Darling 4k Trailer: రెబల్ ఫ్యాన్స్ కు సమ్మర్ ట్రీట్ వచ్చేసింది.. డార్లింగ్ రీ రిలీజ్ ట్రైలర్ ఇదిగో!

Darling 4k Trailer: రెబల్ స్టార్ ప్రభాస్ Prabhas నటించిన రాజా సాబ్ The Raja Saab సినిమా సంక్రాంతికి విడుదలై అభిమానులను నిరాశపరిచింది. ఈ సినిమాతో దర్శకుడు మారుతీ Maruthi ప్రభాస్‌ను సరిగ్గా చూపించలేకపోయాడని చాలా మంది అభిప్రాయం వ్యక్తం చేశారు. సినిమా కథ కూడా ప్రేక్షకులను ఎక్కువగా ఆకట్టుకోలేకపోయింది.

అయితే సంక్రాంతి సమయంలో నిరాశ చెందిన అభిమానులకు ఈ సమ్మర్‌లో మంచి ట్రీట్ ఇవ్వడానికి ప్రభాస్ రెడీ అయ్యారు. ప్రస్తుతం ఆయన కొత్త సినిమా రిలీజ్ కాకపోయినా, ఒక ప్రత్యేక ప్లాన్‌తో ప్రేక్షకుల ముందుకు రాబోతున్నారు.

ప్రెసెంట్ సినిమా ఇండస్ట్రీలో రీ రిలీజ్ ట్రెండ్ బాగా పెరిగింది. పాత హిట్ సినిమాలను మళ్లీ థియేటర్లలో విడుదల చేస్తూ ప్రేక్షకులను ఆకట్టుకుంటున్నారు. హీరోల పుట్టినరోజులు లేదా ప్రత్యేక సందర్భాల్లో ఈ సినిమాలను 4K వెర్షన్‌లో తీసుకొస్తున్నారు. ఈ ట్రెండ్ మంచి రెస్పాన్స్ పొందుతోంది.

ఈ నేపథ్యంలో ప్రభాస్ నటించిన సూపర్ హిట్ ప్రేమ కథా చిత్రం డార్లింగ్ Darling ను మళ్లీ థియేటర్లలో విడుదల చేయబోతున్నారు. ఈ సినిమా ఏప్రిల్ 23, 2026న 4K వెర్షన్‌లో రీ రిలీజ్ కానుంది.

ఇప్పటికే ఈ రీ రిలీజ్‌కు సంబంధించిన ట్రైలర్‌ను విడుదల చేశారు. ఈ ట్రైలర్ సోషల్ మీడియాలో వైరల్ అవుతోంది. ట్రైలర్ చూసి అభిమానులు ఫుల్  ఖుషి అయిపోతున్నారు. సంక్రాంతికి ఇవ్వాల్సిన ఆనందాన్ని ఇప్పుడు ఇస్తున్నారని కామెంట్లు చేస్తున్నారు.

‘డార్లింగ్’ సినిమాలో ప్రభాస్‌కు జంటగా కాజల్ అగర్వాల్ Kajal Aggarwal నటించారు. ఈ చిత్రాన్ని దర్శకుడు ఎ కరుణాకరన్ A Karunakaran తెరకెక్కించారు. సంగీతాన్ని G V ప్రకాష్ కుమార్ G V Prakash Kumar అందించారు.

ఈ సినిమా 2010లో విడుదలై మంచి విజయం సాధించింది. ప్రేమ, కామెడీ, ఎమోషన్స్ తో కూడిన కథతో ప్రేక్షకులను ఆకట్టుకుంది. ఇందులో ప్రభాస్ పాత్ర సాదాసీదా యువకుడిలా ఉండటం ప్రేక్షకులకు బాగా నచ్చింది.

ఇప్పుడు ప్రభాస్ పాన్ ఇండియా స్టార్‌గా మారిన తర్వాత, ఈ సినిమా మళ్లీ విడుదల అవుతుండటంతో అభిమానుల్లో ఆసక్తి మరింత పెరిగింది. పాత జ్ఞాపకాలను గుర్తు చేస్తూ, కొత్త ప్రేక్షకులకు కూడా ఈ ప్రేమ కథను చూపించాలనే ఉద్దేశంతో ఈ రీ రిలీజ్ చేస్తున్నారు.

మొత్తానికి ‘డార్లింగ్’ రీ రిలీజ్ ఈ సమ్మర్‌లో ప్రభాస్ అభిమానులకు ఒక మంచి గిఫ్ట్‌గా మారనుంది.