Cheen Tapak Dum Dum: విభిన్న పాత్రలో దువ్వాడ మాధురి.. ‘చీన్ టపాక్ డుం డుం’లో సర్‌ప్రైజ్ రోల్!

Cheen Tapak Dum Dum: ‘చీన్ టపాక్ డుం డుం’ అనే ఆసక్తికరమైన టైటిల్‌తో ఒక కొత్త తెలుగు సినిమా ప్రారంభమైంది. ‘శుభం’ సినిమా, ‘కుమారి శ్రీమతి’ వంటి అమెజాన్ ప్రైమ్ సిరీస్‌ల ద్వారా గుర్తింపు తెచ్చుకున్న గవిరెడ్డి శ్రీనివాస్ ఈ సినిమాలో హీరోగా నటిస్తున్నారు. ఈ సినిమా పూర్తిగా కామెడీ ఎంటర్టైనర్‌గా రూపొందుతోంది.

ఈ చిత్ర ప్రారంభ కార్యక్రమం ఎంతో ఘనంగా జరిగింది. పలువురు సినీ ప్రముఖులు ఈ వేడుకకు హాజరై చిత్ర బృందానికి శుభాకాంక్షలు తెలిపారు. ముహూర్తపు షాట్‌కు ప్రముఖ హీరోయిన్ సమంత క్లాప్ కొట్టారు. దర్శకుడు గోపిచంద్ మలినేని మొదటి షాట్‌ను డైరెక్ట్ చేశారు. మల్లిడి వశిష్ట కెమెరా ఆన్ చేశారు. నందిని రెడ్డి, బీవీఎస్ రవి, గౌతమి కలిసి స్క్రిప్ట్‌ను అందించి సినిమా ప్రారంభించారు.

ఈ చిత్రాన్ని శ్రీను నాగులపల్లి నిర్మిస్తున్నారు. ఆయన ‘విలేజ్ టాకీస్’ బ్యానర్‌పై ఈ సినిమాను నిర్మిస్తున్నారు. ఇది ఆయన నిర్మిస్తున్న మొదటి సినిమా కావడం విశేషం.

ఈ సినిమాకు వై.ఎన్ లోహిత్ దర్శకత్వం వహిస్తున్నారు. హీరోయిన్‌గా బ్రిగిడా సాగా నటిస్తున్నారు. అలాగే ఈ సినిమాలో దువ్వాడ మాధురీ(Duvvada Madhuri) కూడా ఓ విభిన్నమైన పాత్రలో కనిపించనున్నారు.

టెక్నికల్ టీమ్ కూడా బలంగా ఉంది. ఆర్ట్ డైరెక్టర్‌గా ఏ.ఎస్. ప్రకాష్ పని చేస్తున్నారు. సినిమాటోగ్రఫీ బాధ్యతలను సెంథిల్ కుమార్ తీసుకున్నారు. పీఆర్ మ్యూజిక్ సంగీతం అందిస్తున్నారు. పాటలను తిరుపతి జావానా రాస్తున్నారు. ఈ చిత్ర కథ, స్క్రీన్‌ప్లేలను దివ్య తేజస్వి, విక్రమ్ కుమార్ కె, నాగ్ ట్రైల్‌బ్లేజర్, ఏకలవ్య కలిసి రూపొందించారు.

ఇప్పటికే ఈ సినిమా షూటింగ్ నర్సీపట్నం, హైదరాబాద్ పరిసర ప్రాంతాల్లో వేగంగా జరుగుతోంది. చిత్ర బృందం ఈ సినిమాను ఆగస్టు నెలలో విడుదల చేయాలని ప్లాన్ చేస్తోంది. వినోదం ఎక్కువగా ఉండే ఈ సినిమా ప్రేక్షకులను ఆకట్టుకుంటుందని చిత్ర యూనిట్ నమ్మకం వ్యక్తం చేస్తోంది.