కిరణ్ అబ్బవరంకు అక్కినేని హీరో సపోర్ట్.. 'క' ప్రీ రిలీజ్ ఈవెంట్ గెస్ట్ గా?

టాలీవుడ్ యంగ్ హీరో కిరణ్ అబ్బవరం నటించిన లేటెస్ట్ మూవీ 'క'. ఈ సినిమాతో పాన్ ఇండియా మార్కెట్ లోకి అడుగుపెడుతున్నాడు. సందీప్ - సుజిత్ అనే కొత్త డైరెక్టర్స్ తీసిన ఈ సినిమా ప్రమోషనల్ కంటెంట్ తో ఆడియన్స్ లో మంచి బజ్ క్రియేట్ చేసింది. ముఖ్యంగా ఇటీవల వచ్చిన ట్రైలర్ సినిమాపై మరింత క్యూరియాసిటీ పెంచింది. దీపావళి కానుకగా అక్టోబర్ 31 న ఈ చిత్రం విడుదల కాబోతుంది. 

విడుదలకు కేవలం రెండు రోజులు మాత్రమే ఉండటంతో మూవీ టీమ్ ప్రమోషన్స్ స్పీడ్ పెంచింది. ఇప్పటికే కిరణ్ అబ్బవరం ఈ సినిమాను జనాల్లోకి తీసుకెళ్లేందుకు వరుస ఈవెంట్స్ లో పాల్గొంటున్నాడు. మీడియా చిట్ చాట్, మీమర్స్ తో ఇంటర్వ్యూ, సోషల్ మీడియా ఇన్ ఫ్లుయెన్సర్స్ తో రీల్స్.. ఇలా ఏ ఒక్కటి వదల్లేదు. ఇక ఈ సినిమా ప్రీ రిలీజ్ ఈవెంట్ ను అక్టోబర్ 29th మంగళవారం సాయంత్రం నిర్వహిచబోతున్నారు మేకర్స్.

Also Read : ఇట్స్ అఫీషియల్, రెండు భాగాలుగా 'SSMB29'.. బడ్జెట్ రివీల్ చేసిన టీమ్

గెస్ట్ గా చైతూ..

ఈ వేడుకకు ముఖ్య అతిధిగా అక్కినేని నాగ చైతన్య రానున్నాడు. యంగ్ హీరో కిరణ్ కోసం నాగ చైతన్య తన వంతుగా సినిమాను సపోర్ట్ చేయడం విశేషం అనే చెప్పాలి. ఈ ఈవెంట్ కు చైతూ గెస్ట్ అని తెలియడంతో అక్కినేని ఫ్యాన్స్ సైతం ఈవెంట్ కోసం ఆసక్తిగా ఎదురుచూస్తున్నారు. 

చైతూ కంటే ముందు నాగార్జున కూడా 'క' సినిమాకు తన వంతు సపోర్ట్ ను బిగ్ బాస్ 8 షో ద్వారా అందించారు. 'క' సినిమా ప్రమోషన్స్ లో భాగంగా మూవీ యూనిట్ నాగార్జున హోస్ట్ గా వ్యవహరిస్తున్న బిగ్ బాస్ సీజన్ 8 లోనూ సందడి చేసింది. కిరణ్ అబ్బవరం తన గత సినిమాలకు చేయనంత ప్రమోషన్స్ ను 'క' కోసం చేస్తుడటంతో ఈ సినిమాతో ఎలాగైనా అతనికి సక్సెస్ రావాలని కామన్ ఆడియన్స్ కోరుకుంటున్నారు.

Also Read : కెరీర్ లో ఫస్ట్ టైం గెస్ట్ రోల్ లో మహేష్ బాబు.. ఏ సినిమాలో అంటే?