ChatGPT: చాట్‌జీపీటీ సృష్టికర్తపై వేటు.. కంపెనీ సీఈఓగా తొలగింపు.. కారణం ఇదే..

ఓపెన్‌ ఏఐ కంపెనీ సీఈఓ, చాట్‌జీపీటీ సృష్టికర్తల్లో ఒకరైన 'శామ్‌ అల్ట్‌మాన్‌'ను.. ఆ కంపెనీ బోర్డు సభ్యులు సీఈఓ పదవి నుంచి తొలగించారు. సరైన సమాచారం పంచుకోవడం లేదనే కారణంతోనే బోర్డు సభ్యులు ఆయన్ని తొలగించినట్లు ఓపెన్‌ఏఐ కంపెనీ తెలిపింది.

author-image
By B Aravind in ఇంటర్నేషనల్ Latest News In Telugu
New Update
ChatGPT: చాట్‌జీపీటీ సృష్టికర్తపై వేటు.. కంపెనీ సీఈఓగా తొలగింపు.. కారణం ఇదే..

గత ఏడాది ఓపెన్‌ఏఐ సంస్థ చాట్‌జీపీటీని ప్రారంభించిన సంగతి తెలిసిందే. ఇది లాంచ్‌ అయిన కొద్దిరోజులకే సంచలనం సృష్టించింది. ప్రపంచవ్యాప్తంగా కోట్లాదిమంది చాట్‌జీపీటీ యూజర్లుగా మారిపోయారు. ఇది భవిష్యత్తులో గూగుల్‌ను బీట్‌ చేస్తుందంటూ అప్పట్లో వచ్చిన వార్తలు ప్రపంచవ్యాప్తంగా చర్చనీయాంశమయ్యాయి. అయితే ప్రసుతం ఈ ఓపెన్‌ఏఐ కంపెనీలో ఓ ఊహించని పరిణామం చోటుచేసుకుంది. ఆ కంపెనీ సీఈఓ, చాట్‌జీపీటీ సృష్టికర్తల్లో ఒకరైన 'శామ్‌ అల్ట్‌మాన్‌'ను తొలగించేశారు. ఓపెన్‌ఏఐ బోర్టు సభ్యులైన.. చీఫ్‌ సైంటిస్ట్ ఇల్యా సుట్కేవర్, కోరా సీఈఓ డీ అంజెలో సహా తదితరులు.. శామ్‌ అల్ట్‌మాన్‌ను సీఈఓ నుంచి తప్పించారు. అయితే శామ్‌ అల్డ్‌మాన్ బోర్టు సభ్యులతో నిజాయతీ పాటించడం లేదని, సరైన సమాచారం పంచుకోవడం లేదని.. ఈ కంపెనీని నడిపే సామార్థ్యం అతనికి లేదని బోర్టు సభ్యులు నిర్ణయించారని అందుకే ఆయన్ని ఆ పదవి నుంచి తొలగించారని ఓపెన్‌ఏఐ సంస్థ అధికారికంగా ప్రకటించింది.

అయితే ఓపెన్‌ఏఐ తనను సీఈఓ పదవి నుంచి తొలగించడంపై శామ్‌ అల్ట్‌మాన్ ఎక్స్‌(ట్విట్టర్‌) లో స్పందించారు. 'ఓపెన్‌ఏఐ కంపెనీలో పనిచేసిన సమయాన్ని ఇష్టపడ్డానని.. ప్రతిభావంతులైన వ్యక్తుల మధ్య ఇష్టంతో పనిచేశానని శామ్ అన్నారు. ఇదిలా ఉండగా.. 2015లో ఓ నాన్‌ప్రాఫిట్‌ రీసెర్చ్ లాబోరేటరీగా ఓపెన్‌ఏఐ సంస్థ ప్రారంభమైంది. ఈ కంపెనీని అభివృద్ధి చేసేందుకు శామ్‌ అల్ట్‌మాన్ తనవంతు కృషి చేశారు. ఆ తర్వాత 2020లో ఆ కంపెనీకి సీఈఓగా బాధ్యతలు తీసుకున్నారు. గత ఏడాది చాట్‌జీపీటీ లాంచ్‌ అయినప్పుడు ఈయన పేరు ప్రపంచవ్యాప్తంగా మారిమోగిపోయింది. మరోవైపు శామ్‌ ఆల్ట్‌మాన్‌ను సీఈఓ నుంచి తొలగించాక.. ఈ కంపెనీ కో ఫౌండర్ అయిన గ్రెగ్‌ బ్రాక్‌మన్‌ కూడా ఆ కంపెనీకి రాజీనామా చేశారు.

Also Read: ఎక్స్‌లో ఎలాన్ మస్క్‌ కామెంట్‌ ఎఫెక్ట్‌.. దెబ్బకు ఆగిపోయిన యాడ్స్‌..

