలిసి ఒక ప్రత్యేక ఇంటర్వ్యూలో పాల్గొన్నారు.

ఈ ఇంటర్వ్యూలో బొమన్ ఇరానీ చెప్పిన విషయం ఇప్పుడు సోషల్ మీడియాలో వైరల్ అవుతోంది. సినిమాలో తన పాత్ర ఒక సందర్భంలో “క్రాస్ ఓవర్ అథ్లెట్” అనే డైలాగ్ చెప్పే సీన్ కోసం దర్శకుడు బుచ్చిబాబు సానా ఏకంగా 78 టేక్స్ తీసుకున్నారని ఆయన తెలిపారు.

తాను సీనియర్ నటుడినైనా, దర్శకుడు కోరుకున్న పర్ఫెక్ట్ ఎక్స్‌ప్రెషన్, డెలివరీ వచ్చే వరకు రాజీ పడలేదని బొమన్ ఇరానీ చెప్పారు. దర్శకుడు ప్రతి సీన్‌ను ఎంతో జాగ్రత్తగా తెరకెక్కిస్తున్నారని, సినిమాపై ఆయనకు ఉన్న డెడికేషన్ అప్పుడు అర్థమైందని తెలిపారు.

ఈ సినిమాలో శివరాజ్ కుమార్, జగపతి బాబు వంటి ప్రముఖ నటులు కూడా కీలక పాత్రల్లో కనిపించనున్నారు. వృద్ధి సినిమాస్ బ్యానర్‌పై రూపొందుతున్న ఈ చిత్రానికి ఏఆర్ రెహమాన్ సంగీతం అందిస్తున్నారు.

భారీ అంచనాల మధ్య తెరకెక్కుతున్న ‘పెద్ది’ సినిమా ప్రస్తుతం ప్రేక్షకుల్లో మరింత ఆసక్తిని పెంచుతోంది.