సక్సెస్ కోసం పరితపిస్తున్న హీరోలు.. ఈసారైనా కంబ్యాక్ ఇచ్చేనా?

'భీష్మ తర్వాత నితిన్ కు ఒక్క హిట్ లేదు. ఈ మూవీ తర్వాత నటించిన రంగ్ దే, మ్యాస్ట్రో, మాచర్ల నియోజకవర్గం, ఎక్స్ ట్రా ఆర్డినరీ మ్యాన్ సినిమాలు వరుసగా ప్లాప్ అయ్యాయి.

ఈసారి ఎలాగైనా హిట్ కొట్టాలని డిసెంబర్ 20వ తేదీన రాబిన్ హుడ్ అనే సినిమాతో ప్రేక్షకుల ముందుకు రాబోతున్నారు.

నాగ చైతన్య కూడా బ్యాక్ టూ బ్యాక్ ప్లాప్స్ తో ఉన్నాడు. గత రెండేళ్లలో ఈ హీరో నటించిన థ్యాంక్యూ, కస్టడీ సినిమాలు అట్టర్ ప్లాప్ అయ్యాయి. ఈసారి 'తండేల్' సినిమాతో ప్రేక్షకుల ముందుకు రాబోతున్నారు.

కార్తికేయ 2 సినిమాతో పాన్ ఇండియా విజయాన్ని సొంతం చేసుకున్న చందు మొండేటి ఈ సినిమాకు దర్శకత్వం వహిస్తూ ఉండడంతో అంచనాలు కూడా భారీగానే పెరిగిపోయాయి. మరి ఈ సినిమా నాగచైతన్యకు ఎలాంటి విజయాన్ని అందిస్తుందో చూడాలి.

మంచు విష్ణు గురించైతే అసలు చెప్పనవసరమే లేదు. కొన్నేళ్లుగా ఈ హీరోకు ఒక్క హిట్ లేదు. చేస్తున్న సినిమాలన్ని వరుసగా ప్లాప్ అవుతున్నాయి.

అందుకే ఈసారి 'కన్నప్ప' సినిమాతో సక్సెస్ అవ్వాలని ప్రయత్నం చేస్తున్నారు.. అందులో భాగంగానే చాలామంది క్రేజీ స్టార్స్ ను ఇందులో భాగం చేశారు. పాన్ ఇండియా లెవెల్ లో ఈ మూవీ రిలీజ్ కానుంది. ఈ సినిమాతో అయినా మంచు వారసుడికి హిట్ దక్కుతుందేమో చూడాలి.