Peddi Song Leak: ‘పెద్ది’ ఐటమ్ సాంగ్ లీక్.. వీడియో వైరల్!

Peddi Song Leak: అన్నీ ప్లాన్ ప్రకారం జరిగి ఉంటే రామ్ చరణ్(Ram Charan) నటించిన ‘పెద్ది’ సినిమా ఏప్రిల్ 30న విడుదల అయ్యేది. కానీ కొన్ని కారణాల వల్ల ఈ సినిమా విడుదల వాయిదా పడింది. ఇప్పుడు ఈ చిత్రాన్ని జూన్ 25న రిలీజ్ చేయాలని నిర్ణయించారు. ఈ విషయాన్ని దర్శకుడు బుచ్చిబాబు ఇటీవల జరిగిన ఒక కార్యక్రమంలో తెలిపారు.

ప్రస్తుతం ఈ సినిమా షూటింగ్ కొనసాగుతోంది. ముఖ్యంగా ఒక ఐటెమ్ సాంగ్ చిత్రీకరణ జరుగుతున్నట్టు సమాచారం. ఇదే సమయంలో షూటింగ్ స్పాట్ నుంచి ఒక వీడియో లీక్ కావడంతో అది సోషల్ మీడియాలో వైరల్ అవుతోంది.

#Peddi#itemsong#Leakedvideo Ram Charan grace Shruthi Hassan glomour 🔥🔥 pic.twitter.com/mbjqD0EYje

— RC King 👑 (@VinnuRc) April 27, 2026

ఆ వీడియోలో రామ్ చరణ్, శృతి హాసన్ కలిసి మాస్ డ్యాన్స్ చేస్తూ కనిపిస్తున్నారు. చరణ్ తన స్టైల్‌తో ఎనర్జీగా డ్యాన్స్ చేస్తుంటే, శృతి హాసన్ కూడా అతనికి తగ్గట్టుగా మంచి స్టెప్పులు వేస్తోంది. ఈ జంటను మళ్లీ తెరపై చూడబోతుండటంతో అభిమానుల్లో ఆసక్తి పెరిగింది.

ఇప్పటికే ‘ఎవడు’ సినిమా తర్వాత ఈ ఇద్దరూ మళ్లీ కలిసి నటించడం ఇదే మొదటిసారి. దర్శకుడు బుచ్చిబాబు ఈ సినిమాను ఉత్తరాంధ్ర ప్రాంతం నేపథ్యంగా పీరియడ్ డ్రామాగా తెరకెక్కిస్తున్నారు. ఇందులో చరణ్ పాత్ర మాస్ లుక్‌లో కనిపించనుంది.

ఈ సినిమాలో చరణ్ క్రికెట్ ప్లేయర్‌గా మాత్రమే కాకుండా కుస్తీ ఫైటర్‌గా కూడా కనిపిస్తాడని తెలుస్తోంది. ఇక ఈ ఐటెమ్ సాంగ్‌కు ఏ.ఆర్. రెహమాన్ మాస్ బీట్ ఇచ్చినట్టు సమాచారం. ప్రస్తుతం లీక్ అయిన వీడియో సోషల్ మీడియాలో పెద్దగా చర్చకు దారితీసింది.