Magnetogenetics Technology: నిజమే! ఈ సాంకేతికత మానవ మెదడును నియంత్రిస్తుంది?

Magnetogenetics Technology: ఎన్నో సంవత్సరాలుగా, శాస్త్రవేత్తలు మానవ మెదడును అర్థం చేసుకోవడానికి, నియంత్రించడానికి అనేక పరీక్షలు నిర్వహించారు. అయితే ఇప్పటి వరకు శాస్త్రవేత్తలకు ఈ విషయంలో విజయం దక్కలేదు. బరువైన యంత్రాలతో మనుషులకు పరీక్షలు ఎలా నిర్వహిస్తారో, మెదడు పనితీరు ఎలా ఉంటుందో మీరు సినిమాల్లో చూసి ఉంటారు. ప్రస్తుతం, శాస్త్రవేత్తలు కొన్ని దశాబ్దాల తర్వాత కొత్త సాంకేతికతను(Magnetogenetics Technology) అభివృద్ధి చేశారు. ఇందులో, శాస్త్రవేత్తలు మానవ మెదడును అర్థం చేసుకోవడానికి అయస్కాంతాలను ఉపయోగిస్తున్నారు. ఇంతకు ముందు విద్యుత్తు వాడేవారు.

ఈ సాంకేతికత మానవ మనస్సును నియంత్రించగలదా?

ఈ సాంకేతికతకు ముందు, శాస్త్రవేత్తలు అనేక ప్రాజెక్టులలో పనిచేశారు. కానీ ఆ ప్రణాళికలు విఫలమయ్యాయి కొన్ని ప్రణాళికలు శాస్త్రవేత్తల ఆశించిన ఫలితాలను ఇవ్వలేదు. ఈ సాంకేతికతతో ప్రస్తుతానికి శాస్త్రవేత్తలు జంతువుల మనస్సులను నియంత్రిస్తున్నారని కూడా చెబుతున్నారు. కానీ అది మనుషులను ప్రభావితం చేయదు.

Also Read: హైదరాబాద్‌ అభివృద్ధికి రూ.10 వేల కోట్లు

ఈ మాగ్నెటోజెనెటిక్స్ టెక్నాలజీ ఎలా పని చేస్తుంది?

శాస్త్రవేత్తల ప్రకారం, ఈ సాంకేతికత మెదడులోని మాగ్నెటిక్ నానోపార్టికల్స్ దగ్గరి పరిధి అయస్కాంత క్షేత్రాలపై ఆధారపడి ఉంటుంది. ఈ కొత్త టెక్నాలజీ పని చేసే విధానం ఇతర టెక్నాలజీల కంటే ప్రత్యేకంగా ఉంటుంది. ఇది అయస్కాంత నానోపార్టికల్‌తో పాటు పియెజో (గ్రీక్ ప్రెజర్) అనే మెకానోసెన్సిటివ్ ప్రోటీన్‌ను కలిగి ఉంటుంది. ఈ నానోపార్టికల్ పరిమాణం 200 నానోమీటర్లు అంటే 0.0002 మిల్లీమీటర్లు. తిరిగే అయస్కాంత క్షేత్రం అయస్కాంత నానోపార్టికల్ కదలికను చేసినప్పుడు ఇది టార్క్‌ను ఉత్పత్తి చేస్తుంది.
ఎలుకలపై ఈ సాంకేతికతను ఉపయోగించగా, శాస్త్రవేత్తలు కోరుకున్నంత మేరకు మాత్రమే ఎలుకలు ఆహరం తింటున్నట్లు తేలింది. ఈ సాంకేతికత సహాయంతో, నాడీ సంబంధిత రుగ్మతలకు కొత్త చికిత్సలను కూడా అభివృద్ధి చేయవచ్చు.