Subrahmanyaa First Look : సాయి కుమార్ ఫ్యామిలీ నుంచి మరో హీరో.. తండ్రి దర్శకత్వంలో తనయుడి సినిమా

Subrahmanyaa Movie First Look :  సీనియర్ నటుడు, డైలాగ్ కింగ్ సాయి కుమార్ ఫ్యామిలీ నుంచి మరో హీరో ఇండస్ట్రీకి ఎంట్రీ ఇస్తున్నాడు. ఆయన తమ్ముడి కొడుకు హీరోగా 'సుబ్రమణ్య' అనే సినిమా రాబోతుంది. ఈ మూవీకి డైరెక్టర్ కూడా సాయి కుమార్ తమ్ముడే కావడం విశేషం. టాలీవుడ్ లో డబ్బింగ్ ఆర్టిస్ట్, విలన్ రోల్స్ తో నటుడిగా తనకంటూ ప్రత్యేక గుర్తింపు తెచ్చుకున్న పి.రవి శంకర్ ‘సుబ్రహ్మణ్య’అనే సినిమాతో దర్శకుడిగా మారారు.

అంతేకాదు తన కొడుకునే హీరోగా పెట్టి ఈ సినిమాను తెరకెక్కిస్తున్నారు. సోషియో ఫాంటసీ అడ్వెంచర్‌గా రూపుదిద్దుకుంటోన్న ఈ సినిమా నుంచి వినాయక చవితి సందర్భంగా ఫస్ట్ లుక్ పోస్టర్‌ను రిలీజ్ చేశారు. కన్నడ సూపర్ స్టార్ డా.శివ రాజ్‌కుమార్ ఈ ఫస్ట్ లుక్ ను ఆవిష్కరించారు. ఈ పోస్టర్‌లో హీరో అద్వాయ్ భారీ జుట్టు, గడ్డంతో కనపడుతున్నాడు.

Also Read : మీడియాపై ఆలియా భట్ ఫైర్.. వీడియో వైరల్

వెనుక నుంచి దోపిడీదారులు తరుముకు వస్తుంటే వారితో పోరాడే వీరుడి లుక్ తో ఆకట్టుకున్నాడు. ఈ ఫస్ట్ లుక్ కాస్త సినిమాపై ఆసక్తిని పెంచింది. ఎస్‌జీ మూవీ క్రియేషన్స్ బ్యానర్‌పై తిరుమల్ రెడ్డి, అనిల్ కడియాల ఈ సినిమాను నిర్మిస్తున్నారు. తెలుగుతో పాటు కన్నడ, తమిళం, మలయాళం, హిందీలో విడుదల కానున్న ఈ సినిమాకు 'KGF' మూవీ ఫేమ్ రవి బస్రూర్ సంగీతం అందిస్తున్నారు.

View this post on Instagram

A post shared by SG MOVIES (@sg_movies_)