Baahubali Re Release: 50 కోట్ల సునామీ..! రీ-రిలీజ్‌ల గేమ్‌లో కూడా ‘బాహుబలి’ టాప్‌..

Baahubali Re Release: రీ-రిలీజ్ ట్రెండ్‌లో ఇప్పటికీ అగ్రస్థానంలో నిలిచిన సినిమా బాహుబలి ఈ చిత్రం రీ-రిలీజ్‌లో రూ.50 కోట్లకు పైగా గ్రాస్ వసూలు చేసి మరోసారి తన శక్తిని చూపించింది. ఇప్పటివరకు రీ-రిలీజైన ఏ సినిమా కూడా డబుల్ డిజిట్ గ్రాస్ స్థాయిని అందుకోలేకపోవడం దీనికి ప్రత్యేకతను తెచ్చింది.

ఈ సినిమా మళ్లీ థియేటర్లలో విడుదలైనప్పుడు కూడా కొత్త సినిమా వచ్చినట్టే అభిమానులు థియేటర్లకు చేరుకున్నారు. విజువల్స్, బ్యాక్‌గ్రౌండ్ మ్యూజిక్, ఎమోషన్స్ అన్నీ ఇప్పటికీ అదే స్థాయిలో పని చేస్తుండటం ఈ సినిమాకి ఉన్న గొప్పతనాన్ని చూపిస్తుంది.

ఇటీవల చాలా సినిమాలు రీ-రిలీజ్‌లో మంచి ఓపెనింగ్స్ సాధిస్తున్నాయి. కానీ మొదటి రోజు తర్వాత ఆ వేగం కొనసాగించడం మాత్రం కష్టమవుతోంది. ఉదాహరణకు మురారి Murari, ఖలేజా Khaleja వంటి సినిమాలు మొదటి రోజు రూ.5 కోట్లకు పైగా వసూళ్లు సాధించినా, తర్వాత కలెక్షన్లు తగ్గిపోయాయి. చివరికి రూ.8 నుంచి 9 కోట్ల మధ్యే ముగిశాయి.

ఇక prabhas ప్రభాస్ డార్లింగ్ Darling రీ-రిలీజ్ మాత్రం దాదాపు రూ.10 కోట్ల పైనే వసూలు చేసి సత్తా  నిరూపించుకుంది. డార్లింగ్ నాస్టాల్జియా ను థియేటర్లలో ఫుల్ గా ఎంజాయ్ చేశారు ప్రేక్షకులు.

జల్సా Jalsa, పోకిరి Pokiri, ఖుషి Kushi వంటి సినిమాలు హౌస్‌ఫుల్ షోస్‌తో థియేటర్లకు పండగ వాతావరణం తీసుకొచ్చాయి. ఇక తెలుగు మాత్రమే కాదు, ఇతర భాషల్లో కూడా రీ-రిలీజ్ ట్రెండ్ బాగానే ఉంది. 

హిందీలో Sholay, Dilwale Dulhania Le Jayenge, Gadar సినిమాలు కూడా రీ-రిలీజ్‌లో మంచి రెస్పాన్స్ పొందాయి. తమిళంలో Ghilli, Padayappa, Baasha వంటి చిత్రాలు మంచి కలెక్షన్లు సాధించాయి.

రీ-రిలీజ్‌లో చాలా సినిమాలు రూ.10 కోట్ల మార్క్ దాటకపోయినా, రూ.5 కోట్లకు పైగా వసూళ్లు సాధించడం కూడా పెద్ద విజయంగా భావిస్తున్నారు. ఇది థియేటర్లకు మళ్లీ ఊపిరి పోసేలా చేస్తోంది. ఎగ్జిబిటర్స్, బయ్యర్స్‌కి కూడా లాభాలు తెస్తోంది. ప్రస్తుతం రీ-రిలీజ్ రేస్‌లో ‘బాహుబలి’ అగ్రస్థానంలో ఉంది. ఈ రికార్డును దాటే సినిమా ఏదో చూడాలి.