ఎనిమిదేళ్ల క్రితం నా అపార్ట్‌మెంట్‌లో కంపెనీని ప్రారంభించినప్పటి నుంచి అందరం కలిసికట్టుగా పనిచేసి పెద్ద సామ్రాజ్యాన్ని సృష్టించామని.. ఇది గర్వించదగ్గ విషయమంటూ ట్వీట్‌ చేశారు. ఈ రోజు వచ్చిన వార్తలు నన్ను ఎంతో కలచివేశాయని అందుకే తాను కూడా రాజీనామ చేస్తున్నట్లు ప్రకటించారు. మానవాళికి ప్రయోజనాలను అందించే సురక్షతమైన AGIని సృష్టించే లక్ష్యాన్ని తాను నమ్ముతూనే ఉంటానని రాసుకొచ్చారు. ప్రస్తుతం ఈ ట్వీట్‌ వైరల్ అవుతోంది.

#openai #openai-ceo #ai-chatgpt #chatgpt
Advertisment
సంబంధిత కథనాలు
Advertisment
Advertisment
తదుపరి కథనాన్ని చదవండి

మోదీకి సౌదీ పర్యటనలో ఫైటర్ జెట్ల ఎస్కార్ట్.. 6 విమానాలతో స్వాగతం (VIDEO)

సౌదీ అరేబియా పర్యటనకు బయలుదేరిన ప్రధాని మోదీకి రాయల్‌ సౌదీ ఎయిర్‌ఫోర్స్‌‌ గగనతలంలో ఎస్కార్ట్ ఏర్పాటు చేసింది. మోదీ విమానం ఆ దేశంలోకి వెళ్లగానే 6ఫైటర్ జెట్లతో ఎస్కార్ట్‌గా వచ్చాయి. 2వ స్ట్రాట‌జిక్ పార్ట్నర్‌షిప్ కౌన్సిల్ స‌మావేశానికి ఆయన అక్కడికి వెళ్లారు.

author-image
By K Mohan in ఇంటర్నేషనల్ నేషనల్
New Update
Saudi Arabia visit

ప్రధాన మంత్రి నరేంద్ర మోదీ సౌదీ అరేబియా పర్యటనకు వెళ్లిన విషయం తెలిసిందే. 2 రోజుల పాటు ఆయన సౌదీలో పర్యటించనున్నారు. ఇందులో భాగంగా మంగళవారం ఢిల్లీ నుంచి ప్రత్యేక విమానంలో సౌదీ బయల్దేరి వెళ్లారు. ప్రధానికి సౌదీ ప్రభుత్వం ప్రత్యేకంగా స్వాగతం పలికింది. మోదీ ప్రయాణిస్తోన్న విమానం ఆ దేశ గగనతలంలోకి ప్రవేశించగానే రాయల్‌ సౌదీ ఎయిర్‌ఫోర్స్‌‌కు చెందిన ఎఫ్‌-15 విమానాలు దానిని ఎస్కార్ట్‌గా వచ్చాయి. మోదీ ప్రయాణిస్తు్న్న విమానానికి ఇరువైపులా మూడేసి చొప్పున 6 జెట్ ఫైటర్లు ఎస్కార్ట్‌గా నిలిచి స్వాగతం పలికాయి. ఇందుకు సంబంధించిన వీడియోలు ప్రస్తుతం వైరల్‌ అవుతున్నాయి.

Also read: New Pope: కొత్త పోప్ ఎన్నికలో కీలకంగా నలుగురు ఇండియన్ కార్డినల్స్

సౌదీకి బ‌య‌లుదేరి వెళ్లడానికి ముందు ప్రధాని ఓ ట్వీట్ చేశారు. ఇటీవ‌ల 2 దేశాల మ‌ధ్య బంధం మ‌రింత దృఢ‌మైంద‌న్నారు. ర‌క్షణ‌, వాణిజ్య, పెట్టుబ‌డి, ఎనర్జీ రంగాల్లో స‌హ‌కారం పెరిగింద‌న్నారు. ప్రాంతీయంగా శాంతి, సామ‌ర‌స్యం, స్థిర‌త్వం పెంచేందుకు ఇండియా, సౌదీ దేశాలు క‌ట్టుబ‌డి ఉన్నట్లు తెలిపారు.

Also read: BIG BREAKING: గుజరాత్‌లో కూప్పకూలిపోయిన విమానం.. భారీ పేలుడు

ప్రధాని హోదాలో మోదీ సౌదీ వెళ్లడం ఇది మూడోసారి అయినా.. జెడ్డాకు వెళ్లడం ఇదే మొద‌టిసారి. రెండ‌వ స్ట్రాట‌జిక్ పార్ట్నర్‌షిప్ కౌన్సిల్ స‌మావేశంలో ఆయ‌న పాల్గొనున్నారు. ప్రధాని తన పర్యటనలో జెడ్డాలో ఆ దేశంతో 6 ఒప్పందాలు కుదుర్చుకోనున్నారు. సౌదీ ఆరేబియా చ‌క్రవ‌ర్తి మ‌హ‌మ్మద్ బిన్ స‌ల్మాన్ అల్ సౌద్‌తో జ‌రిగే చ‌ర్చల్లో భార‌తీయ యాత్రికుల‌కు చెందిన హ‌జ్ కోటా గురించి మాట్లాడ‌నున్నారు.

(saudi-arabia | modi-visit | Air escort)

#Air escort #modi-visit #saudi-arabia
Advertisment
Advertisment
Advertisment