Bharat Ratna Award : రెండు సార్లు సీఎం..అతి సాధారణ జీవితం..కర్పూరి ఠాకూర్ గురించి ఆసక్తికర విషయాలు..!!

Bihar CM : బీహార్ మాజీ సీఎం కర్పూరీ ఠాకూర్‌(Former CM Karpoori Thakur) కు మరణానంతరం 'భారతరత్న'(Bharat Ratna) ఇవ్వనున్నట్లు కేంద్రంలోని మోదీ సర్కార్(Modi Government) మంగళవారం ప్రకటించింది. వెనుకబడిన సమాజం నుండి వచ్చిన కర్పూరి ఠాకూర్ తన జీవితమంతా అణగారిన వర్గాల కోసం పోరాడారు. సాదాసీదా జీవితాన్ని గడిపిన గొప్ప సోషలిస్టు నాయకుడు. రెండుసార్లు బీహార్ ముఖ్యమంత్రి కూడా అయ్యారు.కర్పూరి ఠాకూర్ గురించి బీహార్‌(Bihar) లో చాలా మంది చాలా కథలు చెబుతుంటారు. వాటిలో ఒకటి అతను బీహార్ సీఎంగా ఉన్నప్పుడు, అతను తన కుమార్తె వివాహానికి ఏ ఒక్క మంత్రివర్గ సభ్యుడిని కూడా పిలవలేదట. తన గ్రామంలో అత్యంత సాదాసీదాగా తన కుమార్తెను వివాహం చేశాడు. ఆ రోజు ప్రభుత్వ ప్రధాన కార్యదర్శి అనుమతి లేకుండా దర్భంగా, సమీప ప్రాంతాలలోని ఏ విమానాశ్రయంలోనూ రాష్ట్ర ప్రభుత్వ విమానాలు దిగరాదని ఆయన ఆదేశాలు జారీ చేశారు.

ఆఖరి క్షణంలో పెళ్లి(Marriage) విషయం తెలిసి మంత్రులు అక్కడికి చేరుకోలేరేమోనని భయపడి అలా ఆర్డర్ ఇచ్చాడు. ఆ సమయంలో ముఖ్యమంత్రిగా ఉన్న కర్పూరి ఠాకూర్ తన కుమార్తె వివాహం దేవఘర్ ఆలయంలో జరగాలని భావించారు. అయితే కర్పూరి భార్య పట్టుబట్టడంతో గ్రామంలో వివాహం జరిగింది.సాధారణంగా ముఖ్యమంత్రి కుమార్తె వివాహం అంటే ఆ సందడి గురించి ప్రత్యేకించి చెప్పక్కర్లేదు. కానీ రెండు సార్లు ముఖ్యమంత్రి అయినా కూడా ఒక సాధారణ వివాహం జరిపించాడు. ఇది ఠాకూర్ గురించి ఒక చిన్న కథ మాత్రమే. ఇలాంటివి కథలు ఎన్నో ఉన్నాయి. ఎందరికీ ఆదర్శప్రాయులుగా నిలిచారు. అలాంటి మహానేత కర్పూరీ ఠాకూర్‌ కు మరణానంతరం 'భారతరత్న'తో సత్కరించనున్నట్లు రాష్ట్రపతి భవన్ మంగళవారం ప్రకటించింది. 'జననాయక్'(Jana Naik) గా ప్రసిద్ధి చెందిన ఠాకూర్ డిసెంబర్ 1970 నుండి జూన్ 1971 వరకు, డిసెంబర్ 1977 నుండి ఏప్రిల్ 1979 వరకు బీహార్ ముఖ్యమంత్రిగా ఉన్నారు. అతను ఫిబ్రవరి 17, 1988 న మరణించాడు.

Also Read : టీడీపీ లోకి వైసీపీ ఎమ్మెల్యే శిల్పా చక్రపాణిరెడ్డి?

