AP Elections 2024: ఎన్నికల వేళ ఏపీలో పారుతున్న నోట్ల కట్టలు

అనంతపురంలో భారీగా నగదు పట్టుకున్నారు పోలీసులు. కారులో రెండు బ్యాగుల్లో నగదును గుర్తించిన పోలీసులు స్వాధీనం చేసుకున్నారు. మొత్తం రూ. రెండు కోట్లకు పైగా నగదు ఉన్నట్లు పోలీసులు గుర్తించినట్లు సమాచారం. ఈ నగదును అనంతపురం నుంచి కదిరికి తరలిస్తున్నట్లు అనుమానం వ్యక్తం చేస్తున్నారు. ఫార్చ్యూనర్‌ వెహికల్‌లో డబ్బు తరలిస్తుండగా పోలీసులు పట్టుకున్నారు. విద్యుత్‌ నగర్‌ సర్కిల్‌ దగ్గర పోలీసుల తనిఖీలు చేస్తుండగా ఈ నగదు పట్టుబడింది. ఎన్నికల వేళ ఇంత పెద్ద మొత్తంలో నగదును పోలీసులు పట్టుకోవడం స్థానికంగా చర్చనీయాంశమైంది.