Ustaad Bhagat Singh: సారీ డార్లింగ్స్.. ఈ సారి నో ఐటెం సాంగ్..!

Ustaad Bhagat Singh: పవర్ స్టార్ పవన్ కళ్యాణ్(Pawan Kalyan), దర్శకుడు హరీష్ శంకర్ కలిసి గతంలో గబ్బర్ సింగ్ సినిమాతో భారీ హిట్ అందుకున్నారు. ఆ సినిమా తెలుగు ప్రేక్షకుల్లో పెద్ద సంచలనం సృష్టించింది. ఇప్పుడు ఈ హిట్ కాంబినేషన్ మరోసారి ఉస్తాద్ భగత్ సింగ్ సినిమాతో ప్రేక్షకుల ముందుకు రానుంది. ఈ సినిమా తమిళ హిట్ మూవీ తేరి ఆధారంగా రూపొందుతోంది.

ఈ చిత్రానికి సంబంధించిన రిలీజ్ డేట్‌ను త్వరలో అధికారికంగా ప్రకటించనున్నారు. తాజా సమాచారం ప్రకారం ఈ సినిమా మార్చి 26, 2026న థియేటర్లలో విడుదలయ్యే అవకాశం ఉంది. మొదట ఈ తేదీ రామ్ చరణ్ సినిమా పెద్ది కోసం లాక్ అయినప్పటికీ, ఆ సినిమా మేకు వాయిదా పడడంతో ఉస్తాద్ భగత్ సింగ్‌కు మార్గం సులభమైంది.

ఈ సినిమాలో గబ్బర్ సింగ్‌లోని ‘కెవ్వు కేక’ లాంటి ఐటెం సాంగ్ ఉండదని హరీష్ శంకర్ స్పష్టంగా చెప్పారు. అయితే ప్రతి పాట కూడా అభిమానులకు ప్రత్యేకంగా నచ్చేలా ఉంటుందని ఆయన తెలిపారు. ఈ సినిమాకు దేవి శ్రీ ప్రసాద్ సంగీతం అందిస్తున్నారు.

ఈ యాక్షన్ డ్రామాలో శ్రీలీల, రాశీ ఖన్నా హీరోయిన్లుగా నటిస్తున్నారు. ఈ చిత్రాన్ని మైత్రీ మూవీ మేకర్స్ నిర్మిస్తోంది. పవన్ కళ్యాణ్ గత ఏడాదే షూటింగ్ పూర్తి చేయగా, ప్రస్తుతం సినిమా పోస్ట్ ప్రొడక్షన్ దశలో ఉంది.

ఇక పవన్ కళ్యాణ్ ప్రస్తుతం పూర్తిగా ఆంధ్రప్రదేశ్ రాజకీయాలపై దృష్టి పెట్టారు. ఆయన తదుపరి సినిమాలపై ఇంకా స్పష్టత రాలేదు. ఉస్తాద్ భగత్ సింగ్ సినిమాపై అభిమానుల్లో అంచనాలు భారీగా ఉన్నాయి.