విశాఖ మాజీ ఎంపీ ఎంవీవీ సత్యనారాయణ పై ఇటీవల ఈడీ దాడులు కొత్త చర్చకు దారి తీశాయి. ఈ దాడులు వెనుక ఎవరున్నారు అన్న అంశంపై ఏపీ రాజకీయ వర్గాల్లో జోరుగా చర్చ సాగుతోంది. ఈ దాడులు జరిగిన తర్వాత వివాదాస్పద వ్యాపారవేత్త లింగమనేని రమేష్ అనుచరులు, అనకాపల్లి ఎంపీ సీఎం రమేష్ అనుచరులు ఈ సోదాలు తమ బాస్ పుణ్యమేనని చెప్పుకుంటున్నారు. ఈ ఈడీ దాడుల క్రెడిట్ కోసం ఇద్దరు రమేష్‌ లు పోటీ పడుతుండడం చర్చనీయాంశంగా మారింది. ఈ నేపథ్యంలో ఈ దాడుల వెనుక ఎవరు ఉన్నారు? ఎవరిప్రోద్బలంతో ఈ రైడ్స్ జరిగాయి? అన్న అంశంపై పొలిటికల్ సర్కిల్స్ లో జోరుగా చర్చ సాగుతోంది. దీంతో అసలు ఎవరి ప్రోద్బలంతో ఈ ఈడీ దాడులు జరిగిందో తెలియక వైసీపీ నేతలు బుర్ర గోక్కుంటున్నారు. మొత్తానికి ఈడీ బూచి చూపించి ఎంవీవీ సత్యనారాయణ చేతుల్లో నుంచి 'పీక్' రియల్ ఎస్టేట్ ప్రాజెక్టులను బలవంతంగా లాక్కున్నారని విశాఖకు చెందిన వైసీపీ, టీడీపీ నేతలు ఆరోపిస్తున్నారు.

Also Read:  RTV Exclusive: ఎవరైనా అమ్మ మీద కేసు వేస్తారా?: జగన్ కు షర్మిల స్ట్రాంగ్ కౌంటర్!

ఈ నెల 19న దాడులు

ఇదిలా ఉంటే.. ఈ నెల 19న విశాఖలో వైసీపీ మాజీ ఎంపీ ఎంవీవీ సత్యనారాయణ టార్గెట్ గా ఎన్ఫోర్స్మెంట్ డైరెక్టరేట్ (ED) దాడులు నిర్వహించింది. మనీలాండరింగ్ నిరోధక చట్టం ఉల్లంఘనలపై ఈ సోదాలు చేసినట్లు ఈడీ తెలిపింది. రూ.200 కోట్ల విలువైన 12.51 ఎకరాల ‘హయగ్రీవ’ భూమి అన్యాక్రాంతం కావడంపై దర్యాప్తు చేపట్టింది. వృద్ధాశ్రమాలు, అనాథ శరణాలయాల కోసం ప్రభుత్వం ఈ భూమిని కేటాయించినట్లు తెలిపింది. అయితే.. మాజీ ఎంపీ ఎంవీవీ సత్యనారాయణతో పాటు ఆయన ఆడిటర్‌ గన్నమనేని వెంకటేశ్వరరావు, మేనేజింగ్‌ పార్ట్‌నర్‌ గద్దె బ్రహ్మాజీ మోసపూరితంగా ఈ ప్రాజెక్టును స్వాధీనం చేసుకున్నట్లు ఈడీ అధికారులు గుర్తించారు.

Also Read: అమరావతికి కేంద్రం అదిరిపోయే శుభవార్త.. భారీగా నిధులు!

ఇంకా.. ఫేక్ డాక్యుమెంట్లు సృష్టించి బినామీ లావాదేవీలు జరిపినట్లు ఈడీ వెల్లడించింది. ఈ మేరకు అరిలోవ పోలీస్ స్టేషన్ లో నమోదైన కేసు ఆధారంగా దర్యాప్తు నిర్వహించినట్లు ఈడీ తెలిపింది. ఎంవీవీ, ఆయన ఆడిటర్ జీవీ నివాసాలు, ఆఫీసుల్లో రైడ్స్ సందర్భంగా బినామీ పట్టాదారు పాసుపుస్తకాలు, డిజిటల్‌ పరికరాలను గుర్తించినట్లు ఈడీ తెలిపింది. అయితే.. ఈ డిజిటల్‌ పరికరాలతోనే ఫేక్ డాక్యుమెంట్లు తయారు చేశారన్న అనుమానాలు వ్యక్తం అవుతున్నాయి. 

Also Read:  4.5 కిలోల గోల్డ్..కోట్లలో..ప్రియాంక ఆస్తుల వివరాలివే!

Also Read: దూసుకొస్తున్న దానా తుఫాన్‌.. గంటకు 120 కి.మీ వేగంతో..