బీహార్ సీఎం నితీశ్ కుమార్ సంతోషం వ్యక్తం చేశారు:
కర్పూరీ ఠాకూర్‌కు దేశ అత్యున్నత పురస్కారం భారతరత్న ప్రకటించడంపై బీహార్ ముఖ్యమంత్రి నితీశ్ కుమార్(Nitish Kumar) సంతోషం వ్యక్తం చేశారు. కేంద్ర ప్రభుత్వం తీసుకున్న ఈ నిర్ణయం సరైన నిర్ణయమని అన్నారు. దివంగత కర్పూరీ ఠాకూర్ జీ 100వ జయంతి సందర్భంగా ఆయనకు ఇచ్చే ఈ అత్యున్నత గౌరవం దళితులు, అణగారిన, నిర్లక్ష్యానికి గురైన వర్గాలలో సానుకూల భావాలను సృష్టిస్తుందని సీఎం నితీశ్ అన్నారు. కర్పూరీ ఠాకూర్‌కు భారతరత్న ఇవ్వాలని తాను ఎప్పటి నుంచో డిమాండ్ చేస్తున్నానని ముఖ్యమంత్రి చెప్పారు. జేడీయూ ఏళ్ల నాటి డిమాండ్‌ నెరవేరింది.

స్వాతంత్య్ర ఉద్యమంలో పాల్గొని జైలుకు కూడా వెళ్లారు:
బీహార్‌లోని సమస్తిపూర్ జిల్లాలోని పితౌజియా గ్రామంలో గోకుల్ ఠాకూర్, రామ్‌దులారి దేవి కుటుంబంలో జన్మించారు కర్పూరి ఠాకూర్. విద్యార్థి దశలోనే జాతీయవాద ఆలోచనలతో ప్రభావితమై అఖిల భారత విద్యార్థి సమాఖ్యలో చేరారు. అతను క్విట్ ఇండియా ఉద్యమంలో చేరడానికి తన గ్రాడ్యుయేట్ కాలేజీని విడిచిపెట్టాడు. స్వాతంత్య్ర ఉద్యమంలో పాల్గొన్నందుకు 26 నెలలు జైలు జీవితం గడిపారు.

కర్పూరీ ఠాకూర్ 28 రోజుల పాటు ఆమరణ నిరాహార దీక్ష చేశారు:
బ్రిటిష్ పాలన నుండి దేశం స్వాతంత్ర్యం పొందిన తరువాత, కర్పూరి ఠాకూర్ తన గ్రామంలోని పాఠశాలలో ఉపాధ్యాయునిగా పనిచేశాడు. అతను 1952లో సోషలిస్ట్ పార్టీ అభ్యర్థిగా తాజ్‌పూర్ నియోజకవర్గం నుండి బీహార్ శాసనసభ సభ్యుడు అయ్యాడు. 1960లో కేంద్ర ప్రభుత్వ ఉద్యోగుల సార్వత్రిక సమ్మె సందర్భంగా అరెస్టయ్యాడు. 1970లో టెల్కో కార్మికుల ప్రయోజనాల కోసం 28 రోజుల పాటు ఆమరణ నిరాహార దీక్ష చేశారు.

బీహార్‌లో సంపూర్ణ నిషేధం అమలులోకి వచ్చింది:
కర్పూరీ ఠాకూర్ హిందీ భాషకు మద్దతుదారు. బీహార్ విద్యా మంత్రిగా మెట్రిక్యులేషన్ పాఠ్యాంశాల నుండి ఆంగ్లాన్ని తప్పనిసరి సబ్జెక్ట్‌గా తొలగించారు. అతను 1970లో బీహార్‌లో మొదటి కాంగ్రెసేతర సోషలిస్ట్ ముఖ్యమంత్రి కావడానికి ముందు బీహార్‌కు మంత్రిగా, ఉప ముఖ్యమంత్రిగా పనిచేశాడు. అతను బీహార్‌లో కూడా సంపూర్ణ నిషేధాన్ని అమలు చేశాడు. అతని హయాంలో, బీహార్‌లోని వెనుకబడిన ప్రాంతాలలో అతని పేరు మీద అనేక పాఠశాలలు, కళాశాలలు స్థాపించారు.

ఇది కూడా చదవండి: ఓటాన్ అకౌంట్ లేదా మధ్యంతర బడ్జెట్ అంటే ఏమిటి? వరాల జల్లు ఉండదా?

కాగా కర్పూరీ ఠాకూర్ జైప్రకాష్ నారాయణ్‌కు సన్నిహితుడు. దేశంలో ఎమర్జెన్సీ (1975-77) సమయంలో, అతను, జనతా పార్టీకి చెందిన ఇతర ప్రముఖ నాయకులు సమాజం యొక్క అహింసాత్మక పరివర్తన లక్ష్యంగా సంపూర్ణ విప్లవ ఉద్యమానికి నాయకత్వం వహించారు. బీహార్‌లోని చాలా మంది నాయకులు కర్పూరీ ఠాకూర్‌ను తమ ఆదర్శంగా భావిస్తారు.