రిలీజైన భోళాశంకర్ సెకండ్ సింగిల్‌, మెగాస్టార్ డ్యాన్స్‌ అదుర్స్‌..!

వేదాళం సినిమా భోళా శంకరుడిగా టాలీవుడ్‌లోకి రీమేక్‌

ఎనిమిదేళ్ల క్రితం తమిళంలో బంపర్‌ హిట్ కొట్టిన వేదాళం సినిమాను మెగాస్టార్ చిరంజీవి భోళా శంకరుడిగా టాలీవుడ్‌లోకి రీమేక్‌ చేస్తున్నాడు. వాల్తేరు వీరయ్య వంటి మాస్సీవ్ కంబ్యాక్ తర్వాత చిరు ఈ రీమేక్‌తో ఆడియెన్స్‌ ముందుకు రావడానికి రెడీ అయిపోయాడు. ఇప్పటికే రిలీజైన ఇమేజెస్, పాటలు మంచి ఊపుతో హైప్‌నే తీసుకొచ్చాయి. మెహర్ రమేష్ దర్శకత్వం వహిస్తున్న ఈ సినిమా ఇటీవలే షూటింగ్‌ పూర్తి చేసుకుంది. ప్రస్తుతం ప్యాచ్‌ వర్క్‌లలో పుల్‌ బిజీగా ఉంది. ఈ సినిమాపై మెగా అభిమానులు ఎంతో ఆసక్తితో ఎదురు చూస్తున్నారు. దానికి తోడు ఇటివలే రిలీజైన టీజర్‌ మెగా అభిమానులను మాత్రం ఉర్రూతలూగిస్తోంది.

మేకర్స్‌ బ్యాక్‌ టు బ్యాక్‌ అప్‌డేట్లతో రచ్చ

మరో నెల రోజుల్లో విడుదల కాబోతున్న ఈ సినిమాపై జనాల్లో ఇంట్రెస్ట్‌ క్రియేట్‌ చేసేందుకు మేకర్స్‌ బ్యాక్‌ టు బ్యాక్‌ అప్‌డేట్లను అనౌన్స్‌ చేస్తున్నారు. తాజాగా మేకర్స్‌ ఈ సినిమా సెకండ్ సింగిల్‌ను రిలీజ్‌ చేశారు. జామ్‌ జామ్‌ జజ్జనక అంటూ సాగే ఈ సెలబ్రేషన్‌ సాంగ్‌ ఊర్రూతలూగిస్తుంది. మహతి స్వరసాగర్‌ స్వరపరిచిన ఈ క్యాచీ ట్యూన్‌కు అనురాగ్ కులకర్ణి, మంగ్లీ పాడిన వోకల్స్‌ రచ్చరచ్చ చేస్తున్నాయి. అంతే క్యాచీగా కాసర్ల శ్యామ్‌ సాహిత్యం అందించాడు. పాట చాలా కలర్‌ఫుల్‌గా, గ్రాండియర్‌గా కనిపిస్తుంది. ముఖ్యంగా పాట మధ్యలో నర్సపెల్లి అనే ప్రైవేట్‌ సాంగ్‌ బిట్‌ అదిరిపోయింది. శేఖర్‌ మాస్టర్‌ కొరియోగ్రఫి కొత్తగా చాలా స్టైలిష్‌గా ఉంది.

సోషల్‌ మీడియాలోనూ వైరల్‌

సోషల్‌ మీడియాలోనూ ఈ పాట రీల్స్, షార్ట్స్‌ల రూపంలో ఊపేస్తుంది. అదే విధంగా ఈ సెలబ్రేషన్‌ సాంగ్‌ కూడా ఊపేస్తుంది. యాక్షన్‌ ఎంటర్‌టైనర్‌గా తెరకెక్కిన ఈ సినిమాలో కీర్తి సురేష్‌ చిరుకు చెల్లెలిగా కనిపించనుంది. తమన్నా చిరుకు జంటగా నటించింది. ఏకే ఎంటర్‌టైనమెంట్స్ బ్యానర్‌పై అనీల్‌ సుంకర ఈ సినిమాను నిర్మిస్తున్నాడు. సుశాంత్‌ కీలక పాత్రలో నటిస్తున్న ఈ సినిమాకు మహతి స్వరసాగర్‌ స్వరాలు సమకూర్చుతున్నాడు. మరి చిరు మేనియా ఈ మూవీలో ఎలా ఉండబోతోందో తెలియాలంటే మరికొన్ని రోజులు వెయిట్ చేయకతప్పదు.