US Visa: B1-B2 వీసాల కోసం ఎదురు చూస్తున్నవారికి శుభవార్త

భారతదేశంలోని US విజిటర్ వీసా (US Visa) దరఖాస్తుదారులకు శుభవార్త వచ్చింది. సాధారణ B1 (వ్యాపారం) -  B2 (పర్యాటక) వీసాల కోసం ఎదురుచూస్తున్న వారికి లేదా నాలుగు సంవత్సరాల క్రితం B1- B2 వీసాల గడువు ముగిసిన వారికి ఎంబసీ 2.5 లక్షల వీసాలు ఇవ్వడానికి  ఇంటర్వ్యూ అపాయింట్‌మెంట్‌లను ప్రారంభించింది. US స్టేట్ డిపార్ట్‌మెంట్ వెబ్‌సైట్ ప్రకారం ఢిల్లీలో B1- B2 ఇంటర్వ్యూ అపాయింట్‌మెంట్ పొందడం కోసం ప్రస్తుతం ఉన్న వెయిటింగ్ పిరియడ్  37 రోజులకు తగ్గింది, కేవలం ఒక నెల రోజులలోనే అపాయింట్మెంట్ ఇప్పుడు దొరుకుతుంది. 

ఈ వెయిటింగ్ పీరియడ్(US Visa) గత వారం వరకూ ఢిల్లీలో  542 రోజులు అంటే  దాదాపు 1.5 సంవత్సరాలుగా ఉండేది.  ఢిల్లీ వెయిట్ పీరియడ్‌లో చాలా తగ్గుదల వచ్చింది.  స్టేట్ డిపార్ట్‌మెంట్ వెబ్‌సైట్ కోల్‌కతాలో B1/B2 ఇంటర్వ్యూ వెయిటింగ్ పీరియడ్ 126 రోజులుగా ఉంది. ఇది గత వారం 539 నుంచి తగ్గింది. ముంబై ఇప్పుడు 322 రోజుల వేయిటిగ్ పిరియడ్ వద్ద ఉంది. ఇక్కడ గత వారం 596 ఉండేది. ఇక చెన్నైలో అయితే  526 రోజుల నుంచి 341కి తగ్గింది. హైదరాబాద్‌లో మాత్రం వెయిటింగ్ పిరియడ్ తగ్గలేదు పైగా కొంత మేర పెరిగింది కూడా. గత వారం  506 రోజుల నుంచి ఇప్పుడు 511కి వెయిటింగ్ పిరియడ్ స్వల్పంగా పెరిగింది. 

Also Read: నిజ్జర్‌ హత్య కేసును కావాలనే తారుమారు చేస్తున్నారు.. భారత్‌ రాయబారి సంచలన ఆరోపణలు

“ఇది మా కాన్సులర్ బృందానికి బిజీగా ఉన్న వారాంతం! వారాంతంలో మేము పావు మిలియన్లకు పైగా వలసేతర వీసా అపాయింట్‌మెంట్‌లను ప్రారంభించాము! ఈరోజే https://ustraveldocs.com/in/enలో బుక్ చేసుకోండి. అంటూ US ఎంబసీ(US Visa) ఇటీవల ఒక ట్వీట్ చేసింది. 

గత సంవత్సరం కోవిడ్ పునఃప్రారంభం తర్వాత, భారతదేశంలో (US Visa)వెయిట్ చేసే సమయం దాదాపు మూడు సంవత్సరాల గరిష్ట స్థాయికి చేరుకుంది. US స్టేట్ డిపార్ట్‌మెంట్ వెయిటింగ్ పీరియడ్ అప్పుడు 999 మార్క్‌ను మించనందున దానిని లిమిట్ చేశారు. అయితే,  విదేశాంగ మంత్రి ఎస్ జైశంకర్ అనేక సందర్భాల్లో ఈ అంశాన్ని లేవనెత్తడంతో భారత ప్రభుత్వం చొరవ తీసుకోవడంతో  US రాయబార కార్యాలయం వరుస చర్యలు తీసుకుంది. 

ఇప్పుడు ప్రపంచవ్యాప్తంగా వీసా(US Visa) దరఖాస్తుదారులందరిలో భారతీయులు 10% పైగా ప్రాతినిధ్యం వహిస్తున్నారు. గతేడాది 12 లక్షల మంది భారతీయులు అమెరికాను సందర్శించారు. వీసా ఇంటర్వ్యూలు - స్కై-హై విమాన ఛార్జీల కోసం లాంగ్ వెయిటింగ్ పిరియడ్ ఉన్నప్పటికీ, ఈ వేసవిలో విమానాల్లో USకి వెళ్లిన 5 లక్షల కంటే ఎక్కువ మంది భారతీయులు అక్కడ రెండవ అతిపెద్ద విదేశీ సందర్శకులుగా ఉన్నారు.

B1 - B2 వీసాలు అంటే.. 

తాత్కాలికంగా యూఎస్ వెళ్లాలనుకునే వారికి ఇచ్చే వలసేతర వీసాలు B1, B2 వీసాలు. వ్యాపారం కోసం వెళ్లడం కోసం తీసుకునే వీసాలు B1 కేటగిరీలోకి, టూరిస్టులుగా వెళ్లేవారి కోసం వీసాలు B2 కేటగిరీలోకి వస్తాయి. B1-బీ2 వీసాలు ఈ రెండు ప్రయోజనాల కోసం జారీ చేస్తారు.  B1 లేదా B2 వీసాలు 10 సంవత్సరాల వరకు చెల్లుబాటులో ఉండవచ్చు.  B1 లేదా B2లోని సందర్శకులు US ద్వారా మంజూరు చేసిన స్వల్ప వ్యవధి వరకూ అంటే గరిష్టంగా 6 నెలలు మాత్రమే యునైటెడ్ స్టేట్స్‌లో ఉండటానికి అనుమతిస్తారు. మీరు సెలవు లేదా పని ప్రయోజనాల కోసం తాత్కాలికంగా U.S.ని సందర్శించాలని చూస్తున్నట్లయితే, ఉదాహరణకు, ఒక సమావేశానికి హాజరు కావడం, ఒక స్థలాన్ని సందర్శించడం లేదా బంధువులను చూసిరావడం వంటి వాటి కోసం మీరు B1/B2 వీసా కోసం దరఖాస్తు చేసుకోవచ్చు. అయితే, మీరు మీ స్వదేశంతో సంబంధాలు కలిగి ఉన్నారని మీరు U.S.లో శాశ్వతంగా ఉండిపోవాలని అనుకోవడం లేదనీ చెప్పే రుజువును చూపించాల్సి రావచ్చు.

Watch this interesting Video: