Big Boss Shanmukh Arrest: అరే ఏంట్రా ఇదీ.. మళ్ళీనా! డ్రగ్స్ కేసులో షణ్ముఖ్ అరెస్ట్!

Shanmukh Jaswanth Arrest: ఒక కేసు కోసం వెళితే మరో కేసు దొరికింది పోలీసులకు. అన్నకోసం ఎంక్వయిరీకి వెళితే.. తమ్ముడు డ్రగ్స్ తో దొరికాడు. అవును.. బిగ్ బాస్ ఫేమ్ షణ్ముఖ్ జాస్వంత్ రెడ్ హ్యాండెడ్ గా పోలీసులకు దొరికిపోయాడు. డ్రగ్స్ తో సోదరుడి ఇంట్లో షణ్ముఖ్ ను పోలీసులు పట్టుకున్నారు. నిజానికి బిగ్ బాస్ ఫేమ్ షణ్ముఖ్ జస్వంత్ అన్న సంపత్ వినయ్ పై పోలీసులకు ఫిర్యాదు అందింది. సంపత్ ఒక అమ్మాయిని ప్రేమ పేరుతొ మోసం చేసినట్టు కంప్లైంట్ వచ్చింది పోలీసులకు. ఒకరిని ప్రేమించి మోసం చేసి మరొక అమ్మాయితో పెళ్ళికి రెడీ అయ్యాడు సంపత్. మరో వారం రోజుల్లో సంపత్ పెళ్లి జరగనుంది. ఈ నేపథ్యంలో సంపత్ మోసం చేసిన యువతి పోలీసులను ఆశ్రయించింది. దీంతో పోలీసులు విచారణ కోసం సంపత్ ఫ్లాట్ కు వెళ్లారు. అయితే, అక్కడ వారికీ డ్రగ్స్ తో షణ్ముఖ్ పట్టుబడ్డాడు. దీంతో  షణ్ముక్‌ జస్వంత్‌, అతని అన్న సంపత్‌ను పోలీసులు అరెస్ట్‌ చేశారు.

పోలీసుల అదుపులో షణ్ముఖ్

నార్సింగ్ పోలీసులు తెలిపిన వివరాల ప్రకారం  తొమ్మిదేళ్లుగా  డాక్టర్ మౌనిక ప్రేమాయణం నడుపుతున్న షణ్ముఖ్ అన్న సంపత్. మౌనికను పెళ్లి చేసుకుంటాను అని చెప్పి మొహం చాటేశాడు. మరో యువతితో పెళ్ళికి సిద్ధపడ్డాడు. దీంతో మౌనిక నార్సింగ్ పోలీసులను ఆశ్రయించింది. దీంతో మౌనికను వెంటపెట్టుకుని విచారణ కోసం సంపత్ ఫ్లాట్ కి వెళ్లిన పోలీసులకు అక్కడ దిమ్మ తిరిగే షాక్ తగిలింది. అక్కడ గంజాయి కొడుతూ పోలీసులకు రెడ్ హ్యాండెడ్ గా దొరికిన షణ్ముఖ్. ఈ సమయంలో వీడియో తీస్తున్న మౌనికను అడ్డుకున్న షణ్ముఖ్. పోలీసులు జోక్యం చేసుకుని అన్నదమ్ములిద్దరినీ అరెస్ట్ చేసి స్టేషన్ కు తరలించారు.

పోలీసులకు షణ్ముఖ్ ఇలా చిక్కడం రెండోసారి కావడం గమనార్హం. గతంలోనూ డ్రంక్ అండ్ డ్రైవ్ లో షణ్ముఖ్ పోలీసులకు దొరికాడు. అప్పుడు కూడా షణ్ముఖ్ తాగి కారు నడుపుతూ ప్రమాదం చేయడంతో అనుకోకుండా పోలీసులకు చిక్కాడు. అప్పుడు అరెస్ట్ అయిన షణ్ముఖ్ కు పోలీసులు కౌన్సిలింగ్ ఇవ్వడం జరిగింది. మళ్ళీ ఇప్పుడు కూడా అనుకోకుండా.. పోలీసులకు గంజాయి తాగుతూ చిక్కాడు షణ్ముఖ్.