/rtv/media/member_avatars/2025/05/15/2025-05-15t074849207z-whatsapp-image-2025-05-15-at-11837-pm.jpeg )
/rtv/media/media_files/2026/04/21/ntrneel-2026-04-21-11-24-39.jpg)
NTRNeel
Follow Us
NTRNeel: జూనియర్ ఎన్టీఆర్, దర్శకుడు ప్రశాంత్ నీల్ కాంబినేషన్లో వస్తున్న భారీ సినిమా కోసం అభిమానులు ఎంతో ఆసక్తిగా ఎదురుచూస్తున్నారు. మొదట ఈ సినిమాను 2026 జూన్ 25న విడుదల చేయాలని ప్లాన్ చేశారు. కానీ షూటింగ్ ఇంకా పూర్తికాకపోవడంతో ఆ తేదీకి రిలీజ్ చేయడం సాధ్యం కాలేదు. ఈ విషయాన్ని ఎన్టీఆర్ స్వయంగా సోషల్ మీడియాలో ప్రకటించారు. ఇప్పుడు ఈ సినిమాను దాదాపు ఒక సంవత్సరం వాయిదా వేసి, 2027 జూన్ 11న విడుదల చేయాలని నిర్ణయించారు. అంటే ఈ ప్రాజెక్ట్ ప్రకటించినప్పటి నుంచి రిలీజ్ వరకు నాలుగేళ్లు పడుతోంది. ఈ డిలే వల్ల అభిమానులు కొంత నిరాశకు గురైనా, సినిమా క్వాలిటీ కోసం ఈ నిర్ణయం తీసుకున్నారని తెలుస్తోంది. ఇదిలా ఉంటే, ఎన్టీఆర్ బర్త్డే సందర్భంగా అంటే 2026 మే 20న ఈ సినిమా ఫస్ట్ గ్లింప్స్ విడుదల చేయనున్నట్లు ప్రకటించారు.
రిలీజ్ చేసిన పోస్టర్లో ఎన్టీఆర్ రఫ్ లుక్లో, పెద్ద గడ్డం, బలమైన శరీరంతో యోధుడిలా కనిపిస్తూ సినిమా పై ఆసక్తిని పెంచాడు. ఈ సినిమా యాక్షన్ బ్యాక్డ్రాప్లో భారీ స్థాయిలో ఉండబోతుందని అర్థమవుతోంది. ప్రస్తుతం ఈ సినిమాకు “డ్రాగన్” అనే టైటిల్ పరిశీలిస్తున్నారు. ఈ చిత్రాన్ని మైత్రీ మూవీ మేకర్స్, ఎన్టీఆర్ ఆర్ట్స్ కలిసి నిర్మిస్తున్నారు. హీరోయిన్గా రుక్మిణి వసంత్ నటిస్తోంది. సంగీతం రవి బస్రూర్ అందిస్తున్నారు.
HIS REIGN… HIS SOIL…
— Jr NTR (@tarak9999) April 21, 2026
JUNE 11, 2027… IT IS…. #NTRNeelpic.twitter.com/ln9Dq4BFZs
ఇక ఎన్టీఆర్ కెరీర్ విషయానికి వస్తే, “ఆర్ఆర్ఆర్” తర్వాత పాన్ ఇండియా సినిమాలపై దృష్టి పెట్టాడు. “దేవర పార్ట్ 1” మంచి ఫలితం అందుకుంది. కానీ బాలీవుడ్లో చేసిన “వార్ 2” ఆశించిన స్థాయిలో సక్సెస్ కాలేకపోయింది. ప్రస్తుతం ఈ ప్రశాంత్ నీల్ ప్రాజెక్ట్పై ఎన్టీఆర్ పూర్తి ఫోకస్ పెట్టాడు. ఈ సినిమా తర్వాత “దేవర పార్ట్ 2” కూడా లైన్లో ఉంది. అలాగే దర్శకుడు నెల్సన్ దిలీప్ కుమార్తో ఒక సినిమా చేయడానికి కూడా ఓకే చెప్పాడు.
ఇంకా మరో ఆసక్తికరమైన ప్రాజెక్ట్గా త్రివిక్రమ్ దర్శకత్వంలో ఒక పౌరాణిక సినిమా చేయనున్నట్లు సమాచారం. ఇందులో సుబ్రహ్మణ్య స్వామి పాత్రలో ఎన్టీఆర్ కనిపించనున్నాడు. ఈ సినిమాను పాన్ ఇండియా స్థాయిలో తీసుకురావాలని ప్లాన్ చేస్తున్నారు. ఎన్టీఆర్ బర్త్డే సందర్భంగా ఈ ప్రాజెక్ట్పై కూడా అధికారిక ప్రకటన వచ్చే అవకాశం ఉంది.
మొత్తంగా చూస్తే, ఎన్టీఆర్ వరుసగా భారీ సినిమాలతో బిజీగా ఉండగా, అభిమానులకు ముందున్న సంవత్సరాల్లో పెద్ద ఎంటర్టైన్మెంట్ అందించేందుకు సిద్ధమవుతున్నాడు.
