Proddatur: భార్య వివాహేతర సంబంధం.. భర్త చేసిన పనికి కంగుతిన్న పోలీసులు!

Murder Case: ఏపీలోని ప్రొద్దుటూరులో ఓ వివాహేతర సంబంధం కేసు జనాలను ఉలిక్కిపడేలా చేసింది. మరొక పురుషుడితో భార్య సన్నిహితంగా ఉంటుందనే కోపంతో ఆమెను దారుణంగా హతమార్చి రహస్య ప్రాంతంలో పాతిపెట్టిన భర్త కటకటాలపాలవగా ఘటనకు సంబంధించిన వివరాలు ఇలా ఉన్నాయి. ప్రొద్దుటూరులోని మైలవరంమండలం దోడియంకు చెందిన రేష్మాతో పదేళ్ల క్రితం అమృతనగర్ కు చెందిన అన్వర్ బాషాకు వివాహం జరిగింది. వివాహం అయిన కొన్నాళ్లకు భార్య రేష్మ వివాహేతర సంబంధం పెట్టుకుందని అనుమానంతో పలుమార్లు హెచ్చరించాడు. అయితే రేష్మా తీరు మార్చుకోకుండా అలాగే చేస్తుండటంతో గొడవపెట్టుకున్నాడు బాషా. దీంతో పది రోజుల క్రితం పెన్నా నగర్ లోని పిన్నమ్మ ఇంటికి వెళ్లింది రేష్మా.

అద్దె ఇళ్లు చూడాలంటూ రప్పించి.. 
ఈ క్రమంలోనే ఆ ఇళ్లు ఖాళీ చేసి మరో అద్దె ఇంట్లో ఉందామని, ఇళ్ళు చూడటానికి రావాలని రేష్మకు ఫోన్ చేసి రప్పించుకున్నాడు. మాటలు నమ్మి వెంట వెళ్లిన రేష్మను ఊరి బయట అయ్యప్ప గుడి వెనుక వైపు తీసుకెళ్లి గొంతు నులిమి చంపేశాడు భర్త అన్వర్. అనంతరం ఎవరికీ అనుమానం రాకుండా.. సమీపంలోని అటవీ ప్రాంతంలో పూడ్చి పెట్టి నేరుగా పోలీసులకు లొంగిపోయాడు.  కేసు నమోదు చేసి మృతదేహాన్ని వెలికి తీసి దర్యాప్తు చేపడతామని పోలీసులు వెల్లడించారు.